1 Lúrudu25
Háhuduragun Ísüraelina lun Baali-peoru
1Lárigiñe hadügün Ísüraelina hábiñe Sitimü, aba hagumeserun wügüriña agadeiragua lau hádaragun houngua hamoun würiña Moábüna,2ábaha hagunbirahaniña würiña hagía lun houdin hama lidan hadagaragüdün houn habungiutegu. Aba burí heigin Ísüraelina lídangiñe hadagaragüdün Moábüna, hudugua hagía houn habungiutegu,3ítara liña hígiraguagüdün houngua lun háhuduragun lun Baali-peoru. Ábati lagañidun Wabureme houn Ísüraelina,4aba lariñagun lun Moisesi:—Óundaraguabaña sun ábutigu fulasurugu, ábame báfaraguniña niñúarü wéyuagu. Ítara luba lagalumadun nigañi houn Ísüraelina.5Ábati lariñagun Moisesi houn aguseragüdütiña Ísüraelina:
—Kada aban hídangiñe gasu láfaraguniña lílana lani türibu ha áhuduragubaña lun Baali-peoru.6Gama lumoun aba lanügün aban Ísüraelina aban würi Madianna lúbiñoun, aríagu Moisesi hama sun Ísüraelina ha óundaragubaña ñein lun, lídanbei añaha lan ayahua tigibugiñe kianpu lánina óundaruni.7Dan larihini Finesi le liráü Eleasárü, le libari fádiri Aarón katei le, aba ladireirun hawéi Ísüraelina ha óundaragubaña, aba lárügüdün aban arufun,8aba lidin lárigi Ísüraelina ligía dagá lisounburunrugun, ñein aba límiraguni Ísüraelina ligía tau sun würi tuguya. Ítara liña lagumuchun igei le áfaragubaliña Ísüraelina,9lau sun lira hilaguatiña wein-gádürü-milu hádangiñe.10Ábati ladimurehan Wabureme lun Moisesi, lariñaga lun:11—Gálumagüdala Finesi nigañi houn Ísüraelina, lugundun emeiditi hau kéigubeirügü giñe nemeidin hau. Ligía mígirun lubéi lun nagumuchun hau ladüga nemeidin.12Ariñagabá lubeiti lun luagu nadüga lan aban daradu luma le lánina darangilaü,13derege numuti afadirihani lun luma houn ladügawagun lun sun dan, ladüga emeidihati nau, aba libihini ferudun houn Ísüraelina lau katei le ladügübei.14Ísüraelina le ímirawagubei úara tuma Madianna, Simürí líribei, liráü Salú le hábuti aban iduheñu hádangiñe lani Simeón türibu.15Würi Madianna tuguya, Kosubí tíribei, liráü Suru, hábuti aban külán Madianna.16Aba ladimurehan Wabureme lun Moisesi, lariñaga lun:17—Hageindagua hama Madianna, háfaraguañame,18ítara kei hadüga hun lau luriban hagaburi áhuduraguagüdaün lun Baali-peoru, kei le tadügübei Kosubí to liráü ábuti Madianna to ímirawaguboun lau aban arufun dan le nóunahanbei aban igei huagun ladüga háhuduragun lun Baali-peoru.
Bible Society of Honduras