Mateo24
1Jesús ka anuxun Dios rabiti xubunua chikitia, aín unikaman a ꞌurama ukin Dios rabiti xubu ꞌain kata chaíira ꞌa ismiakëxa.2Jesusan ka kakëxa: —¿Míkaman kaina kamabi ënë isin? ꞌËn kana mi asérabi kain. Ënuax ka maxá bëtsi kamana achushirabi tikitima ꞌikën, kamabi ka masokin ruëpakë ꞌiti ꞌikën.3Anuax ka matá Olivos kakë anu kuanx Jesús tsobuakëxa, anuxun ka aín unikama a rapasu ukin ñukakëxa: —Kamina nu kati ꞌain, uisañu kara ënë ñu kama ꞌiti ꞌikë. ¿Uinsaran kara mix uti nëtë ꞌianan, anun ënë nëtë këñuti ꞌiti ꞌik?4Jesusan ka kakëxa: —¡Kamina bëruankati ꞌain! Uibi ka mi parantima ꞌikën.5ꞌItsaíira unix ka ꞌë ñui: —ꞌËx kana Mesías ꞌai kianan, ꞌitsaíira uni paranuxun aia.6Míkaman kaina ka akanania kixun ñuiña kuati ꞌain, ënuax ianan amanuaxribi ꞌia kuati ꞌain, ꞌaibi kamina rakuëtima ꞌain, kamabi ënë ñu ka inuti ꞌikën, ꞌaibi ka nëtë këñutisamapain ꞌiti ꞌikën.7Achúshi ëma ka bëtsi ëmabë mëananti ꞌikën; achúshi ꞌëmax ka bëtsi ꞌëmabë ꞌakanani pitiuma numi ꞌianan, bëtsi mekamanu niún ꞌikëbë me shaikinuxun aia.8Usai ꞌikëbë ka anun tëmërakin paëtanti ax taëokë ꞌiti ꞌikën.9—Usa ꞌaika mikama ꞌatimotankëxun rëtënun ꞌinanti ꞌikën, ꞌë kupí ka kamabi me nuax mimi nishti ꞌikën.10A nëtën ka ꞌitsaíira unin ꞌëmi sinanti ënti ꞌikën; ka bëtsimi nishti ꞌikën, bëtsimi nishkin ka ꞌaisama onun inanti ꞌikën.11ꞌItsaíira ka këmëi profetasa ꞌai mërakin uni paranti ꞌikën.12A nëtë ka ꞌatima ñuira ꞌiti ꞌikën, usa ꞌain ka ꞌitsaíira unin bëtsibë nuibananti ënti ꞌikën.13ꞌAibi ka uisa ñuira ꞌikëbëtabi ꞌëmi manutima sinánkë ax ië́kë ꞌiti ꞌikën.14Ënë upí bana ka kamabi menu ñuikë ꞌiti ꞌikën, kamabi menuxuan ꞌunánun, usai ꞌikëbë ka ënë nëtëkama këñuti ꞌikën.15An bana ñuikë profeta Danielnën ka kuëënëokëxa, anuxun ñu upíira akë anuxun ka ñu ꞌatima xaronuxun ꞌaia, a kamina isti ꞌain. (An ënë bana iskë an ka uisai kikë kara kixun ꞌunanti ꞌikën.)16Usa ꞌain ka Judeanu tsokë a kamax, matanu abati ꞌikën;17An aín ꞌiti manan ꞌikë ax ka aín ñu bitsima ꞌabati ꞌikën;18Uix kara aín naënu ꞌikë ax ka aín chupa bitsi utima ꞌikën.19¡Të́ëmërai ka a nëtëa túkë xanukama, ꞌimainun aín tuá ꞌikukë akama ꞌiti ꞌikën!20Míkaman kamina Dios ñukati ꞌain, anumi abakë nëtë anun ka mita ꞌimainun anun ñu mëtima nëtë ꞌitima ꞌikën;21A nëtën ka uinsarabia nëtë ió ꞌain ꞌiasamaira ꞌinun tëmërati ꞌikën, ꞌimainun ka amiribishi ꞌitsaíira tëmëratima ꞌikën.22Diosan ka an nuibakë unikama kuë́ënia, usa ꞌain ka anun tëmërati nëtë ꞌuraira ꞌitima ꞌikën, usa ꞌaika kamabi bamasiaxa.23Usa ꞌain ka bëtsi uni mikama kati ꞌikën: “Ka is ënu ka Cristo ꞌikën, kanan ꞌuri ka Cristo ꞌikë, kixun kakëxun kamina usa ka kixun sinantima ꞌain”.24Ka uti ꞌikë këmë Mesías ꞌimainun këmë profetakama; an ka chaíira ñu ꞌakin Diosan kaiskë unikama parankatsi kixun ꞌati ꞌikën.25ꞌËnë ñukama ꞌisamapain ꞌain kana mikama kain.26Usa ꞌain, ka mi kati ꞌikë ka is, Mesías ka ꞌanu uni