1 Corinthians14
1Saachihiiwewinihch maauch chipaa ishi aahchiistaasunaawaau chechii ishi pimaatisiyekw. Suuhk pukuseyihtamukw Ahchaahkw miiwewinh chechii ayaayekw. An maak miiwewin maauch chipaa nitaweyihtenaawaau eukw chechii chischiwehiicheyekw.2Wesh an awen kaa kweschayimit Chishemanituuh mikw ayimiheu, wesh taapaa nisituhtaakuu kutak aweyuuh taan e ishi ayimit. Chishemanituuh Utahchaahkuyuuh uhchi aayimuutam chekwaayuuh ekaa aweyuuh chischeyihtamiyich.3Ekw an awen kaa chischiwehiichet wiichiheu kutak aweyuuh, uhpineu kaye kaachiichiheu.4An awen kaa kweschayimit wiya mikw wiichihiikuu aniyuu. Ekw an awen kaa chischiwehiichet misiwe aniyuuh umaamuuayimihaauh anit kaa ihtaayich wiichiheu.5Misiwe kiipaa chinitaweyimitinaawaau chechii kweschayimiyekw. Mikw maak uste chinitaweyimitinaawaau chechii chischiwehiicheyekw. Eukw uu uste e iteyihtaakuhch chechii ishi ayimiyekw ishpish wii chechii kweschayimiyekw. Wesh mikw paatish itweshtamuwaataakanuyiche aniyuu e kweschayimit awen ekw yaakw che wiichihiikutwaau misiwe anichii umaamuuayimihaauch.6Niichishaanitikw, pechi nituwaapamitakuch maa e kweschayimiyaan, chipaa wiichihiikunaawaau aa an ishi ayimihiitakuch. Namui kiipaa. Ekw maak e nisituhtuuyekw ishi ayimiyaan, waawiihtamaatakuch taan kaa ishi waapahtiit Chishemanituu, maak taan kaa ishi chischeyihtamihiit, maak chischiwehiicheyaan, maak chiskutamaatakuch eukw uu yaakw chipaa wiichihiikunaawaau.7Aat anihiih chekwaayuuh miyetawet awen e pehtaakuhtaat muyaam puutaachikan maak chistuhchikan chiishpin ekaa kuiskw ishi metuwete an awen kaa pehtaakuhtaat puutaachikaniyuu maak chistuhchikaniyuu namui aweyuuh chika uhchi nisituhtamiyuu chekw nikamuwiniyuu aniyuu kaa metuwet.8Muyaam kaye shimaakanish puutaachikaniyuu e puutaatahk kaa chii uhchi wiihtamuwaat wiich shimaakanisha chechii ayeskuwiyich chechii maasihcheyich chiishpin ekaa nihaau itwemakahtaate taan chipaa itwemakahtaau e puutaatahk aniyuu puutaachikaniyuu namui chika uhchi ayeskuwiyuuh wiich shimaakanisha chechii maasihcheyich9Ekun maak mwehch kaye chiyawaau. Chiishpin e kweschayimiyekw taanite chechii uhchi chischeyihtahk awen taan e itweyekw. Mwehch mikw e ayimihiisuyekw chika ishinaakusinaawaau.10Mista nanaahkuu itihtaakunh ayimuwinh utah aschiihch. Namui maak waachi peyakw ishinaakunh ekaa chechii ihtakuhch taan nihaau e ishi chiishuwemakahkwaauh.11Chiishpin maak ekaa nisituhtuuke awen e pechi ayimihiit, taapishkun nika maaniteuweyimitunaan ekaa nisituhtaatuyaahch.12An naashch e nituweyihtamekw aniyuuh miiwewinh Kaa payehchisiit Ahchaahkw kaa miiyawet aniyuuh maauch che wiichihiikutwaau umaamuuayimihaauch eukunh aniyuuh maauch nituweyihtamuhkw.13Eukw maak uu uhchi an awen kaa kweschayimit chipaa ayimihaau chechii miikut Chishemanituuh chechii itweshtamuwaatahk taan e itwet.14Wesh e kweschayimiyaan e ayimihaayaan, nitahchaahkuhch nuuhchi ayimihaan mikw maak namui nisituhtaasuun taan e itweyaan.15Maau nipaa ihtin. E ayimihaayaan nipaa kweschayimin kaye maak e nisituhtaasuyaan nipaa ishi ayimihaan. Nipaa kweschayimin kaye e nikamuyaan kaye nipaa nikamun e nisituhtaasiyaan.16E maamihchimat Chishemanituu e kweschayimiyin, kutak awen ekaa eshkw uhchi miyaakanuut ahchaahkuu miiwewinh namui chika chii wiichihiikw e maamihchimat Chishemanituuh wesh namui chika uhchi nisituhtaakw.17Taapwe kiipaa chika chii miyuuhtaakusin e nanaaskumat Chishemanituu mikw maak namui wiichihiikuuch kutakach awenich aniyuu e kweschayimuut.18Ninanaaskumaau Chishemanituu niya etituu mihchetwaau e kweschayimiyaan ishpishaat misiwe