Sálumu74
Afurieiduni amuriahei lesefurun ageiraü
1Bungiu, ka san uagu bágurawa gumugua dan? Ka uagu bagañida houn bilügüniña mudún?2Haritaguabá hawagu bumutuniña, ha bibihubaña lúmagiñebei furumiñeti dan, ha besefurubaña lun bánigubaña lan; haritaguabá luagu wübü Sión, le meha ñein lubéi baganawa.3Higabu barihei günringuaü mébehati le; günringua laali ágani sun katei sanduariurugu!4Eremuha hamuti báganiñu hagañeirun bisanduariunrugu iñura hamaali hafanidiran kei terencha5luagu tubenari! Kamá hamuga áhinutiña dabíararugu.6Günringua hamuti tuenden le lauti fulansu tau harawa luma lau marüdiyu,7gudá hamutu buban; wíyeda hamutu buban guánarügü lau hágurunu múarugun!8Deregeguatiña houngua lun hagünrinchaguniwa sunsuinagubei; gudá hamuti sun fulasu le ñein lubéi meha wóundaragua lun wáhuduragun bun!9Marihin wamaali burí umegeni le sagüráubei; úaali ni aban profeta; ani ibidiñeti woun átiribei lan dan lau katei le.10Bungiu, ídaba san lásura lanabaguniwa wágani? Ídaba san lásura ladimurehan wuriba buagu?11Ka san uagu baramudei búhabu le gabafubei? Ka san uagu beredera chagu barüna?12Buguya Nurúeitebei lúmagiñe binadu dan; buguya, Bungiu ibihatibu saragu agañeiruni ubouagu:13Fánreingua bumuti barana lau bubafu; bougua bumuti hábulugu udu baranahana.14Buregua bumuti lábulugu Lewiatán lárigiñe aba bíchuguni houn animaalu hanarimetiña ha lídanbaña fulasu mageirawati lun héiginiña.15Saliguagüdatibu lísensen duna luma duna éibaaguati; mábeigüdabei sun burí duna le gésensenti;16bani áriebu luma wéyuagu, buguya adügübalin hati luma weyu;17buguya amakürübalin lébeha ubóu, buguya adügübalin lubachouga luma luribouga.18Haritaguabatia Aburemei, luagu anabagua lánibu bágani, luagu giñe adimureha hamá gürigia ha deré taganbun wuriba buagu.19Mabulieidabawa saragu! Débilitina kei dunuru; mederegerabawa houn animaalugu hanarimetiña!20Haritaguabá luagu bidaradun, ladüga buin liña fulasu lau anarimeni darí lumoun lagumuhóun larigeirugu!21Mígiraba lun háünabudagüdüniwa ha gudemebaña; adügabá lun heremuhan gudemetiña hama ǘnabugutiña bun!22Iñuraguabá Bungiu! Bageindagua buéigiñegua! Haritaguabá luagu merede lan hanabagunibu deré taganbun!23Mabulieidabei hagúaragun báganiñu, luma lawanserun hagúarahan ha mabuchahabaña bun.Bible Society of Honduras