1 Lúrudu2
Tesetirúniwa burí kianpu-agei
1Aba ladimurehan Wabureme lun Moisesi luma Aarón, lariñaga houn:2—Lunti hesetirunu Ísüraelina hakianpun-agei díseraü, geyegu tau kianpu lánina óundaruni, kada aban lábugiñe lufanidiran luma lau haseinin liduheñu.3—Luéigiñeba oubaü le ñéingiñe lubéi laboucha weyu heredera ha lábugiñebaña lufanidiran Hudá. Naasón le liráü Aminadábü hábutibei milidaru ha lídangiñebaña lani Hudá türibu,4según abahüdǘni ǘrüwa-wein-katorusu-milu sisi-sánñanu wügüriña.5Hóubagiñeba ha, heredera milidaru ha lídangiñebaña lani Isakárü türibu, Natanaéli le liráü Suarü hábutibei,6ani dimí-san-gádürü-míluñanu-gádürü-san wügüriña.7Herederuba giñe milidaru ha lídangiñebaña lani Sabulón türibu ñein hama, Eliabü le liráü Elón hábutibei,8ani dimí-san-sedü-milu-gádürü-sánñanu wügüriña.9Ítara liña lubeiti ñéinñanu ǘrüwa sétanu súdaragu tidan lani Hudá kianpu-agei, lidan ǘrüwa sétanu ligía san-gádürü-wein-sisi-milu-gádürü-sánñanu wügüriña, ha lúnbaña hamudeirun habá habá Ísüraelina.10—Luéigiñeba suru heredera milidaru ha awanserubaña lábugiñe lufanidiran Rubén, Elisúru le liráü Sedeuru hábutibei,11según habahüdüniña, bián-wein-sisi-milu-seingü-sánñanu wügüriña.12Harugabuba heredera milidaru ha lídangiñebaña lani Simeón türibu, Selumiéli le liráü Surisadái hábutibei,13ani lídanbei habahüdǘniwa dimí-san-nefu-milu-ǘrüwa-sánñanu wügüriña.14Ñéinbaña giñe milidaru ha lídangiñebaña lani Gadü türibu hama, Eliasáfü le liráü Reueli hábutibei,15ani lídanbei habahüdǘn bián-wein-seingü-milu-sisi-san-dimiñanu wügüriña.16Ítara liña lubeiti ñéinbaña ǘrüwa sétanu súdaragu tidan lani Rubén kianpu-agei hadan ǘrüwa sétanu hagía san-dimí-aban-milu-gádürü-san-dimiñanu wügüriña ha lúnbaña hamudeirun lidan libiaman ubaraü.17—Hamudeiruba Lewitagu tamidangua gádürügubei kianpu-agei, barüina hamounme kianpu lánina óundaruni hámagua. Gádürügubei kianpu-agei tamudeiruba aban tárigi aban, según buga igaburi le aubei herederagua, kada aban lábugiñe tufanidiran.18—Luéigiñeba oubaü le ñéingiñe lubéi lálüda weyu herederagua milidaru ha amudeirubaña lábugiñe lufanidiran Éfürain, Elisamá le liráü Amiudu hábutibei,19ani lídanbei habahüdǘniwa bián-wein-milu-seingü-sánñanu wügüriña hadan.20Hóubagiñeba ha leredera sétanu súdaragu ha lánigu Manasési, Gamalieli le liráü Pedasúru hábutibei,21ani darandi-bián-milu-bián-sánñanu wügüriña lídanbei habahüdǘniwa.22Hóubagiñeba ha heredera milidaru ha lídangiñebaña lani Benhamín türibu, Abidán le liráü Gidoní hábutibei,23ani darandi-seingü-milu-gádürü-sánñanu wügüriña lídanbei habahüdǘniwa.24Ítara liña lubeiti ñéinbaña ǘrüwa sétanu súdaragu tidan kianpu-agei to lani Éfürain, san-widü-milu-sánñanu wügüriña ha amudeirubaña lidan lǘrüwan ubaraü.25—Luéigiñe nórute, ñéingiñebaña súdaragu ha amudeirubaña lábugiñe lufanidiran Dan. Aieserü le liráü Amisadái hábutibei,26ǘrüwa-wein-bián-milu-sedü-sánñanu wügüriña.27Hóubagiñeba ha heredera súdaragu ha lánigu Aserü, Pagieli le liráü Okürán hábutibei,28bián-wein-aban-milu-seingü-sánñanu wügüriña lídanbei habahüdǘn.29Hóubagiñeba ha, heredera súdaragu ha lánigu Nefütalí, Airá le liráü Enán hábutibei,30Dimí-san-ǘrüwa-milu-gádürü-sánñanu wügüriña lídanbei habahüdǘniwa.31Ítara liña lubeiti ñéinbaña lan ǘrüwa sétanu súdaragu tidan lani Dan kianpu-agei, san-dimí-san-sedü-milu-sisi-sánñanu wügüriña ha lúnbaña agumuhóuni hamá lárigi hafanidiran.32Lídanbei habahüdǘniwa iduheñu Ísüraelina rútiña aban sétanu súdaragu hau sisi-san-ǘrüwa-milu-seingü-san-dimí wügüriña.33Gama lumoun kei lariñagun Wabureme lun Moisesi, mabahüdǘntiña Lewitagu hadan híbiri Ísüraelina.34Adüga hamuti Ísüraelina sun katei ítara kei lariñaguni Wabureme lun Moisesi: Kada aban lábugiñe lufanidiran ani múdeiti hama lani türibu ani hama liduheñu.Bible Society of Honduras