chiyawaau e tashiyekw.19Mikw maak iskutak e ihtaayaan anite e ayimihaatwaau umaamuuayimihaauch uste nipaa miyeyihten aat mikw apishiish ayimiyaan misiwe chechii nisituhtuutwaau anichii kaa ayimihiikwaau ishpish wii chechii mista kweschayimiyaan ekaa nisituhtautwaau.20Niichishaanitikw, ekaawii awaashiyuu maamituneyihtamukw. Mwehch apishtawaashach e iteyihtaakusitwaau ekaa chischeyihtahkwaau e iteyihtaakuniyich machituutamuwiniyuu ekun mwehch kaye chiyawaau chipaa iteyihtaakusinaawaau. Mwehch awen shaash e chiishi nihtaauchit ekun chipaa ishi maamituneyihtenaawaau.21Itashteu wiishuwewinihch,Itweu Utipeyihchikeu, nika ayimihaauch uchii iinuuch maaniteuh aahchiiuh e itiskaanesiyich kaye aahchiiuh e ishi ayimiyich uhchi; mikw maak namui yaapach nika uhchi nituhtaakuch.22Awen e kweschayimit ekut wehchi waapahtiyaakanuutwaau anichii ekaa kaa taapweyimaatwaau Jesus taan e iteyihtaakuniyich Chishemanituu usuuhcheyihtaakusuwin. An maak awen kaa chischiwehiichet aniyuuh aweyuu kaa taapweyimaayich Jesus eukunh aniyuu e ayimihaat namui wii aniyuu ekaa kaa taapwehtamiyich ayimiheu.23Maamuuwiitwaau maa misiwe umaamuuayimihaauch misiwe maak nanaahkuu ishi ayimitwaau aniyuu e ayimihaatwaau, piihcheyich maak aweyuuh ekaa anite ishi ayimihaayich maak ekaa taapwehtamiyich, namui aa kata uhchi itweyuuh e chiishkweyich uyuu e ihtiyich.24Ihtaate chiichishaanuu e chischiwehiichet ihtaayichen maak anit aweyuuh ekaa taapwehtamiyich, aniyuu e ishi pehtahk an ekaa kaa taapwehtahk ekut che uhchi che chischeyihtahk e machaatisiit kaye ekut che uhchi muushihtaat e wiyaaskunaakanuut aniyuu e ishi pimaatisiit.25Chika nisituhtam taapwe e chischeyihtamiyich Chishemanituuh taan e iteyihtahk. Ekw maak che pahchishimipayihut e nuuchiishtuwaat Chishemanituu e itwet, “Cheshtinaash ihtaau Chishemanituu utah mekwesiin e ihtaayekw.”26Niichishaanitikw, maau chipaa ihtinaawaau. E naachi ayimihaayekw, pasch awenich chika nikamuuch, pasch awenich chika Chiskutamaacheuch, ekw pasch chika wiihtamuch taan kaa ishi waapahtiikutwaau Chishemanituuh. Pasch chika kweschayimuuch, ekw kutakach che itweshtamaachetwaau e kweschayiminaanuyich. Mikw maak taan mikw che ihtinaanuukwe anite e ayimihaanuuhch yaaitei chechii wiichihiikutwaau anichii kaa taapwehtahkwaau anit kaa ihtaatwaau ekun chipaa ihtuutaakanuu.27Awenich e wii kweschayimitwaau, namui maausuk chipaa uhchi ayimuuch. Ekw maak chipaa ihtaau awen e itweshtamuwaatahk taan e iinaanuyich. Kaye maak namui uste niishu maak nistu chipaa uhchi ayimuuch peyakwaau e ayimihaanuyich. Paahpeyakw chipaa ayimuuch. Namui maausukw chipaa uhchi ayimuuch.28Ekw maak ekaa ihtaayichen aweyuuh che itweshtamaakut awen e kweschayimit ekush namui chipaa uhchi chistuu mekwaach aniyuu e ayimihaanuyich. Ekush mikw pehkaach chika kweschayimuu nesht e ayimihaat Chishemanituuh.29Kaye maak mikw niishu maak nishtu awenichii chipaa chischiwehiicheuch anite e ayimihaanuyich. Ekw anichii kutakach yaakwaau chipaa nituhtamuch kaye yaakwaau chipaa naanituu chischeyihtamuch tiyaapwemakaniyikwe taan e iinaanuyich.30Kutak maak awen itikute Chishemanituuh chechii chischiwehiichet, an awen niishtam kaa ayimit chipaa paasikweu e ayimit.31Misiwe e tashiyekw maamiiskuch chika chii chischiwehiichenaawaau. Ekw maak misiwe e tashiyekw che nisituhtamekw kaye che wiichihiikuyekw.32Awen kaa chischiwehiichet chipaa chischeyihtam taaishpish che ayimit kaye taaishpish chipaa puuniyuu e ayimit.33Wesh taapaa chinitaweyimikunuu Chishemanituu ekaa chechii kachihkaawaachipayihtaayihkw chekwaan anit e ayimihaanuuhch.
