Sálumu98
Darí laali Aburemei agañeiruni!
1Heremuha iseri uremu lun Aburemei, ladüga adügaali burí katei wéiriguti! Ibiha laali agañeiruni lau lueirin lubafu, lau larüna le sándubei!2Adimureha laali Aburemei lagañeirun; arufuda laali liricha hagibugiñe néchanigu;3Mabulieidun lumuti línsiñehabu luma ligunfulin houn Ísüraelina. Arihúaali lagañeirun Wabungiute chülǘ lumoun lagumuhóun larigeirugu ubóu!4Heremuha lun Bungiu lau ugundani huguya lílana sun fulasu; iñura huméi humalali lau ugundani, wa humá uremu lun.5Heremuha lun Aburemei lau tamuri árüpa tuma gidara.6Heremuha lau ugundani ligibugiñe Aburemei le urúei lau tamuri fidu.7Adürühalá barana lau sun le lídanbei; ubóu hau sun lílana;8apouhalei duna éibaaguati lúhabu; óundaraguala burí wübü lidan aban lun lagúaragun lau ugundani9ligibugiñe Aburemei, le anitebei lun lagumadihan ya múarugu. Lagumadihaba hadan lílana ubóu lau ísuruni luma irichaü.Bible Society of Honduras