Hobu10
1Buchá nuagu abagarida! Nayanuha, awaragua náamuga, níchiga budan lun nigarigu.2Bungiu masiadirabána! Ariñagabéi nun ka lan nidurunbei buma!3Lárigiñe buguya lan adügübalina, gúndaatibu san lau bóuserunina wuriba ru buguya mebereseni nau luma lun hámagiñe ban wuribatiña?4Ítara liña funagia barihini katei kei harihini gürigia?5Murusunrügüñein funagia bibagari kei habagari gürigia?6Kati uagu beredera áluaha nidurun luma nifigoun,7lau sun subudibani luagu madurun nan ani luagu ua lan ni aban gayaraati lesefurunina luéi bubafu?8Buguya guánarügü adügübalina lau búhabu guentó, busentibu bagünrinchagunina!9Haritaguabá luagu lídangiñe lan múa badügana: Badügaya san lun náguyugun múame?10Adüga bumuti núgubu kei ladügǘn furumasu dan le lederaagun míligi;11aba bíchugun nǘgürügü luma nabu nura luma nigaringarin;12rútibu ibagari nun luma ínsiñeni, gabagarihadina láurügü bóunigirunina chülǘ lumoun dan le.13Gama lumoun ariha naali luagu ñeinñein lan buga aban saminaü aramudaguati tidan banigi:14Baríaguñadina buga lúnrügü barihin ánhana afigouha lun gayara lan basiadirunina luagu nidurun.15Anhein gadurun nubéi, féridiñuniña; anhein madurun nubéi, maweirinbei nagundaarun lau, lugundun ǘnabugüda báadina.16Ánhana anaagua nungua, béibaahabadina kei aban liñún, darí lun adüga ban milaguru lun bagünrinchagunina.17Súnwandan añahein lan gefentiña kóntüra au; aganwoundeina liña bigañi nuagun; ábürühatibu nuagun kei saragu súdaragu memeraagunga!18Ka san uagu bígira lun nagaraüdǘniwa? Hilagubeihaadina hamuga lubaragiñe narihíniwa.19Aba hamuga meha násügürün turageirugugiñe núguchu lun lidoun numuaha; kéigubeirügü hamuga meha úagubeiñaha nan.20Kei murusunrügüñein lubéi nibagari, ígirabana nungua! Ígirabana lun nagundaarun murusun,21lubaragiñe nidin lidoun fulasu le ñéingiñe lubéi magiribudúadi lan, lidoun fulasu le búrigabei,22Lidoun fulasu le ñein lubéi lamuñounga luma chagaguaü, le ñein lubéi aban lan labu larugounga luma luburiga.
Bible Society of Honduras