Nitaweyihtam misiwe chekwaayuu chechii miyupayiyich kaye maak chechii chiyaameyihtaakuniyich anit.34Maau maak chipaa iteyihtaakunh ayimiheukamikw misiwe taanite nestuwiitwaau kaa taapwehtahkwaau. Iskweuch namui chipaa uhchi chistuuch e ayimihaanuyich. Wesh chii chistahamuwaakanuuch chechii ayimitwaau, chechii pachishteyimitusuustawaatwaau unaapemuwaauh muyaam taan e ishi wiihtamaachemakaniyich wiishuwewiniyuu.35E ihtakuniyikwe maak chekwaayuu etituu e wii chischeyihtahkwaau taan kaa ishi aayimuutaakanuyikwe unaapemuwaau chipaa kakwechimeuch iskutak nete e ihtaatwaau ihtaatwaawenich. Wesh namui mitun muyaam ishinaakuniyuu iskweu chechii ayimit anite e ayimihaanuyich.36Chititeyihtenaawaau aa chiyawaau e ihtaayekw e chii uhchipayiyich Chishemanituu utayimuwin, maak mikw chiyawaau e chii utihtahukuyekw.37Peyakw maak awen anit e tashiyekw e iteyihtamukwe e uchischiwehiichesuut maak e iteyihtamukwe ahchaahkw miiwewiniyuu e ayaat, chipaa chischeyihtam uyuu kaa ishi masinahamaatakuch Utipeyihchikeuh uyuu e itashuweyich.38Ekw maak awen ekaa chischeyihtahke uyuu, ekut e nuukuniyich ekaa uchischiwehiichesuut aat e chii itwet e uchischiwehiichesuut.39Ekw maak niichishaanitikw, suuhk chipaa iteyihtenaawaau chechii chischiwehiicheyekw. Ekaawii kaye chika uhchi chipihchihaawaauch anichii kaa kweschayimitwaau.40Misiwe chekwaan e ihtuutaakanuuhch kuiskw chipaa ihtuutaakanuu kaye chipaa ati nihiiskaatuumakanh misiwe taan e ati ihtinaanuuhch.
Nitaweyihtam misiwe chekwaayuu chechii miyupayiyich kaye maak chechii chiyaameyihtaakuniyich anit.34Maau maak chipaa iteyihtaakunh ayimiheukamikw misiwe taanite nestuwiitwaau kaa taapwehtahkwaau. Iskweuch namui chipaa uhchi chistuuch e ayimihaanuyich. Wesh chii chistahamuwaakanuuch chechii ayimitwaau, chechii pachishteyimitusuustawaatwaau unaapemuwaauh muyaam taan e ishi wiihtamaachemakaniyich wiishuwewiniyuu.35E ihtakuniyikwe maak chekwaayuu etituu e wii chischeyihtahkwaau taan kaa ishi aayimuutaakanuyikwe unaapemuwaau chipaa kakwechimeuch iskutak nete e ihtaatwaau ihtaatwaawenich. Wesh namui mitun muyaam ishinaakuniyuu iskweu chechii ayimit anite e ayimihaanuyich.36Chititeyihtenaawaau aa chiyawaau e ihtaayekw e chii uhchipayiyich Chishemanituu utayimuwin, maak mikw chiyawaau e chii utihtahukuyekw.37Peyakw maak awen anit e tashiyekw e iteyihtamukwe e uchischiwehiichesuut maak e iteyihtamukwe ahchaahkw miiwewiniyuu e ayaat, chipaa chischeyihtam uyuu kaa ishi masinahamaatakuch Utipeyihchikeuh uyuu e itashuweyich.38Ekw maak awen ekaa chischeyihtahke uyuu, ekut e nuukuniyich ekaa uchischiwehiichesuut aat e chii itwet e uchischiwehiichesuut.39Ekw maak niichishaanitikw, suuhk chipaa iteyihtenaawaau chechii chischiwehiicheyekw. Ekaawii kaye chika uhchi chipihchihaawaauch anichii kaa kweschayimitwaau.40Misiwe chekwaan e ihtuutaakanuuhch kuiskw chipaa ihtuutaakanuu kaye chipaa ati nihiiskaatuumakanh misiwe taan e ati ihtinaanuuhch.
Canadian Bible Society