Ayahuni5
Ayumuraguni amuriaha gudemehabu
1Wabureme, haritaguabá luagun le susereelibei woun; arihabá lun hanabaguniwa.2Sun le buga wánibei, háhaburuguñein terencha guentó; hábanharu waban guentó.3Máguchiguhaadiwa; rédeiha wáguchu mámariga.4Gasu wagañeihani wadunari guánarügü, gasu wafayeiruni wáleme guánarügü.5Rúhaña aban anügüni luagu wagiina; buchati wawagu, ani mígiruntiña lun wemeraagun.6Tulé wamuti wáhabu houn Ehiptuna luma houn Asiriana lun wibihin éigini.7Wagübürigu meha afigouhabaña, guentó úaaña, wagíati afayeiha luagu hadurun.8Guentó hagumadiruñadiwa idamuni, ani úati kaba lan asagarawa háhaburugugiñe.9Lau lénrengun wibihoun weigan fein, hadüga wuriburuguna ha lídanbaña fulasu mageirawati.10Süti wara kei aban régigi, ladüga abiruaü le líchugubei walama woun.11Águrawaguatiña würiña wéinamuhaña hama würiña nibureintiña uburugu Herusalén luma burí luburuguterugu Hudá.12Dibigüdawatiña wábutigu luéigiñe háhabu, minebenwatiña wéiyaaña mutu.13Rúatiña wügüriña ha héretimabaña amuliha; héiguatiña wügüriña nibureintiña ladüga lihürü watu.14Úaaña wéiyaaña mutu lubenari uburugu; maganbúnhali heremuhan wügüriña nibureintiña.15Úaali ugundani tidan wanigi; gumuha wabinahan le lánina ugundani.16Heigua waridin wábulugugiñe; fugiabugu wagía ladüga wafigouhan!17Ligía sandi tubéi wanigi; ligía burúa lubéi warihin.18Aban bugan günringuaü wübü Sión; añahein ounli áraabuna aganóua ñein.19Gama lumoun buguya Wabureme, barúeihaba lun súnwandan; luágubadibu lálana barúeihan súnwandan!20Ka uagu babulieidawa lun súnwandan? Ka uagu bígirawa luagu saragu dan?21Giribugüdabawa bun, Wabureme! Adügayabá lun ítara lan wabagari kei lubéi meha.22Gama lumoun ígira báadiwa le gumuti; wéiriti bigañi wama.Bible Society of Honduras