Sálumu6
Afurieiduni lidan idiheri
1Nabureme, madeinhabá nun lidan basafaragun, mabeichabana giñe lau bigañi.2Nabureme, gudemená bun, ladüga uánimati nasandiragun nungua. Nabureme, águyugüdabei lareini nura nun, ladüga adadagarati sun núgubu le nisandi.3Nadadagaruña lau anufudei! Ani buguyati Nabureme, Ídaba san biabin?4Higabu Nabureme, sefubéi nibagari! Sefubána luagu bínsiñehabu!5Úati le hilaali lun laritagun buagun; kagia gayaraabei líchugun uéiriguni bun lídangiñe lumuaha?6Buchá nuagu ayahua, áriebu lárigi áriebu nayahuña darí lun tadüdürün nichügübarari lau náguira.7Búriha narihin ladüga gáriti; lóuguati narihin hadüga náganiñu.8Dise humá nuéi huguya le adaagubei wuribani! Aganba laali Nabureme nayahuahan.9Aganba laali Nabureme nayumuragun; resibi laali Nabureme nebegirun lun!10Herederuba náganiñu lidan busiganu, láfaragubaña anufudei ítara kei lufuresen léfegechun luma lámurudun agu ítara luba giñe lufuresen hanurahan lau saragu busiganu!Bible Society of Honduras