Ariñawagúni12
1Ha úntiña línsiñeda heresibirun ererehani, hínsiñeti subudi houn; ánhaña ha máhatiña lun ererehóuni, ibidiouguati hau.2Gúndaati Bungiu hau gürigia ha buídubaña; gama lumoun siadi lumutiña ha wuribabaña isaminan.3Mama ebu derebuguti wuribani ni ka un; ánhaña ha richaguabaña, gálagületiña súnwandan.4Würi to buitu igaburi, barǘ tumuti túmari kei aban urúei anhoun to wuribaboun usan, günringua tumuti sunsuinagubei.5Gürigia ha richaguabaña, luagu richaguaü hasaminara; ánhaña ha salufuribaña, luágunrügüñein heyeedagun gürigia hasaminara.6Ítara liña hererun gürigia ha salufuribaña kei aban sádara to áfarahatu; anhein hererun ha buídubaña, ítara liña kei esefuruni.7Ha salufuribaña, ábürühatiña; aba hagumuchagun hadügawagun; anhoun haban ha richaguabaña, mábürühantu; rédeimemetiña hadügawagun.8Adimurehóuati buidu hawagu gürigia según hanichigu; ánhaña ha ibidiouguabaña aau hanügǘn kei ni kata hadünabei.9Buítimatiña ha anügǘbaña kei ni kata, gama lumoun añahein eseriwidutiña houn, sügǘ hau ha wéirigubei hanügǘn, gama lumoun méigintiña buidu.10Ha richaguabaña, subudi hamuti hemegeirun habiñanigu; ánhaña ha salufuribaña, ibidiñeti ni kata luáguti gudemehabu houn.11Ha nadagimeintiña hachari, géigintiña saragu; ánhañati ha ibidiouguabaña aau lun katei málati hetenira.12Luriban haritagun ha salufuribaña, ligía hasadaranbei; anhein hálagüle ha richaguabaña, magumuchaguaditi.13Gürigia ha salufuribaña, güraguatiña houngua lidan hayeeni guánarügü; ánhañati ha richaguabaña, furitiña buidu lídangiñe lénrengunga.14Ibiha lumuti kada aban lebegi le lariñagubei, ibihaléi lafayeiruaha le ladügübei.15Ha ibidiouguabaña aau, haritaguatiña luagu buidu lan sun le hadügübei; ánhaña ha chúbaña aau, ánhatiña lun haganbun eweridiruni.16Ha ibidiouguabaña aau, fureseti harufuduni hagañi; ánhaña ha buídubaña ichügü, meberesentiña lau hanabawagun.17Gefentiña ha inarünitiña, ariñaga hamuti inarüni; gefentiña ha yéetiña, iyeeni hachoururubei.18Añahein gürigia, abuleseihatiña láurügü hererun, gama lumoun ha chúbaña aau, areidaguagüdatiña lau hadimurehan.19Lerederuba inarüni lun sun dan; anhein iyeeni, murusunrügübei dan ladurarun.20Anihein iyeeni lidan haransehan salufuritiña; anhein lidan heweridihan gürigia ha ñuruguatiña, anihein ugundani.21Masufurirunbaña gürigia ha richaguabaña wuribani; ánhaña ha salufuribaña, hasufuriruba sun luwuyeri wuribani.22Iyereegutiña yéetiña lun Bungiu; gama lumoun gúndaati hau ha ariñagubalin inarüni.23Ha chúbaña aau, aramuda hamuti lichú hau; ánhaña ha ibidiouguabaña aau, wagua hamuti libidiounigan hau lun laganbuni sun ubóu.24Ha nadagimeintiña, hagumadihaba; ha magúalitiña, hagumadirúba.25Hírugüda lumuti idiheri gürigia; anhein dimurei buiti, gúndaaguagüda lumuti.26Ha richaguabaña, adundehatiña gürigia háledi; ánhaña ha wuribabaña, lídanñanu üma lun féridi.27Éibaahatiña ha magúalibaña ani márügüdüntiña íliru; ánhañati ha benefabaña, daritiña óunwenbu irisini.28Barǘ lumutiña lémeri richaguaü gürigia lidoun ibagari; anhein lémeri luriban ichügü, barüti gürigia lidoun óunweni.
Bible Society of Honduras