Malakíasi3
1Lariñahare Aburemei Suntigabafu:
—Nóunahaali nóunagüle lun laranseruni üma nubá. Málühali anhein belú Aburemei le háluahabei litenpulunrugun. Aniteeli óunagülei lánina daradu le habusenrubei!2Gama lumoun, Kábagia gayara lawanduni luéyuri liabin Aburemei? Kábagia gayara lerederun rara? Lugundun liábinba kei watu gemeti lun larumadagüdüniwa, ítara luba kei sabun lun lagidarun dáseiti le wawagubei.3Lañuuruba Aburemei arumadagüdaña fádirigu ha ladügawagun Lewí, kei larumadawagüdün pülata luma golu lidan watu gemeti. Lárigiñeme, gayaraahalime híchuguni hadewese lun Aburemei kei lubudubu.4Ábameti lagundaarun Aburemei lau lidewese Hudá luma Herusalén kei meha lidan amu dan.5Lariñahare Aburemei Suntigabafu:
—Niábinba aguseragüdaün. Gefenbadina kóntüra ha abiñarahabaña, ha agabarahabaliña hámarigu, ha áfiñurubaña le málati, ha íchugubaña lidere dan houn nadagimeintiña, houn würiña hilaaña úmari luma houn méteñuhaña, ha óuserubaliña terencha wuriba hama ha minebenehabubaña nun.
—Huguya, adimurehaadün wuriba nuagu. Ani ariñagagidün: Ka wariñagubei buagu?14Anihán le hariñagubei: “Málati leseriwidúniwa lun Bungiu. Kábagia wagañeira lau wadügüni le lubeibei, lau wadaüragun daüguaü to lánina amuiseruni ligibugiñe Aburemei Suntigabafu?15Ariha wamaali luagu buidu lan dan houn ha barüguabaña houngua, luagu buidu lan lasalirun sun katei houn ha wuribabaña, luagu hóuchagua hamani Aburemei ani mabeichúntiña”.16Ha íchubaña inebesei lun Bungiu aba hadimurehan hámagua, aba laganbuni Bungiu le hariñagubei. Aba tabürühóun aban garudia liñúarü Aburemei to ídanboun laritawagúa hawagu ha íchubaña inebesei lun Aburemei ani berese hagía lau.17Lariñahare Aburemei Suntigabafu:
—Naransehaña aban weyu, lídanme weyu ligía, hayabinyaba lun nánigu hamá. Ítara kei gudemehabu lan aban úguchili lun liráü le eseriwidubei lun, ítara luba gudemehabu nan houn.18Ábameti hasubudiruni le buídubei lumoun le wuribabei, le áhuduragubei lun Bungiu lumoun le máhuduragunbei lun.
—Nóunahaali nóunagüle lun laranseruni üma nubá. Málühali anhein belú Aburemei le háluahabei litenpulunrugun. Aniteeli óunagülei lánina daradu le habusenrubei!2Gama lumoun, Kábagia gayara lawanduni luéyuri liabin Aburemei? Kábagia gayara lerederun rara? Lugundun liábinba kei watu gemeti lun larumadagüdüniwa, ítara luba kei sabun lun lagidarun dáseiti le wawagubei.3Lañuuruba Aburemei arumadagüdaña fádirigu ha ladügawagun Lewí, kei larumadawagüdün pülata luma golu lidan watu gemeti. Lárigiñeme, gayaraahalime híchuguni hadewese lun Aburemei kei lubudubu.4Ábameti lagundaarun Aburemei lau lidewese Hudá luma Herusalén kei meha lidan amu dan.5Lariñahare Aburemei Suntigabafu:
—Niábinba aguseragüdaün. Gefenbadina kóntüra ha abiñarahabaña, ha agabarahabaliña hámarigu, ha áfiñurubaña le málati, ha íchugubaña lidere dan houn nadagimeintiña, houn würiña hilaaña úmari luma houn méteñuhaña, ha óuserubaliña terencha wuriba hama ha minebenehabubaña nun.
Diisi lídangiñe san
6—Au Aburemeibei. Masansiragungidina. Ligía lébubei magumuchagungidün lubéi huguya ladügawagun Hakobu.7Ígira humaali nugumadin kei meha hadüga hagüchagu, máhagidün hagunfuliruni. Nariñahare Au le Aburemei Suntigabafu hun: Giribu humá nun, ábame nagiribudun hun! Hariñaga: “Kábagia uagu wagiribuda bun?”8Nálügüdaha, nariñaga: “Gayaraati funagia líweruhan gürigia luéi Bungiu?” Íweruhaadün nuéi! Ani álügüdahagidün ariñaga: “Ka idan wíweruha buéi?” Íweruhaadün nuéi lau michu humani diisi lídangiñe san luma idewesei nun.9Ítara liña, sun néchanigu, sun huguya, híweruhaña nuéi, ligía níñaragubadün lubéi. Nariñahare au le Aburemei Suntigabafu hun:10Barǘ huméi diisi lídangiñe san lidoun tirisin ténpulu, ítara luba ñeinbei lan éigini núbiñe. Hóuchagua humana lidan katei le, ábame nadaaraguni lubenari sielu lun nóunahani lubuidun-agei abiniruni huagun.11Mígirunbadina lun hagünrinchaguni íñenaü hinadürigu ni halubahan.12Hariñaguba sun néchanigu huagu: Fuleseiwatiña, lugundun wéndebei hageira. Au, le Aburemei Suntigabafu ariñagubalin.Lugudemehabu Bungiu lun lageira
13Lariñahare Aburemei:—Huguya, adimurehaadün wuriba nuagu. Ani ariñagagidün: Ka wariñagubei buagu?14Anihán le hariñagubei: “Málati leseriwidúniwa lun Bungiu. Kábagia wagañeira lau wadügüni le lubeibei, lau wadaüragun daüguaü to lánina amuiseruni ligibugiñe Aburemei Suntigabafu?15Ariha wamaali luagu buidu lan dan houn ha barüguabaña houngua, luagu buidu lan lasalirun sun katei houn ha wuribabaña, luagu hóuchagua hamani Aburemei ani mabeichúntiña”.16Ha íchubaña inebesei lun Bungiu aba hadimurehan hámagua, aba laganbuni Bungiu le hariñagubei. Aba tabürühóun aban garudia liñúarü Aburemei to ídanboun laritawagúa hawagu ha íchubaña inebesei lun Aburemei ani berese hagía lau.17Lariñahare Aburemei Suntigabafu:
—Naransehaña aban weyu, lídanme weyu ligía, hayabinyaba lun nánigu hamá. Ítara kei gudemehabu lan aban úguchili lun liráü le eseriwidubei lun, ítara luba gudemehabu nan houn.18Ábameti hasubudiruni le buídubei lumoun le wuribabei, le áhuduragubei lun Bungiu lumoun le máhuduragunbei lun.
Bible Society of Honduras