Sálumu7
Richaguati laguseragüdün Wabureme Bungiu
1Nabureme, Nubungiute, buma náluaha nóunigiruniwa; sefubána hawéi sun ha éibaahabalina!2Sefubána, ladüga ítara liña hagaburi kei liñún, günringua hañalina úougame kaba lan esefurana hawéi!3Nabureme, Nubungiute, ka lídangiñe burí katei le ídounbei nábürüha? Áfarahaadina funagia?4Fáyeihadina funagia wuribati luagu buiti lun numada? Bulubudu naali funagia nágani marichaga?5Anhein ítara liña lubéi, éibaahalana nágani, ragülana, aduruuha lana múarugu, abalabaagüdalei lubuidun ladimurehóuniwa nuagu múarugu.6Iñuraguabá lau igañi, Nabureme! Gagibuguabá luma hagañi náganiñu! Buguya le adügaalibei irichaü, númagiñeba!7Geyegua hamá lílana fulasu bau; Rubei lálana barúeihan hóugiñe.8Nabureme, buguya aguseragüdübaliña sun néchanigu, aguseragüdabana kei ligaburi niricha; aguseragüdabana kei ligaburi taruman nanigi.9Bungiu richaguati, buguya le aríaahabalin saminaü luma lilulin-agei tabusenrun wanigi, gumuguagüdabei hariban salufuritiña, deregüdaguagüdabei le richaguabei!10Bungiu le íñugubei, ligía óunigirubalina, le esefurubaliña ha harumabaña anigi.11Bungiu, aban aguseragüdüti richaguati, le asiadirubalin wuribani súnwandan.12Anhein magiribudagun gürigia lun Bungiu, layarahaboun Bungiu lefeinte, ani deregüda laaru tebu ligimaran.13Seti laaru ligimaran to durunguaboun, aranseru burí lárumate to gáfarahatu!14Ariha humaña ha salufuribaña: hagariduña le lánina águrahani, dageinañanu lau wuribani, marasualugu ligíaba háguraha.15Chigaaña aban huyu huliliti, hábürühaba lidoun guánarügü huyu ligía.16Lábürühaba hariban luma hanarime hábulugun guánarügü!17Nalawahabei Nabureme ladüga richaguati; neremuhaba uremu lun liri Nabureme, lun liri le íñugubei.Bible Society of Honduras