Malakíasi2
1—Guentoti fádirigu, hunti katei le.2Lunti gaganbadi humá nun, lunti giñe deregüda lan nineben hun. Anhein madügün humá ítara, níñaragubadün. Keiti le mederagüdün humá lidan lichugúniwa inebesei nun, nadügüba lun íñarawaguni lan íbini le heresibirubei luagu hafadirihan. Aburemei Suntigabafu ariñagubalin.3—Nagidaraali hubafu huéi, ábame nachüürüni hádiga animaalu ha hanügübaña lun hadagaragüdün higibuagun. Ábame habuidún úara luma hádiga animaalugu hagía!4Ítara luba hasubudiruni luagu au lan íchugubalin gumadi le hun, lun deregüdañu lan nidaradun luma Lewí. Aburemei Suntigabafu ariñagubalin.5—Ibagari bugaha luma darangilaü nidaradunbei luma Lewí. Níchugunbalin lun, lun inebebadina lan lun, hanufude ligíame nuéi, aba larufudun anufudei luma inebesei nun.6Inarüni bugaha larufudahabei Lewí, úati bugaha iyeeni luagu liyumaaru. Madiseti bugaha nuéi, lídanñein buga darangilaü numa, ani gíbetiña ladireirun luéi wuribani.7Lunti harufudahan fádirigu houn gürigia lun hasubudirunina, ani lunti houdin sun gürigia hamoun lun hafurendeirun hámagiñe, ladüga hagía anügübaña ñunsu lúmagiñe Aburemei Suntigabafu.8—Ánheinti huguya, fádirigu, díreihadün luéi üma le buídubei; ábürügüdaadün saragu gürigia lau ligaburi harufudahan. Lau lira, gadei humaali nidaradun luma Lewí.9Ladüga lubeiti midin humá lau le nubeibei, ladüga giñe dan lan le harufudahan houn gürigia mama lan aban labu hóuseruniña, nadügüba lun hanügüniña sun gürigia kei ni kata. Aburemei Suntigabafu ariñagubalin.
—Góunigigua humá lubeiti hungua luéi hani sífiri, gúnfuli humá; lugundun iyereeguti le ígiraguti tuma lúmari nun, aba ladaseiragun lungua lau ladügüni wuribani ligía!
Múaran lan Ísüraeli
10Ma funagia ábanmeme Wáguchibei, Bungiu le adügübaliwa sungua luagu? Kati uagu weyeeha wádangua, agadeirei daradu le buga ladügübei Bungiu hama wagüchagu?11Múaranti Hudá luma Bungiu, adügǘwati katei hanarimeburiti Herusalén luma Ísüraeli. Wíyeda laaru Hudá ténpulu to hínsiñeboun lun Aburemei, barühaña wügüriña ha lílana uburugu Hudá würiña ha áhuduragubaña houn búngiugu ha mama Bungiu hámarigume.12Buiti hamuga lun lagidaruniña Aburemei ha adügübalin burí katei le lídangiñe wanechanin, meberesenga kátañanu lan, íbini hanügün idewesei lun Aburemei Suntigabafu!13Gama lumoun huguya adügatün sügǘ lau lira, buíngüda humuti lani Aburemei latarü lau háguira, aba hayahun lau igarigu ladüga magundanhali lan Aburemei lau hidewese.14Ani álügüdahagidün ka lan uagu? Nariñagaali hun ka lan uagu: Ladüga gefenti Aburemei luagu múaradun ban lau bererun le bíchugubei tun búmari to úmaboun bamarieida dan meha le nibureingidibu. Búmari meha, aba bariñagun tun luagu bagunfuliruba lan tun!15Ma funagia ábanmeme Bungiu adügübalin úgubu luma sífiri? Kati lagurabubei Bungiu, ma isaanigu ha deregeguatiña houngua lun? Góunigigua humá lubeiti hungua luéi hani sífiri, gúnfuli huméi dimurei le híchugubei tun húmari!16Lariñahare Aburemei Suntigabafu le Lubungiute Ísüraeli:—Góunigigua humá lubeiti hungua luéi hani sífiri, gúnfuli humá; lugundun iyereeguti le ígiraguti tuma lúmari nun, aba ladaseiragun lungua lau ladügüni wuribani ligía!
Luéyuri aguseruni
17Buchá luagu Aburemei aganbaün; ani ariñagagidün: «Kagia wariñagubei lun labuchaduba lan luagu aganbawa?» Ariñagaadün luagu hínsiñehabu lan Aburemei houn ha adügübalin le wuribabei, ani gunda lan nege hau. Mafiñetün luagu richagua lan Bungiu!Bible Society of Honduras