Sálumu9
Lalawahóuniwa lúaragun Bungiu
1Nabureme, busentina nalawahanibu tau sun nanigi, abahüdagua aume luagu burí ubuiduni le badügübei.2Bungiu Íñuguti le ligibuagubei sun katei, busentina nagúaragun buagu, buin lau ugundani; busentina neremuhan uremu burí lidan biri!3Anurahatiña náganiñu bigibugiñe, aba hábürühan darí hóunwegun.4Aban aguseragüdüti le richaguati buguya: Ñuruhadibu luagu bala le lánina barúeihan lun bíchuguni niricha nun.5Adeinhaadibu houn gibe tubungiutegu ani günringua baaña salufuritiña; gidá baali laritawagún hawagun lun súnwandan!6Hilá ágani, hilagua giñe luburugute luma; günringua bumuti burí, meredeti ni aritaguni lárigi.7Ánheinti Aburemei, aban urúei lun súnwandan, derebugugüda laali lálana larúeihan lubá laguseragüdün.8Laguseragüdübei ubóu lau irichaü, lasiadirubaña gürigia kei lubeibei.9Góunigi lumutiña Aburemei ha gudemebaña; góunigi lumutiña lidan lidere dan.10Aburemei, ha subudihabúbaña bun, hemenigitiña buagu, ladüga mágurun bumutiña ha áluahabalibu.11Wa humá uremu lun Aburemei le arúeihabei Sión; hadimureha luagu sun le ladügübei lidan sun fulasu.12Haritaguati Bungiu hawagun ha nidiheribaña, ani mabulieidun lumuti hayahun; beigua lumutiña ha éibaahabaliña.13Nabureme, gudemená bun; arihabá hadiheridagüdünina ha iyereehabúbaña nun, sagabana lídangiñe lubenari óunweni!14Nariñagame houn sun gürigia lubenari Herusalén, luagu lunti lan lichugúniwa uéiriguni bun, luagu giñe gunda nan ladüga besefurunina.15Ábürühatiña gürigia gibe tubungiute tidoun guánarügü hasadaran hürüguati hagudi tidan guánarügü seni to haramuduboun.16Arufudaguaali Bungiu lungua: Aguseragüdaali lau ísuruni! Rédeitiña ha salufuribaña dáüwañu tidan sádara to guánarügü hadügüboun.17Ha salufuribaña hama gürigia ha abulieidubalin Bungiu hóudiba máfiougatin;18mabulieidunwabaña gudemetiña, meferidirun ligíame hemenigin lun súnwandan.19Iñuraguabá Bungiu Nabureme; mígiraba lun iñu lan lanaagun gürigia lungua; aguseragüdabaña gürigia gibe tubungiute bigibugiñe!20Nabureme, adügabá lun hasandirun anufudei subudigüdabei houn luagu gürigiarügüñanu lan.Bible Society of Honduras