1 Timothy5
1Vâng nhai canjâq mŭnh bây cô camvĭnh cammra, nŏq căh vuôi ca'hya nĕh nŏq dân ca vap, klô dlu i ca pôp ŏh klô,2tamun ur măq mva dân ca mê, khây ur drŭh, sên ca pôp ŏh ur, sŭng sinlơ jrŏh soch lôch lam.3Căh sên prĭh khây ur mrô — khây ur mrô nhâng bâng.4Nŏq hê ur mrô lây gĕh con ha sinau, nŏq lor lĕq con sinau nŏq căh gưt đom chĕq sên prĭh tamun nhi nơm de, bây gĕh nuih talaq trŏh vlâq an khây tamun dĕh nơm nŏq, mvăc heq cồ sinlơ dip gal u vôq măt Siđăch Trôq.5Cồ canŏq, tamun ur mrô nhâng bâng bây rĭh la-ơi ayh du mvu nĕh, nŏq câp nggơ u Siđăch Trôq bây mbêr nuih mŏq sŭng sinlơ cuôl wĭnh nggâm vơu ngwân măng năr.6Hôm tamun saq wŏng sinlơ lêng khlân nŏq lăq chưt en, an cồ nĕh hôm mo rĭh.7Khoi căh pân ăp camvŭm heq, chĕq khây nĕh nhâng đăng gĕh tŭq lây chĕq vu camlăh.8Nŏq hê vu lây nŏq đăng tê sên tât pôp ŏh nơm, nŏq vlơ lĕq cồ tamun nhi nơm, nŏq tamun nŏq nĕh cammlăh tabayh sinlơ tôq camvân bây cồ tamun viêm dông a tamun đăng tôq.9Du ur mrô cơnh gĕh chêr săq vôq nŏq đăng takiq dông prau jât mva, cồ si-ur du lâm siklô ngăn,10gĕh candân don a khây vrŭq ôp yăh: nĕh gĕh tê pađau ŏh con đăng, nĕh gĕh uĕh wŏq chăm tamuôi đăng, nĕh gĕh rao jâng an khây con sinau Siđăch đăng, nĕh gĕh sên tât tamun vlam lŏh sat đăng, nĕh gĕh lĕq nuih talaq bây ăp vrŭq yăh đăng.11Nŏq căh vâng an lăp săq khây ur mrô cồ ndŏh lôch mva, mvăc lăm sinlơ cơnh sa vĭq saq hao tăm chŏl vlâq bây Candranh Krit, nŏq khây nĕh cơnh wŏng sai vlâq nggưt,12wŏq sinlơ ôp dôih mvăc khây nĕh lăq hwât rabăh sinlơ tăm lăp ti lor lĕq nơm de.13En wŏq, khây nĕh khoi uĕh n'niêt, uĕh saq tât nhi nŏq nhi heq, nŏq đăng gal ayh uĕh n'niêt ngăn, nŏq hôm uĕh nhai lawi lawơ bây uĕh doq ti lăp vrŭq vu ndây de, nhai ăp păch cồ khây nĕh đăng uĕh nhai.14Canŏq, ănh cơnh khây ur mrô ndŏh camvĭnh saq wŏng sai, dĕh ŏh rŏh con, tê sên nhi nơm, vâng chĕq an khây tamun tăm chŏl gĕh trong chĕq nhai viêm.15Mvăc takiq ndu lăq plĕh paklăh saq bây Sa-tan en.16Hê ur tôq Cô Voq lây gĕh ur mrô sŭng nhi, nŏq căh nong iơq khây nĕh, en vâng chĕq Vatom Gŭn văq nong canjâq, chĕq an Vatom Gŭn saq nong iơq khây ur mrô nhâng bâng.17Khây chung kwŏng sên vôq yăh nŏq nhâng gĕh vu sên prĭh gŏq dông wŏq, prĭh dông cồ khây tamun sŏq chŏnh sŭng Camvŭm Siđăch bây sinlơ pađau tăm ti.18Mvăc Sirăq Cô Voq gĕh pađau: “May vâng tănchăp takhơp mŭnh con vưr lăm nĕh mpên va,” bây “Tamun ôp vrŭq nhâng gĕh jên bây prơn nĕh de”.19Vâng chăng wŏq camvŭm yăq văq tăm chŏl vlâq bây du chung kwŏng, ayh yăq hê gĕh vlơ takiq dông var ha pe ndu candân.20Căh chih lăh tamun ôp bưn bap u vôq măt ăp ndu chĕq khây tamun hôm sĭq vlâq khây nĕh khoi gưt phung.21Ănh pân pađau nhâng bâng con u vôq măt Siđăch Trôq bây Candranh Krit Yêsu, nggâm bây khây con gŭn cồ gĕh cuôl săch, pành con căh jơ ăp camvŭm heq nŏq đăng ôp bây nuih talaq sên viêm, đăng ôp păch lây bây nuih talaq nkênh du maq.22Vâng pĭh păh sô chĕq ti hao vlơ vu lây vầy, bây vâng doq ti lăp sŭng vrŭq bưn bap vu ndây de. Căh jơ nơm con an jrŏh soch.23Con căh vâng ayh huch daq, nŏq căh huch du ndêt sĕh mvăc khlơm sŏq con de bây păch ji gŏng ndây cồ con vlam.24Bưn bap var pe ndu nŏq dân lŭng, têch tât gatŭq ôp dôih, nŏq khoi gĕh ăp bưn bap ayh văt lŭh lăm lưr gĕh ôp dôih.25Dân canŏq, khoi gĕh ăp vrŭq yăh nŏq dân lŭng, hôm ăp vrŭq yăh nĕh gĕh ôp sưt nŏq nhâng đăng tăm pôn gĕh diêt.
FAR EAST BROADCASTING COMPANY