1 Timoteo2
1Ësokin ꞌanun kana mi kain, kamina ñukati ꞌain, bënëkin abi ñukaxunti ꞌain, asabi ka kakin kamabi uni Dios ñukaxunti ꞌain.2Kamina kamabi ꞌapu ꞌimainun uni anëkë kamaribi ñukaxunti ꞌain, nuxribinu kuë́ëni upí tani tsonun, anuxun rabikin Diosan bana tanti ꞌain.3Ënëx ka upí ꞌai asabi ꞌikë, ësakin ꞌakëbë ka Dios an nu ië́mikë ax kuë́ënia,4ax ka kuë́ënia kamabi unin ië́kin asérabi anu ukin ꞌunanti.5Anu ka achúshi Dios ꞌikën, ꞌimainun ka anu uni achúshi a kupinu Diosnan ꞌiti anu ꞌikë, ax ka: uni ꞌaish Jesucristo ꞌikën.6Ax ka bamati ꞌinamëakëxa kamabi uni ië́miti kupí. Ënë ka ñuiakëxa anun ꞌiti nëtë ꞌitamainun.7Ënë ñuiti ꞌimainun upí bana ñuiti ka apóstol ꞌë anëaxa ꞌimainun ka, ꞌë xuaxa upíoki sinamianan asérabi ꞌunaminu Judioma unikama ënëx ka, asérabi ꞌikën.8Usa ꞌain kana kuë́ënin kamabi unixa me kamanuax mëkën chaiorui Diosbë banati ka asabi ꞌikën, ax ka ꞌain nuitu upí ꞌaish nuibani nishananima ꞌiti ꞌikën.9Usa ꞌain ka xanu mëniokati ꞌikën, mëniokati ka upitani ꞌiti ꞌikën, masirikikin ka ꞌain bu mënio iratima ꞌikën, kuri mëñuanan ka ñu chabakikë ꞌimainun chupa kupíirakë aribi pañutima ꞌikën.10Ax mëniorakakë an ka upí ñu ꞌati ꞌikë, usa ꞌain ka xanuxun ꞌën kana Diosnan ꞌai kixun sinánti ꞌikën.11Xanuxun ka ꞌunamikëxun banakima Diosan bana kuati ꞌikën, ꞌimainun ka nuibanankë ꞌiti ꞌikën.12ꞌImainun kana timë́kë ꞌanuxun xanuxun ꞌunamiti a kuë́ënima, uni ka kuëbitima ꞌikën, usa ꞌaika banakima isti ꞌikën.13Adán pain ka Diosan uniokëxa, ꞌatankëxun ka Evaribi ꞌakëxa.14ꞌImainun ka Adán parankëma ꞌiakëxa, Eva an ka parankë ꞌaish ꞌuchakëxa.15Usa ꞌain ka xanu ië́kë ꞌiti ꞌikën, kikësabioki tita ixun upioki sinani nuibanani upíira ꞌiti ꞌikën.
The Seed Company