Oseasi6
Asakürihani le iyumaaruti
1«Higougu súngubei, giribu wamá lun Aburemei; günringua lumutiwa gama lumoun lagaranihaba giñe woun, bulesei lumutiwa gama lumoun lareidaguagüdübadiwa.2Lidan murusun oura láguyugüdübei wátuadi woun, liñuragubadiwa lun waganóun ligibugiñe.3Áfaagua wamá lun wasubudiruni Aburemei! Ítara kei chouru lan láfuridun weyu, ítara liña giñe chouru lan liabin Aburemei woun, Ítara giñe kei chouru lan ladüdüragüdüni huya múa lubaragiñe alubahani luma lárigiñe alubahani».Lóunabagüle Aburemei
4Lariñahare Aburemei: «Kaba san nadüga bau Éfürain? Kaba nadüga bau Hudá? Ínsiñehabuni le huágubei nun, ítara liña kei hemereedu binaafin, kei serenu lubá larugan, larugadun aba lagumuchagun.5Ligía günringua naadün lubéi hau nani profetagu, áfaragua naadün lau nuganute. Busentina lun harugounga humá kei larugounga weyu.6Le nabusenrubei húmagiñe lun hínsiñehabu humá nun, mama adagaragüdüni nabusenrubei húmagiñe; nabusenrun lun hasubudirunina keisi Bungiu mama lun hadagaragüdün le gudawarügüti nun».7«Gama lumoun adügaaña numutuniña kei ladüga Adán lau hadüraaguni nidaradun luma magunfulirun hamá numa.8Haburugute gürigia wuribatiña Galaadü, buin liña lau lárigirugu hitaü.9Fádirigu ha ñéinbaña, ítara haña keisi híwerutiña aranseñu habá gürigia, áfarahatiña, adüga hagía sun luwuyeri mabusigari lémerirugu Sikemü.10Arihaadina katei wuribaburiti uburugu Ísüraeli; huduguaali Éfürain houn búngiugu, dáseihali Ísüraeli.11Buguya giñe Hudá, arufuda naali luéyuri babeichún.«Dan le nabusenrun nasansiruni habunurun Ísüraelina ha numutuniña.
Bible Society of Honduras