Neemíasi12
Fádirigu hama Lewitagu
1Añahán fádirigu ha agiribudubaña luma Sorobaweli le liráü Salatiéli, luma Hosué:Fádirigu: Seraíasi, Heremíasi, Ésüdürasi,2Amaríasi, Maluku, Atusu,3Sekaníasi, Reumu, Meremótu,4Idó, Ginetón, Awíasi,5Mihamín, Maadíasi, Bilügá,6Semaíasi, Hoyaríbü, Hedaíasi,7Salú, Amoku, Ilükíasi luma Hedaíasi. Hagía meha hábutigubaña fádirigu hau sun haduheñu lidaaniwagu Hosué.8Ha Lewitagu: Hosué, Binúi, Kadümiéli, Serewíasi, Hudá luma Mataníasi, le arihubei lau burí uremu lánina alawahani ligía habu lupaanágu;9luma Bakübukíasi luma Uní, hapanaagu giñe, hámañanu óunigiraña lun hadügüni hawadigimari buidu.10Hosué, lúguchibei Hoakimü, Hoakimü lúguchi Eliasíbü, Eliasíbü lúguchi Hoyadá,11Hoyadá lúguchi Hoanán, Hoanán lúguchi Hadúa.12Fádirigu hábutigu iduheñu lidaaniwagu Hoakimü; hádangiñe liduheñu Seraíasi, Meraíasi; hádangiñe liduheñu Heremíasi, Ananíasi,13hádangiñe liduheñu Ésüdürasi, Mesulámü; hádangiñe liduheñu Amaríasi, Hoanán;14hádangiñe liduheñu Melikú, Yónatan; hádangiñe liduheñu Sewaníasi, Hosé;15hádangiñe liduheñu Arimü, Adüná, hádangiñe liduheñu Meraiotu Elikái,16hádangiñe liduheñu Idó, Sakaríasi, hádangiñe liduheñu Ginetón, Mesulámü;17hádangiñe liduheñu Awíasi, Sikürí; hádangiñe liduheñu Miniamín, luma hádangiñe liduheñu Moadíasi, Pilütái,18hádangiñe liduheñu Bilügá, Samúa; hádangiñe liduheñu Semaíasi, Yónatan;19hádangiñe liduheñu Hoyaríbü, Matenái; hádangiñe liduheñu Hedaíasi, Usí;20hádangiñe liduheñu Salái, Kalái; hádangiñe liduheñu Amoku, Éberü;21hádangiñe liduheñu Ilükíasi, Asawíasi; hádangiñe liduheñu Hedaíasi, Natanaéli.22Lidaaniwagu Eliasíbü, Hoyadá, Hoanán luma Hadúa, darí lumoun lidaani larúeihan Daríu le Pérüsiana, bürüwatiña Lewitagu keisi hábutigu iduheñu, hagía hama fádirigu.23Bürüwatiña Lewitagu ha hábutigu iduheñu tidan liliburuna asusereduti, darí lumoun lidaani Hoanán, le libari Eliasíbü.24Añahán meha hábutigubaña Lewitagu: Asawíasi, Serewíasi, Hosué, Binúi, luma Kadümiéli, añahati hapanaagu hagibugiñe lun heremuhan luma lun heteingiruni Bungiu lídanme latokarun houn lun heseriwidun, kei buga lariñagun Dawidi, le lubúein Bungiu.25Ha óunigirubalin bena le ebelaagülei: Mataníasi, Bakübukíasi, Abüdíasi, Mesulámü, Talümón luma Akubu.26Sun ha, lidan meha lidaani Hoyadá, le liráü Hosué le libari Hosadákü, luma lidaaniwagu gumadimati Neemíasi, luma fádiri ani máisturu Ésüdürasi hawinwanda.
