Sálumu67
Alawahalabu sun ageiraü!
1Aburemei, gudeme wamá bun, biní báwame; arihabáwa lau agu buiti,2subudi hamaamugei sun lílana fulasu ubouagu bugundan luma besefuhan.3Bungiu, alawaha hamabu sun lílana fulasu; sun lílana fulasu alawaha hamabu!4Wagua hamá néchanigu lau ugundani, ladüga agumadihatibu fulasurugu lau irichaü; alidiha bumutiña lílana fulasu ubouagu!5Bungiu, alawaha hamabu sun lílana fulasu; sun lílana fulasu alawaha hamabu!6Ru laali múa lin; biní láadiwa Wabungiute!7Biní láadiwa Bungiu! Rula sun ubóu uéiriguni lun!Bible Society of Honduras