1 Pedro5
1Mitsubë timëkë uni apankama kana ësëin, ꞌëxribi atusaribi apan ꞌixun kana kain, uisai kara Jesucristo tëmërakëxa kixun ꞌunan, ꞌimainun kana aín nëtë pënëíira anu ꞌën ribi ꞌiti ꞌain a ukëbë.2Diosan mimi ënkë unikama kamina upiokin bëruanti ꞌain, bënë́kin kuríki ñukakima kamina Dios kuënkësabi okin, upioki ꞌati ꞌain.3Mix aín ꞌibusa ꞌixun ꞌakima kamina upiokin bëruanti ꞌain, minua ka atun unanti ꞌikën.4Usa ꞌain, ka an bëruankë aín ꞌibuíira ax ukëbëtan, achúshi mañuti pënëíira, ax këñuti nëtëtima a mitsun binuxun ꞌain.5Usaribikin ka bëná unikama uni apanën kakëxun kuati ꞌikë. Kamabi ka bëtsibë bëtsibë ñumara ꞌiti ꞌikën. Diosan ka bëtsi samaíira a kuëënima ꞌaibi ka axa bëtsibë nuibanankë a ꞌakinia.6Ñumara Kamina Diosan mëkënua ꞌiti ꞌain, usai ꞌia ka aín nëtën ꞌikëbëtan mi biruti ꞌikën.7Min ꞌaisama okin sinánkë a kamina Diosnu ënti ꞌain an ka mi bëruanti ꞌikën.8Kamina sinañu ꞌianan kushi bëruankati ꞌain, ax mimi nishkë ñunshin ꞌatima ka paru ꞌinuanë kuë́ërukin, aín piti barikësa ꞌixun binuxun mi baria.9Tënëi shaikikima kamina sinanti ꞌain, bëtsi me kamanuaxribi ka min xukëantu mix ꞌikësaribiti tëmëraia kixun.10ꞌAibi ka mitsux ꞌitsama nëtën tëmërakë ꞌikëbi, Diosan ñu ꞌatima ꞌakëma, kupí kushi, ꞌimianan asérabi ꞌinun ꞌimiti ꞌikën. Abi ka Dios an nuibaki nukë kuënkë a ꞌikën, ꞌimainun ka aín nëtë pënëkikë upíira anu Jesucristobë ꞌinun ꞌimiti ꞌikën.11Aín kushi ka uinsarabi nëtëtima usabi ꞌikën. Ashi.12Nun xukën Silvano, an ꞌakinkëxu kana ënë kirika chukumashi insha, anun mi ꞌësëanan mënioki a kama ꞌakinkë a kamina bia, ax ka Diosan ꞌakinkëx. ¡Ënima kaina asérabi abëbi ꞌiti ꞌain!13Babilonianu ꞌikë mi asaribi okin Diosan kaiskë an ka mi kamia Marcos ꞌën bëchikësa an Cristo rabikë anribi ka mi kamia.14Kamina bëtsi upiokin ramëkin mëkën ꞌinankin Cristo kupí ꞌati ꞌain.
The Seed Company