1 Lúrudu24
1Gama lumoun kei larihin Balaamü luagu gunda lan Wabureme lau labiniruniña Ísüraelina, mídinhali buga aganba kaba lan lariñaga Wabureme lun kei ladüga furumiñe, digiguarügüti ariha lidoun fulasu mageirawati.2Ani lídanbei larihiniña Balaamü Ísüraelina kada türibu tidan hakianpun-agei, aba lebelurun lani Wabungiute sífiri lidoun,3ábati lariñagun Balaamü:
«Uganu lúmagiñeti Balaamü, liráü Beoru, wügüri le hulilibei arihin,4lidan larihin aban katei tau luani küleritimati larihini, le ibihubei uganu luma burí arihini lúmagiñe Wabungiute le Suntigabafu.5Hakobu, tuenden burí bikianpun! Ísüraeli, tuenden burí sun bikianpun-agei!6Ítara tiña kei tafileihan tídibu yaraüwa, kei fuluri-agei laru duna, kei tídibu burí wewe hémetu to lábunagun Wabureme, odi kei hibúari burí laru duna.7Gadunaribaña Ísüraelina saragu lun hatun luma lun háturaguni hanadürigu. Gabafutimabei harúeite sügǘ lau urúei Agagü; ani laganbahóuba luagu larúeihan.8Wabungiute le asagarubaliña Ehiptugiñe, ítara liña houn kéisigubeirügü liganchun bulu bágasu lun. Hagünrinchagubaña Ísüraelina néchanigu ha háganiñu; háhalahabei habu, ímiraha hamañame tau hagimaran.9Lidan le larounrun emeraagua, ítara liña kei aban liñún: Úati ni aban agagudahati. Biniwalá le abinirutibu, íñarawaguala le íñaragutibu!»
—Lun bíñaraguniña náganiñu nagúaragüda buagu, gama lumoun ǘrüwaali wéiyaasu babiniruniña.11Buítimati bun lun bagiribudun búbiñoun! Ariñagatina yebe luagu nafayeirubadibu lan buidu, gama lumoun máhati Bungiu lun ítara luba lan.12Lariñaga Balaamü lun:
—Ariñaga numutitia houn bóunagülegu13luagu ni lan anhein bíchiga sun golu luma sun pülata le gabarabei tidan bani palasiu nun, siñabei lan nadüraaguni le lariñagubei Aburemei ni lun nadügün katei buiti ni wuribati lau nani nungua, luagu lérügüba lan lariñagun Aburemei nun lun nariñaguni nariñaga.14Keiti ítara liña lubéi, nagiribuda nageiroun; gama lumoun lubaragiñe lira, nariñagaali bun le lunbei hadügüni gürigia ha hau bumutuniña.15Ábati lariñaguni Balaamü profesía le:
«Uganu lúmagiñeti Balaamü, liráü Beoru, wügüri le hulilibei arihin,16lidan larihin aban katei tau luani küleritimati larihini, le subudihabúbei lun le lasubudirubei Wabungiute le íñutimabei, le eresibirubei uganu luma burí arihini lúmagiñe Bungiu le Suntigabafu.17Arihatina somu katei lidan dan le machülügilibei, arihatina somu katei dise yágüta: Aban waruguma áfurida Hakobugiñe, aban urúei iñuraguti lungua Ísüraeli. Lachuinrubei lábulugu Moabü, laburechagubaña sun ladügawagun Setü.18Lagañeirubei Edomu, lárügüdübei Seirü, le láganibei. Ladügüba Ísüraeli katei le burí wéiriguti.19Láfuriduba aban agañeiruti Hakobugiñe, ábame lagünrinchaguniña ha erederutiña uburugu».20Lárigiñe aba larihini Balaamü Amalékü, aba lariñaguni burí profesía le:
«Aban néchani wéiriguti Amalékü, gama lumoun lagünrinchawaguba sunsuinagubei».21Aba giñe larihiniña ladügawagun Kaín, aba lariñagun:
«Ladügawagun Kaín: Íbini derebugu lan haramudaguagüle, lau sun híchuguni humasa labadinagua dübü, lágudubei watu gemeti umasaü ligía, danme lanügünün Asiria adaüra».23Lárigiñe aba lariñaguni burí profesía le:
«Fugiabugume ha lúnbaña hawinwandun danme ladügüni Wabungiute katei le.24Anute ugunei lóubawagugiñe Chípüre, hagünrinchaguaali Asiria luma Éberü, ladüga lagünrinchawaguba giñe Éberü».25Lárigiñe lira, aba lagiribudun Balaamü lúbiñoun. Aba giñe lidin Balakü.
