3 John1
1Niya John peyakw kaa niikaanishkuwaat umaamuuayimihaau chimasinahamaatin chiya niwiichewaakan Gaius, naashch kaa saachihiitaan.2Chiya niwiichewaakan kaa saachihiitaan, chitayimiheshtamaatin misiwe chechii ishi miyupayin kaye chechii miyu pimaatisiyin. Chichischeyimitin e miyupayin chitahchaahkuhch.3Naashch taapwe nichii miyeyihten tahtwaau kaa takushihkwaau pasch chiichishaanuuch e pechi tipaachimiskwaau taapwe e ishi pimaatisiyuut e ishi nituweyimisk Chishemanituu chechii ishi pimaatisiyut. Chichischeyimitin taapwe an e ishi pimaatisiyin.4Namui ihtakun chekwaan uste chechii miyeyihtamihiikuyaan e ihtuutaakuyaan e pehtamaan nitawaashiimach taapwe e pimaatisiitwaau taan e ishi nituweyimikutwaau Chishemanituuh chechii ishi pimaatisiitwaau.5Chiya naashch kaa saachihiitaan, nuukun taan e ishi taapwehtaman nanaahkuu maan e ishi waawiichihiitwaau chiichishaanuuch e takushihkwaau, etituu maak anichii awenichii yaakw e waapamatwaau.6Chii aayimuutamuch uchii anite umaamuuayimihaau e ihtaayich taan kaa ishpish miyutuutuutwaau. Chika miyutuuten maak chechii miitwaau chekwaayuu taan che ishi nituweyihtahkwaau e papaamuhtataatwaau miywaachimuwiniyuu. Wesh ekun e ishi miywaach chechii ihtuutuuhkwaau anichii Chishemanituuh kaa atushkuwaatwaau.7Wesh chistuhteuch Christ chechii atushkuwaatwaau. Namui uhchi nitaweyihtamuweuch aniyuuh ekaa kaa taapwehtamiitwaau chekwaayuu chechii ishi wiichihiikutwaau.8Chiyaanuu kaa taapweyimahkw Christ chipaa wiichihaanuuch uchii naapeuch taan e ishi nituweyihtahkwaau chekwaayuu chechii uhchi wiichihiihkwaau e waawiihtamutwaau aweyuuh taapwewiniyuu.9Shaash nichii masinahamuwaauch anichii umaamuuayimihaauch, mikw maak an naapeu Diotrephes kaa ishinihkaasut eukw an naashch waa uchimaaut, namui aapatihtam taan e itweuch.10Takushinuuche anite e ihtaawekw tekash nika waawiihtamuwaan taan nihaau e ihtit, nitamukw e itaachimikuyaahch. Namui maak mikw aniyuu ihtuu. Namui miyeyihtam chechii piihtakahaakanuyich aniyuuh chiichishaaninuuh kaa papaamuhtataayich miywaachimuwiniyuu. Chistahamuweu aniyuuh aweyuuh kaa piihtakahaayich uyuuh kaye iichetishahweu anit umaamuuayimihaauh e ihtaayich uhchi.11Niwiichewaakan kaa saachihiitaan ekaawii chischinuwaapahtah machaatisiiwin, kuiskutaatisiiwin eukw chischinuwaapahtah. An awen kaa kuiskutaatisiit Chishemanituu tipiweusiitutaakuu, ekw an awen kaa machaatisiit namui uhchi waapameu Chishemanituu.12An naapeu Demetrius kaa ishinihkaasut misiwe aweyuu miywaachimikuu. Nuukuniyuu taapwe taapwewinihch e ishi pimaatisiit. Kaye niya nimiywaachimaau. Chichischeyihtenaawaau maak e taapwemakahch taan e itweyaan.13Naashch taapwe mistahii ihtakun chechii wiihtamaatakuch, mikw maak namui niwii masinahen taan waa ishi aayimuutamaatakuch.14Nipukuseyihten wiipach chechii waapamitakuch ekw maak uhchishkuu chechii ayimihiituyihkw.15Nitayimihaan chiyaameyihtamuwin chechii ayaayekw.
Misiwe chiwiichewaakanuwaauch chiwaachiyemikuwaauch. Wiihtamuwaahkuch misiwe paahpeyakw niwiichewaakanaanich anite e ihtaayekw kaa ihtaatwaau e waachiyemachihtwaau.
Misiwe chiwiichewaakanuwaauch chiwaachiyemikuwaauch. Wiihtamuwaahkuch misiwe paahpeyakw niwiichewaakanaanich anite e ihtaayekw kaa ihtaatwaau e waachiyemachihtwaau.
Canadian Bible Society