Mateo25
1Ësaribi ka naíkamëonu ꞌiti ax ꞌikën mëkën rabë́ xanu xuntaku ka aín tirí tuia chikikin, aín mërati aia bikësa ꞌikën.2Mëkën achúshi manúkë, ꞌimainun ka mëkën achushiribi manúkëma ꞌiakëxa.3Mëkën achúshi ax manúkë akaman ka aín tiríkëñun xëni a ꞌaruti ubama ꞌikën.4Usa ꞌainbi ka ax manukëma kama an ꞌain tiríkëñun xëni a këñutia ꞌaruti a këñubi ubankëxa.5Aín mëráti ꞌitsaíira panakëbë ka ꞌatsani ꞌuxkënan tënankëx ꞌuxakëxa.6Imë́naëx ꞌuxunbi ka kuënkëni sharatia kuakëxa: “¡An xanu biti uni ka aia bitsi ka chikit!”.7Xanu xuntakukaman ka bësui nirukin aín tirí mëniokëxa.8Usa ꞌain ka mëkën achúshi xanu xuntaku manukëkama an manukëmakama a kakëxa: “Nukama kamina min xëni chukumashi ꞌinanti ꞌain, nun tirí ka bënamëtia”.9Manukëmakama an ka kakëxa: —Nun xëni ka mitsu ꞌinanti sënëma ꞌikën. Minabi kamina marui kuanti ꞌain, anuxua marukë anua, ankëtima kupí.10Akamaxa xëni marui kuankëbë ka ꞌain mërati ubaxa, ukëbë ka axa mëniókakë akama anuxun xanu biti anu atsinkin xëpuaxa.11Usai ꞌikëbë ka mëkën achúshi xanu xuntakukama an nukuti sharakin “¡ꞌËn ꞌIbu, ꞌën ꞌIbu, nu ka xëokaxun kixun kaxa!”.12ꞌAibi ka kakëxa: “Asérabi kana uinsarabi mikama ꞌunama ꞌain”.13Usa ꞌain kamina mëniokakë ꞌiti ꞌain, uinbi ka anun ëx unin bëchikë ꞌaish uti nëtë ꞌunanima.14Ësaribi ka naíkamëonu Diosan nëtënu ꞌiti ax ka achúshi unia ꞌura kuankin ꞌain ñu mëëmikë kuënxun aín kurikikama ꞌinankësa ꞌikën.15Achúshi pain ka cinco mil ꞌinankëxa, bëtsi ka dos mil ꞌinankëxa, anuxun ka bëtsiribi mil ꞌinankëxa; Achúshi achúshi anun tëtisabi okin ꞌinabiani ka ꞌura kuankëxa.16An cinco mil bikë an ka anun tëkin bëtsi cinco milribi biakëxa.17Usaribikin ka an dos mil bikë anribi tëkin bëtsi dos milribi biakëxa.18ꞌAibi ka an mil bikë an kuanxun aín ꞌibun kuríki me naëxun anu umpukin maiankëxa.19Usakian an ka ꞌitsa baritia, ꞌikëbë ka aín ꞌibu nukukin aín ñu mëmike unikamabëtan mënioxa.20An kuríki cinco mil bikë ax pain nukukin ka bëtsi cinco milribi bëaxa, bëxun ka aín ꞌapu ꞌinanxa. ꞌInakin ka ësakin kaxa: —ꞌËn ꞌibu min kaina ꞌë cinco mil ꞌinabia ꞌaibi kana cinco milribi kanán, a kënë ꞌikën.21Aín ꞌapun ka kaxa: —Asabi ka, mix kamina upiti të́kë uni ꞌain, chukumara mi ꞌinankë anun kamina upiti tëa, usa kupin kamina mi cha ꞌinamainun ꞌëbë kuë́ëni uti ꞌain.22Anua ka an dos mil bikë anribi ukin kaxa: —ꞌËn ꞌibu min kamina dos mil kuríki ꞌë ꞌinan, ꞌaibi kana dos milribi kanan, a kënë ꞌikë.23Aín ꞌapun ka kaxa: —Asabi ka, mix kamina upiti tëkë uni ꞌain, chukumara mi ꞌinankë anun kamina upiti të́a, usa kupin kamina mi cha ꞌinamainun ꞌëbë kuë́ëni uti ꞌain.24ꞌAibi ka an mil kuríki bikë an aín ꞌibu kaxa: —ꞌËn ꞌibu ꞌën kana ꞌunánkë ꞌia mix kamina achúshi uni ñunuanankë ira ꞌain, usa ꞌain kamina anu min ꞌapakëma