Sálumu16
Alagan le buítimabei
1Góunigibana Bungiu, ladüga bóubawagu náluaha naramudagun!2Ariñagaadina bun: «Buguya Naburemebei, buítibu nun; úati kei buguya».3Garíawasetiña gürigia sándutiña ha ubouagubaña, wéiriti nugundan dan le hámañadina lan.4Ha anúadirubaña amu búngiugu barütiña saragu asufuriruni hóuniwagua. Múaradundügübadina hama lidan hadagaragüdün le gaganati hitaü! Míridun nubéi hiri lau niyuma!5Nabureme, buguyarügüñein nun; biní bumutina saragu; búhaburuguñein nibagari.6Buiti ubaraü le ñein lubéi bíchigana; buiti nalagante buma!7Nalawahabei Nabureme, ladüga ligía adundehabalina, íbini áriebu arufudahati nun tidoun tilulin-agei nanigi.8Súnwandan anihein lan Nabureme nigibugiñe, lau Bungiu luéigiñe nóunwenren, úabei éiguadagüdütina.9Ligía buin tiña lubéi nanigi lau ugundani.Labagariduba sun núgubu lau emenigini,10ladüga mígirun bubadina lidan umúahaü, mígirunbadibu lun tañaladun nuani húyurugu!11Barufudubei lémeri ibagari nun. Anihein óunwenbu ugundani biñuarü; anihein buiduu le magumuchaditi burugabu.
Bible Society of Honduras