Sálumu99
Aburemei ligía Urúei le Íñugutimabei
1Aburemei urúeibei! Anihein lálana larúeihan hóugiñe kátaña garünatiña! Adadagara hamá néchanigu lau sun múa dayarügü.2Wéiriguti Aburemei lidan wübü Sión; hóugiñeñein sun gürigia Aburemei.3Alawahoualá liri, wéiriti ani hanarimeti.Sánduti Bungiu!4Aban urúei le gabafuti buguya, le hínsiñehabubei lun irichaü; buguya guánarügü íchugubalin úarani. Óusera baaña lirahüñü Hakobu lau irichaü luma úarani.5Alawaha huméi Aburemei, le Wabungiute, hudugua humá ligibugiñe lugudi!
Sánduti Bungiu!6Anihein Moisesi luma Aarón hadan lufadirinigu; anihein Samueli hadan ha meha eremuhabaña lun liri. Óunaba lumutiña meha Aburemei dan le hamuriahani lídehan.7Adimurehati Bungiu hama lídangiñe huánriñu, gúnfuli hamuti lugumadin luma lúrudu le líchugubei houn.8Aburemei, Wabungiute, óunaba bumutiñaha! Aban meha Bungiu le geferudunahaditi buguya houn, gama lumoun beigua bumutiña giñe luéigiñe hariban.9Alawaha huméi Aburemei Wabungiute, hudugua humá ligibugiñe luwübüri le sándubei!
Sánduti Wabungiute le Aburemei!
Bible Society of Honduras