Isaíasi25
Leremuhóun uremu lun Wabungiute
1Nabureme, buguya Nubungiutebei; rútina uéiriguni bun ani alawaha numuti biri, lugundun adüga baali baritagun le úaraguabei, chouru ligía le baransehabei lúmagiñe binadu dan.2Günringua bumuti burí uburugu le baríeiruati; günringua bumutu hani áganiñu palasiu ani mararamundigiaaru.3Ligía híchugunbei lílana fulasu ha hérebaña uéiriguni bun, inebe buguya houn lílana burí uburugu ha gabafubaña.4Ladüga, laramudaguagüle gudemeti buguya, íderagua bumuti le mégeihabubei lidan lidiheri, aramudaguagülei buguya lidan luriban dan, lamuñounga lidan lárouga. Ítara liña here wügüriña hanarimetiña kei huya lauti garabali lidan luribouga,5odi kei lan lárouga lidan múa mábeiti. Redei bumuti hachagaragun áganiñu. Gáluma bumuti lárouga lau lamuñan dúeri. Fosu bumutiña wügüriña fásitiña lun hámanichun.6Laranseruba Wabureme Suntigabafu aban adineruni luagu wübü Sión houn sun néchanigu ubouagu, ñeinbei lubuidun-agei éigini semeeti tuma diwéin to fínutimatu.7Luagu wübü Sión, lagünrinchaguboun Wabureme belu to adouraguboun hau sun lílana fulasu, manda to adouraguañahaboun hau sun néchanigu.8Lagünrinchagubei Wabureme óunweni lun súnwandan, laragahabei águiraü luéigiñe hagu sun gürigia, ábame lagumuchaguagüdüni hǘnabun lánigu lidan sun ubóu. Wabureme ariñagubalin.9Lariñawagúba lidan weyu ligía: «Anihán Wabungiutebei, luagu wemenigida aba lesefuruniwa. Gunda wamá, íderagua láadiwa».10Lóunigirubei Wabureme wübü Sión, ánheinti Moabü, ladügüragubei kei ladügürawagun ifei hímerugu.11Látulerubei Moabü larüna kei ladüga áfulihati, gama lumoun ságüme látuleruni labuluchuntima lanaagun lungua.12Lábürügüdübei Wabureme liñún burí luma lere lubarieirun, lágurubei múarugun.Bible Society of Honduras