Lanuadirúniwa baríeiru lun Bungiu
27Dan lachülürünbei weyu lun lanuadirúniwa lubarieirun Herusalén, aba háluahoun Lewitagu lidan sun burí fulasu le ñein lubéi haganawa, aba hanügǘn Herusaléun lun hefeduhani anúadiruni ligía lau ugundani, eremuhani, lau pülatíyu, árüpa tuma lira.28Aba hayabingua Lewitagu ha eremuhatiña lídangiñe burí fulasu le geyegubei lau Herusalén, Netofágiñe,29Gilügáligiñe luma Gébagiñe luma Asümáwetigiñe; ladüga adügaaña meha Lewitagu ha eremuhabaña aüdü burí geyegua lau Herusalén.30Ábati harumadaguagüdün fádirigu hama Lewitagu houngua ligibugiñe Bungiu. Lárigiñe aba harumadagüdüniña lílana fulasu ligibugiñe Bungiu, lubenari uburugu luma baríeiru.31Lárigiñe, aba nadügün lun hamudeirun lábutigu Hudá luagun baríeiru lauti dübü, aba nadügün bián sétanu wéinamuti hau eremuhatiña. Aba lamarücharun furumiñeti sétanu ligibuagu baríeiru luagun lóunwenren, luagun bena le gíribei lubenari hime.32Lárigi lárigi sétanu eremuhatiña lidin Osaíasi hau hamidan lábutigu Hudá.33Asaríasi, Ésüdürasi, Mesulámü,34Hudá, Benhamín, Semaíasi luma Heremíasi.35Fádirigu ha úareinabaña hama íñaaheina fidu: Sakaríasi, le liráü Yónatan, le ladügawagun Semaíasi, Mataníasi, Mikaíasi, Sakuru luma Asafü;36bóugudi hawéi haduheñu, Semaíasi, Asaréli, Milalái, Gilalái, Maai, Natanaéli, Hudá luma Ananí, ha anügübaña katei lánina áfaruni luma íñaahani to meha lóuseruboun urúei Dawidi. Máisturu Ésüdürasi habá habá.37Lóugiñeti bena le gíribei lubenari Lísensen Duna, aba hasigirun habaruaguóun ligibuagumeme baríeiru, ñéingiñe aba hawarirun luéigiñe lesütépute luburugute Dawidi chülǘ lumoun bena le gíribei lubenari Duna le luéigiñebei oubaü le ñéingiñe lubéi laboucha weyu.38Le habiaman sétanu eremuhatiña, luagun lubaünan baríeiru lawansera. Au lárigi lárigi sétanu ligía ligibuagu baríeiru hau ha aban hamidan gürigia, lúmagiñe wáyelesi le gíribei luayelesin régigi darí luagun fulasu létima tulebei ligibuagu barieiru;39sügüina hagía luéigiñe lubenari Éfürain, lubenari Hesaná, habenari Úduraü, wáyelesi le lani Ananéli luma wáyelesi le gíribei San, darí lumoun habenari Mudún; aba wararamagun lóugiñe bena le gíribei lubenari Óunigihati.40Lárigiñe aban hachülürün biángubei koru lidoun habara litenpulunrugu Bungiu; au giñe sun, hama hamidan gumadimatiña ha úarabaña numa.41Añahán fádirigu ha íñaahabaña. Eliakímü, Maseíasi, Miniamín, Mikaíasi, Sakaríasi, Ananíasi,42Maseíasi, Semaíasi, Eleasárü, Usí, Hoanán, Malükíasi, Elamü luma Éserü. Aba heremuhani eremuhatiña ha lánigu Isüraíasi lidan aban.43Gíbeti adagaragüdüni weyu ligía, aba hagundaarun gürigia saragu, ladüga labuinchagüdüniña Bungiu lau ugundani. Gúndaatiña giñe würiña hama irahüñü, dísegiñe, aganbúaali ugundani le Herusalénbei.Éigini houn fádirigu hama Lewitagu
44Lidan dan ligía, aba habuduhóun gürigia ha lúnbaña harihin lau lagei seinsu, lau idewesei, lau furumiñeti alubahóuti, luma lau lidiisin fánreinti lun lichugún sun le ñǘbuinbei lídangiñe kada uburugu houn fádirigu hama Lewitagu, lugundun gúndaatiña lánigu Hudá hau fádirigu hama Lewitagu ha lídanbaña eseriwiduni.45Dandu hagía kei óunigirutiña bena hama eremuhatiña, hagía adügübalin kultu lun Bungiu luma échuni le lánina arumaduni, ítara kei buga lariñaguni Dawidi luma Salomón le liráü.46Yübü bugaha, lidaaniwagu Dawidi luma Asafü, añahein meha hábuti eremuhatiña, alawahatiña luma hábuti íchugutiña eteingiruni lun Bungiu.47Lidaaniwagu lubeiti buga Sorobaweli luma lidaaniwagu Neemíasi, sun lánigu Ísüraeli deregetiña éigini houn eremuhatiña luma houn óunigirutiña bena sagü weyu, ru hamuti giñe hafanran Lewitagu houn, ítarameme giñe hadüga Lewitagu houn ladügawagun Aarón.Bible Society of Honduras