Sálumu66
Ma lubuidun sun le badügübei
1Sun lílana fulasu alawaha huméi Bungiu lau ugundani;2wa humá uremu lun Bungiu le wéirigubei; heremuha uremu burí wéiriguti lun;3ariñaga humá lun Bungiu: «Buíduburiti katei le badügübei. Lau lueirin bubafu, ábürühatiña báganiñu lau anufudei bigibugiñe;4huduguatiña sun gürigia bun, eremuha hagía burí uremu bun».5Higougu harihei le ladügübei Bungiu, lubuidun burí katei le ladügübei hawagu wügüriña.6Saliguagüda lumuti barana lun múame le mábeiti, aba hánhiñuraguni wagüchagu duna éibugeina; gunda wamá lidan Bungiu!7Arúeihati súnwandan lau lubafu; aríaaha lumutiña sun gürigia lidan sun fulasu luéi hiñuragun wuribatiña houngua hawagun.8Néchanigu, alawaha huméi Wabungiute! Aganbagüda huméi heremuhan lun!9Ladüga ágüdaha láadiwa lau ibagari; mígirun lágidiwa lun wábürühan.10Wabungiute, hóuchagua báadiwa, aranse báadiwa kei pülata!11Ábürügüda báadiwa tidoun sádara; barügüdaadibu óunwenbu ihürügu woun;12ígiratibu lun ladügüraguniwa aban furumiñeguarügü; sügühadiwa lídangiñe duna luma watu gemeti, gama lumoun rúhadibu awaraguni woun guentó.13Nebeluruba búbiñoun ábame nágudahan idewesei bigibugiñe, ítara luba nagunfuliruni nani füramasei,14füramasei le nadügübei bun dan meha lídanñadina lubéi denchaü.15Nágudahaba animaalu dibunetiña ligibuagu bani latarü; nedewehaba bágasu hama gábara wügüriña bun, luma adagaragüdüni le hauti gábara.16Higougu sun huguya ha inebebei Bungiu hun! Aganba humana, nabahüdagua hun luagu le ladügübei Bungiu nuagu!17Wátina lun lau niyuma luma tau niñeñe aba nalawahani.18Lun hamuga wuriba lan naritagun, maganbun lumutina hamuga Nabureme;19gama lumoun aganba lumutina teni ligía lun nafurieidun!20Alawahoualá Bungiu, aganba lumuti nafurieidun, mamahan ligía nun lau línsiñehabu.Bible Society of Honduras