2 AYohana1
1Kufumung kang ne ni bɔk ashɔn bafi ikuus, sak na anyin ari fɛ́ Adakunom mi kasa, ni nnon wu, bayɔng fi imi ka ba shim ayɛt atsak. Da imi azimin fi in ki shim yin awo, tit ngma na bayɔng fɛ́ ba rēn atsak e bà.2Iyit ki shim yin, nek atsak fɛ́ a se ayɛɛt yit, fɛ́ a di ki nak ni iyit ayɛ vit igang:3Won itek, nɛ angmishish, ni kusot kukyang, fi ku nes na Ada Adakunom, nɛ aYeso Kristi Ari wu, ni ko sot gung ni iyit ayɛt atsak ni ishim.4Ikyɛng e di tɛrɛk iyɛ makiyi fi in di, nnon ngɔn nakak tsin di kuus atsak, kyɔn tɛ fɛ́ Ada kin ki nɔɔk yit agbat ifɛ̀.5In tsin da tak yɔkɔnɔng ana anyin ari, imi tsin da jɛk agbat ifɛ̀ ifas awo, tit in yɔng fi in kin fok yit ni imɛsɛng e. In tsin fɛ̀, gbing-gbing ni in tonoso yit bafidang yit ishim.6Itonong ishim yit se ane: in kuus yit agbat ifɛ̀ Adakunom. Kyɔn ti i kin di fok yin ni imɛsɛng e, agbat ifɛ̀ wu me yet fok ni itonoso yin bafidang ishim.7Bafi mbɔɔs dot, mi nɔ azatse, ba nye nanan fok da aYeso Kristi mi bɛ́ ni irɔm na azatse awo. Kaakyi kuri anet tɛ ayɔng yet afi mbɔɔs nɛ anet ifa aKristi.8Nye yin yɛɛt, kɔng kutomong fi i tsang ra yin bi sot abap, tit ni ishan yin izang yin juut.9Ngma ayɔng fɛ́ da a nyeseng naton itees Anet-Isheshek awo, awɛt na di barasa nfuu, vit iwu na Adakunom, Kaangan fɛ́ a nyeseng ni itees e, a bɛ̀ Ada me nɛ arim e.10Ke akak bɛ́ ni ngɔn, da ni itees yeng awo, i bi ku won na a nɔ ari ngɔn kɛ ni ku shan awo.11Ngma ayɔng fɛ́ a ku shan, a run kama amaan itomong wu.12In bi nkyɔrɔk dot fi in shim in ki jɛk yin e, awɛt da in ni in shim in jɛk ni fumung nɛ ashi ijɛk e awo. In bi ite iyɛ fok in da ki bɛ́ yin itsen, ni in cɛɛt ni iyin ayisi ne ayisi, nɔng ifeng yit bin shining.13Nnon anganyining ngɔn fɛ́ Adakunom ba mi ku kasa, tsin da nye ashow.
The Seed Company