Sálumu52
Málati lanaagun wuribati lungua
1Ka san uagu bapantaha lau buriban, buguya gabafuti? Merederagunti lugudemehabu Bungiu!2Lúnrügüñein badügüni le wuribabei basaminara; ítara tiña biñeñe kei aban gusiñu hamanatu.3Himei bágili katei le wuribabei luéi le buídubei, himei bumuti marasualugu luéi inarüni.4Iñeñein marasualugutu, himei bumuti burí dimurei le gagünrinchaguaditi;5gama lumoun lagünrinchagubadibu giñe Bungiu lun sun dan: Lanügübadibu ábame labugunibu búbiñegiñe, ábame lagidaruni bibagari buéi.6Anihán katei le, harihubei ha ñǘdünbaña lau le lubeibei Bungiu, ábame hanufudedun, gama lumoun héherahaba lau gürigia ligía, hariñagame:7«Ariha huméi le máluahanbalin Bungiu; le hemenigibei luagu burí liibe lirisin, aba lasigirun lidan luriban».8Ánheinti au, ítara niña kei oliwu wurigili tidan luban Bungiu. Nemenigiduba luagu líñsiñehabu súnwandan!9Bungiu, neteingirubadibu súnwandan luagu katei le adüga báalibei; nagurabahaba lidan biri hagibugiñe bánigu, ladüga wéiriti bubuidun.Bible Society of Honduras