Neemíasi11
Gürigia ha erederubaña awinwanda Herusalén
1Aba herederun ábutigu ha agumadihabaliña huríu Herusalén; ha híbiri gürigia, aba harifahani lun lidin aban hádangiñe kada diisi iduheñu aganawa Herusalén, uburugu le sándubei, haati híbiri iduheñu lun herederun lidan líbiri burí fulasu.2Lárigiñe aba habinirúniwa gürigia ha erederubaña aganawa Herusalén lau hagundan.3Añahán ábutigu ha erederubaña aganawa Herusalén; luburuguterugu Hudá, ñein heredera Ísüraelina, fádirigu, Lewitagu, eseriwidutiña ténpulurugu, hama hadügawagun lumusuniña Salomón, kada aban hafulasunrugu.4Ha aganóubaña Herusalén, luéigiñe lóubadina Hudá luma Benhamín: Ataíasi, le liráü Osiasi, le liráü Sakaríasi, le liráü Amaríasi, le liráü Sefatíasi, le liráü Maalaléli, le ladügawagun Fáresi;5luma Maseíasi, le liráü Baruku, le liráü Kolosé, le liráü Asaíasi, le liráü Adíasi, le liráü Hoyaríbü, le liráü Sakaríasi, le liráü Siloní.6Gádürü-sánñanu-ǘrüwa-wein-widü ladügawagun Fáresi erederutiña aganawa Herusalén, sun hagía, wügüriña héretiña ha gawuribuhaditiña.7Luéigiñe lóubadina Benhamín. Salú, le liráü Mesulámü, le liráü Hoedi, le liráü Pedaíasi, le liráü Kolaíasi, le liráü Maseíasi le liráü Itieli, le liráü Isaíasi;8luma Gabái luma Salái ha líbirigu. Nefu-sánñanu-wein-widü hadan súngubei.9Hoeli, le liráü Sikürí hábutibei, luma Hudá le liráü Senuá le habiaman ábuti uburugu.10Hádangiñe fádirigu: Hedaíasi, le liráü Hoyaríbü, Hakín,11Seraíasi le liráü Ilükíasi, le liráü Mesulámü, le liráü Sadoku, le liráü Meraiotu, le liráü Aitubu ábuti le íñugutimabei ténpulurugu.12Hama giñe híbirigu ha nadagimeinbaña eseriwida ténpulurugu wídüñanu-san-wein-biama; luma Adaíasi le liráü Heroamü, le liráü Pelaíasi, le liráü Amüsí, le liráü Sakaríasi, le liráü Pasuru, le liráü Malükíasi.13Bián-sánñanu-bián-wein-biama haduheñu ha hábutigu iduheñu; luma Amasái le liráü Asaréli, le liráü Asái, le liráü Mesilemótu, le liráü Imerü.14Sánñanu-wein-widü haduheñu, wügüriña gageindaguaditiña, Sabüdiéli le liráü Gedolímü hábutibei.15Hádangiñe Lewitagu: Semaíasi le liráü Asubu, le liráü Asürikámü, le liráü Asawíasi, le liráü Binúi;16Sabütái luma Hosabádü, hádangiñe ábutigu Lewitagu, hagía arihubaña lau wadagimanu bóugudi tuéi litenpulun Bungiu;17Mataníasi, le liráü Mikaíasi, le liráü Sabüdí, le liráü Asafü, ligía adundehabaliña ha eremuhabaña luma eteingiruni lidan lóurate afurieiduni; Bakübukíasi, le habiaman hadan iduheñu, luma Abüdá, le liráü Samúa, le liráü Galalü, le liráü Hedutún.18Bián-sánñanu-gádürü-wein-gádürü Lewitagu ha erederubaña Herusalén, uburugu le sándubei.19Hádangiñe óunigirutiña bena: Akubu, Talümón hama haduheñu, san-ǘrüwa-wein-duusu.20Ha híbiri Ísüraelina hama híbiri fádirigu hama Lewitagu, aba herederun aganawa lidan burí líbiri fulasu lóubawagu Hudá, kada aban lufulasunrugu;21ánhañati ha eseriwidubaña ténpulurugu, ha lábugiñebaña hadundehan Siá luma Gisüpá, aba herederun aganawa Ofeli.22Le méhati hábutibei Lewitagu uburugu Herusalén, Usí, le liráü Baní, le liráü Asawíasi, le liráü Mataníasi, le liráü Mikaíasi, le hádangiñebei ladügawagun Asafü, ha hábutibaña eremuhatiña tidan litenpulun Bungiu,23ladüga rúhali bugaha urúei dimurei luagu le lunbei hadügüni eremuhatiña sagü weyu.24Petaíasi, le liráü Mesesawéli, le lílawa Sera le liráü Hudá, ligía adimurehabei hawagu gürigia ligibugiñe urúei.Lílana burí amu uburugu
25Somu burí hádangiñe lani Hudá türibu rédeitiña aganawa Kiriatü-arüwá, Dibón, Hekabüséeli,26Hosué, Moladá, Betü-Péletü,27Asarü-suali, Bérüsewa28Sikülágü, Mekoná,29En-rimón, Sorá, Harümútu,30Sanóa, Adulámü, Lákisi luma Aseká lau burí lirahüñü aüdü yarafa lun luma hachari-agei. Aganawatiña lúmagiñe Bérüsewagiñe darí luagu fulasu wayati le lani Inomu.31Ánhaña lánigu Benhamín türibu, aba herederun aganawa Geba, Mikümási, Aíasi luma Beteli;32luma giñe Anatótu, Nobu, Ananíasi,33Asoru, Ramá, Gitaimü,34Adidü, Seboimü, Nebalátü,35Lodu, Onó luma luagu fulasu wayati le gíribei Gadiñetiña.36Rúati giñe fulasu houn fiu Lewitagu Hudá luma Benhamín.Bible Society of Honduras