«Uganu lúmagiñeti Balaamü, liráü Beoru, wügüri le hulilibei arihin,4lidan larihin aban katei tau luani küleritimati larihini, le ibihubei uganu luma burí arihini lúmagiñe Wabungiute le Suntigabafu.5Hakobu, tuenden burí bikianpun! Ísüraeli, tuenden burí sun bikianpun-agei!6Ítara tiña kei tafileihan tídibu yaraüwa, kei fuluri-agei laru duna, kei tídibu burí wewe hémetu to lábunagun Wabureme, odi kei hibúari burí laru duna.7Gadunaribaña Ísüraelina saragu lun hatun luma lun háturaguni hanadürigu. Gabafutimabei harúeite sügǘ lau urúei Agagü; ani laganbahóuba luagu larúeihan.8Wabungiute le asagarubaliña Ehiptugiñe, ítara liña houn kéisigubeirügü liganchun bulu bágasu lun. Hagünrinchagubaña Ísüraelina néchanigu ha háganiñu; háhalahabei habu, ímiraha hamañame tau hagimaran.9Lidan le larounrun emeraagua, ítara liña kei aban liñún: Úati ni aban agagudahati. Biniwalá le abinirutibu, íñarawaguala le íñaragutibu!»
Lani Balaamü profesía
10Dan laganbunbalin Balakü katei le, aba lagañidun saragu lun Balaamü, aba láfarahani lúhabu luougua, lariñaga:—Lun bíñaraguniña náganiñu nagúaragüda buagu, gama lumoun ǘrüwaali wéiyaasu babiniruniña.11Buítimati bun lun bagiribudun búbiñoun! Ariñagatina yebe luagu nafayeirubadibu lan buidu, gama lumoun máhati Bungiu lun ítara luba lan.12Lariñaga Balaamü lun:
—Ariñaga numutitia houn bóunagülegu13luagu ni lan anhein bíchiga sun golu luma sun pülata le gabarabei tidan bani palasiu nun, siñabei lan nadüraaguni le lariñagubei Aburemei ni lun nadügün katei buiti ni wuribati lau nani nungua, luagu lérügüba lan lariñagun Aburemei nun lun nariñaguni nariñaga.14Keiti ítara liña lubéi, nagiribuda nageiroun; gama lumoun lubaragiñe lira, nariñagaali bun le lunbei hadügüni gürigia ha hau bumutuniña.15Ábati lariñaguni Balaamü profesía le:
«Uganu lúmagiñeti Balaamü, liráü Beoru, wügüri le hulilibei arihin,16lidan larihin aban katei tau luani küleritimati larihini, le subudihabúbei lun le lasubudirubei Wabungiute le íñutimabei, le eresibirubei uganu luma burí arihini lúmagiñe Bungiu le Suntigabafu.17Arihatina somu katei lidan dan le machülügilibei, arihatina somu katei dise yágüta: Aban waruguma áfurida Hakobugiñe, aban urúei iñuraguti lungua Ísüraeli. Lachuinrubei lábulugu Moabü, laburechagubaña sun ladügawagun Setü.18Lagañeirubei Edomu, lárügüdübei Seirü, le láganibei. Ladügüba Ísüraeli katei le burí wéiriguti.19Láfuriduba aban agañeiruti Hakobugiñe, ábame lagünrinchaguniña ha erederutiña uburugu».20Lárigiñe aba larihini Balaamü Amalékü, aba lariñaguni burí profesía le:
«Aban néchani wéiriguti Amalékü, gama lumoun lagünrinchawaguba sunsuinagubei».21Aba giñe larihiniña ladügawagun Kaín, aba lariñagun:
«Ladügawagun Kaín: Íbini derebugu lan haramudaguagüle, lau sun híchuguni humasa labadinagua dübü, lágudubei watu gemeti umasaü ligía, danme lanügünün Asiria adaüra».23Lárigiñe aba lariñaguni burí profesía le:
«Fugiabugume ha lúnbaña hawinwandun danme ladügüni Wabungiute katei le.24Anute ugunei lóubawagugiñe Chípüre, hagünrinchaguaali Asiria luma Éberü, ladüga lagünrinchawaguba giñe Éberü».25Lárigiñe lira, aba lagiribudun Balaamü lúbiñoun. Aba giñe lidin Balakü.
Bible Society of Honduras