Hosué12
Urúeigu ha lagañeirubaña Moisesi
1Añahán biama urúeigu ha hagañeirubaña Ísüraelina luéigiñe oubaü le ñéingiñe lubéi laboucha weyu libiti duna Hordán luma burí fulasu le hárügüdübei lúmagiñe duna Arünón, lasigira lidoun fulasu wayati laru duna Hordán darí lumoun luwübüri Erümón.2Furumiñeti hádangiñe biama hagía Sihón, harúeite Amoruna, le meha awinwandubei Esübón. Lagumesera meha lumúan Aroerügiñe lun lárurugun duna Arünón dagá lumoun duna Haboku lidan láfadaragun fulasu le gíribei Amón. Arúeihani ligía chülüti dagá lamidoun Galaadü.3Luéigiñe oubaü le ñeinhin lubéi lálüda weyu libiti fulasu wayati laru duna Hordán, gumeseti lumúan Sihón lúmagiñe duna Kineretü luagun Betü-hesimótu oubaü le ñéingiñe lubéi laboucha weyu libiti Barana Hilaali, luagun suru dagá lugudina wübü Pisügá.4Gañei hamuti Ísüraelina Ogu, le lurúeite Basán, aban hádangiñe hagumuhóun Refaímüna, le meha aganóubei Asütarótu luma Edüréi.5Lagumesera lagumadihan lúmagiñe wübü Erümón, Salüká, luma sun lumúan Basán, darí lumoun láfadaragun Gesuru luma Maaká, luma lumoun le aban lamidan Galaadü le meha lani Sihón, le lurúeite Esübón.6Áfaragua lumutiña Moisesi hama Ísüraelina urúeigu ha, ábati líchuguni Moisesi fulasu burí le houn lani Rubén luma Gadü türibu luma houn lamidan lani Manasési türibu.Urúeigu ha lagañeirubaña Hosué
7Añahán urúeigu ha láfaragubaña Hosué hama Ísüraelina luéigiñe oubaü le ñeinhin lubéi lálüda weyu libiti duna Hordán, lúmagiñe Baali-gádügiñe lidan wayati le lani Líwanu darí wübü Alakü le luágunbei Seirü. Aba lafanreinhani Hosué hamúan urúeigu ha hadan hani Ísüraelina türibu, aba líchuguni8múa le gáraabutebei houn, liwayatin Hordán, fulasu íñuburiti, fulasu mageirawati luma Négebü lun hánime. Múa burí le, hamúan meha Étüna, Amoruna, Kananna, Féresüna, Eweuna hama Hebusuna.9Añahán urúeigu ha áfarawagubaña: Lurúeite Herikó, lurúeite Ai, uburugu burí le yarafabei lun Beteli.10Lurúeite Herusalén, lurúeite Ebürón,11lurúeite Harümútu, lurúeite Lákisi,12lurúeite Egülón, lurúeite Géserü,13lurúeite Debirü, lurúeite Géderü,14lurúeite Orumá, lurúeite Aradü,15lurúeite Libüná, lurúeite Adulámü,16lurúeite Makedá, lurúeite Beteli,17lurúeite Tapúa, lurúeite Éferü,18lurúeite Afekü, lurúeite Sarón,19lurúeite Madón, lurúeite Asoru,20lurúeite Simürón-merón, lurúeite Aküsáfü,21lurúeite Taanakü, lurúeite Megidu,22lurúeite Kedesi, lurúeite Hokuneámü le lani Karümélu,23lurúeite Doru lumúanrugu Doru, lurúeite Goimü le lani Gilügáli24luma lurúeite Tirüsá. Darandi aban urúeigu hadan súngubei.Bible Society of Honduras