ꞌikëma menu ꞌikën, kakëxbi kamina ꞌanu kuantima ꞌain. Ka is ka ënu umpukë ꞌikën kakëxbi kamina kuantima ꞌain.27Amiaxa bari urukëmia mëritia kanaka ami bari kuabukë amia ichukin pëkakësa, usaribi ka Unin Bëchikë ꞌaish ꞌën anun utëkënti nëtë ꞌikën.28Uinu kara uni achúshi bamakë ꞌikë anu ka xëtë timëa bukunuxun aia.29Bënëtishi ka anun tëmërakë nëtëkama inukëma ꞌainshi ka bari bëankimainu, ꞌuxë bakish mainun ꞌisparibi nainuax rëukunuxun ꞌaia, ꞌimainun ka naínu ꞌikë ñukamaribi shaikinuxun ꞌaia.30Usai ꞌikëbëtan ka naínua bëtsi ñu ꞌia Unin Bëchikë isti ꞌikën, kamabi menu ikë unikama ka tëmërai inti ꞌikën, usa ꞌain ka ëx Unin Bëchikë aish nëtë kuin mëu kushíira ianan pënëíira kuatsinia isnuxun ꞌaia.31An ka aín ángelkama aín manë banañu këñu xuti ꞌikën, anka aín unikamabi me rabë́ ꞌimainun rabë́ sënënkënua timëanan, uinu kara nai sënëankëxa anua timënu xuti ꞌikën.32Bëri kamina higueranua ꞌunanti ꞌain: xamatankëxa ꞌain, pëchi koruia iskin kamina ꞌunanti ꞌain, anun bari kuatsinti ka ꞌuramatia kixun.33Usaribiokin kamina ënë ñukama iskin ꞌunanti ꞌain, anun ꞌën uni bëchikë ꞌai uti nëtë ka ꞌurama ꞌikën.34Asérabi kana mi kain ënë ñukama ka uni ënë nëtënu ꞌikë këñutisama pan ꞌain ꞌiti ꞌikë.35Naí ꞌimainun me inúkëbëbi ka, ën bana inútima usabi ꞌiti ꞌikën.36Uibi ka ꞌën anu uti nëtë ꞌunanima, nainu ꞌikë ꞌën ángelkama ꞌimainun, aín Bëchikënabi ka ꞌunanima aín Papa ainshi ka ꞌunania.37Noé ꞌia nëtë usaribi ka ꞌën Unin Bëchikë ꞌai utëkënti nëtë ꞌinuxun ꞌaia.38A nëtën ka unin baka ꞌikuatsinsamapain, Noé aín nunti chaíira anu atsintamainun pianan xëanan xanu biakëxa.39Atun ꞌunankëma ꞌaibi ka ꞌikuatsinkin kamabi bakán buankëxa, usaribi ka Unin Bëchikë ꞌaish ꞌën utëkënti nëtë ꞌinuxun ꞌaia.40Usa ꞌain ka a nëtën rabë́ uni naënu të́ëti ꞌikë, achúshi buantamainun ka bëtsi tikiti ꞌikën.41Xanu rabëtan ka ñu bëru rënti ꞌikë, achúshi buantamainu ka bëtsi tikiti ꞌikën.42Usa ꞌai kamina mitsun kainti ꞌain, uisaran kara ꞌën ꞌIbu aia kixun ꞌunankimabi.43ꞌAibi kaina ënë ꞌunanti ꞌain, xubu ꞌibua uisaran kara ñantan mëkamakë uni aia unaxun ꞌain xubu bëruankëbë ka mëkamakë uni atsintima ꞌikën.44Usa ꞌain kamina míkamaribi mëniorakakë ꞌiti ꞌain; uinsaran kara Unin Bëchikë uti ꞌikë kixun ꞌunankëma ꞌaibi ka ꞌuti ꞌikën.45¿Uix kara an ñumëkë uni upí ꞌikë, ami ka aín ꞌibun xubunu ꞌikëkama bëruanki upioki piminu ëbiania?46Chuamarua ka an upiokin ñu mëia aín ꞌibun ukin mërakë an ꞌiti ꞌikën.47Ën kana asérabi mi kain ꞌan ñu më́ëmikë unin ka ꞌain unikamabi ñu bëruanu ënti ꞌikën.48ꞌAibi ka aín uni ꞌatima an ñu mëxunkë ꞌë ꞌibu ka panatia kixun sinanki,49An ñu më́ëkë rairikama ꞌatimonan, paënkë unikamabë biranankin abëtan piana xëai paënti ꞌikën.50An ñu më́ëmikë uni ka ꞌaia kixun ꞌunánkë ꞌai mabi ka uti ꞌikën,51Ukin ka upisa ꞌaibi ꞌatimakama këñubi tëmëramiti ꞌikë, anuax ka aín xëta ñërëxkai bënëti inti ꞌikën.
The Seed Company