Sálumu61
Afiñeni luagu lóunigihan Bungiu
1Nubungiute, aganbabéi nagúarahan lau igarigu, tenibá lun nafurieidun!2Wátina buagu lúmagiñe lagumuhóun larigeirugu ubóu, ladüga edebilideinatiña nanigi sefubána lau bíchugunina ligibuagu aban liñun-agei dübü,3buguya naramudaguagülebei. Ítara biña kei aban wáyelesi le héreti le esefurubalina hawéi náganiñu!4Busentina naganóun búbiñe lun sun dan, daruguañu nau lábugiñe barüna.5Ladüga buguya, Nubungiute, aganba baali nani füramasei, ru baali giñe halagante gürigia ha inebehabubaña lun biri.6Ruba ibagari le migifeti lun urúei; lun gabagari lan saragu irumu,7larúeihame súnwandan lau babinirun. Góunigibei lau bínsiñehabu luma búaragun;8ítara luba nalawahani biri lun súnwandan, gúnfulineime nidaradun sagü weyu.Bible Society of Honduras