anuabi bitsin.25A kupin kana rakuëkin min kuríki menu umpukin maiian, akënë ꞌikë kamina biti ꞌain.26Aín ꞌapun ka kaxa: —Mix kamina uni ꞌaisama chikish ꞌain min kamina ꞌunánkë ꞌian, ꞌën kana uinu karana ꞌapakëma ꞌai anuabi bianan anu sakakëma anua bitsin.27Ën kuríki banconu nantibi kaina ꞌia, ꞌën utëkënki an kanankë kuríki a ëora cha biti kupiꞌ.28Usa ꞌain ka ꞌapun kakëxa: —Mil kuríki a kamina bikuantankëxun, an diez mil bikë a ꞌinanti ꞌain.29An ñu ëora ꞌakë ka cha ꞌinanti ꞌikën, ꞌinankëx ka chaíira ñuñu ꞌiti ꞌikën; ꞌaibi ka ax ñuñuma, a chamarasuñu ꞌikëbi bikuanti ꞌikën.30An ñu mëti ꞌunama uni, ëman ka pikú, bakish anua mi, inkin nuibakakin xëta ñërëxkai bënëtinu.31Unin Bëchikë ꞌai, ukin ꞌën pëkabësini ꞌën ángelkamabë ukëbëka, ax anu ꞌikë pënëpënëkikë anu tsonuxun ꞌain.32Usai ꞌikëbë ka kamabi menu ꞌikë uni a ꞌurama timënuxun ꞌaia, an ka aín timëkënua rairi amo bukunati ꞌikën, an ꞌarakakë unian oveja amo nanán cabra amo nankësaribi okin ka ꞌati ꞌikën.33Nankin ka ovejakama aín mëkëu nanán cabrakama aín mëmiu nanuxun ꞌaia.34Usa ꞌain ka ꞌapun aín mëkëu ꞌikë akama kanuxun ꞌaia: “Ënu kamina ꞌën papa upioki sinaxunkë a kamax uti ꞌain; kamina biti ꞌain, aín ꞌikënu ka minan ꞌitiokin unio me ax ꞌikën.35Mikama kamina pananx pisatania ꞌë pimiakë; shimakë ꞌikë kamina ꞌë xëamiakë; bëtsi me nuax ukësa ikë kamina ꞌë anu uxti ꞌinankë,36Chupañuma ꞌikë kamina ꞌë chupa ꞌinankë; akumakë ꞌikë kamina ꞌë ꞌakiankë; sipu mëu ꞌikë kamina ꞌë isi kuankë”.37Usa ꞌainka an ñu upí ꞌakëma akama kanuxun ꞌaia: “Ën ꞌIbu; ¿Uinsaran karana mi panankë ꞌikë iskin mi pimiakën? ¿Uisa ñu karana mi shimakë isana mi xëamiakë?38¿Uisaran karana bëtsi me nuax ukësa ꞌikë anu ꞌuxti mi ꞌinanan chupa ñuma ikë mi chupa ꞌinankë?39¿Uinsara karana akumakë mi isanan sipu mëukua mi isi kuankën?”.40Kia ka ꞌapun kanuxun ꞌaia: “Kana asérabi mi kain kamabi an ꞌën xukën kupí ꞌanan chamarasubi ꞌaxunkë an ka ꞌë ꞌaxuankëxa”.41—Usa ꞌain ka ꞌapun aín mëmiu ꞌikë akama kati ꞌikën: “Ënuax ka kuantan ꞌaisama kama, anua këñutimaoi manëtsí rëkirukë ñunshin ꞌatima ꞌimainun aín ángelkama ꞌiti ꞌaxunkë anu.42Panankë ꞌikëbi kamina, ꞌë añu pitibi míkaman ꞌinama ꞌain; shimakë ꞌikëbi kaina añuñubi ꞌë xëanu ꞌinama ꞌain;43Anu uxtiñuma ꞌikëbi kamina ꞌë anu ꞌuxti ꞌinama ꞌain; chupa kuëniabi kamina ꞌë pañunu ꞌinama ꞌain; sipunua akumakë ikëbi kamina ꞌë ꞌakiama ꞌain”.44Atunribi ka kia kakëxa: “Ën ꞌIbu, uinsaran karana panankë isanan shimakë ꞌianan, ñuñumasa ꞌixun chupa kuënia sipunua akumakë mi ꞌakiama ꞌain?”.45An ka kanuxun ꞌaia: “Asérabi kana kin anba chamarasubi uni ñuñuma ꞌakiamakama an ka ꞌë kupibi ꞌama ꞌikën”.46Akamax ka anuax tëmërati anu kuanti ꞌikën ꞌimainun ka an ñu upí akë kama këñutimoi tsóti ꞌikën.
The Seed Company