Oseasi3
Oseasi tuma aban würi agabarahatu túmari
1Ábaya lariñagun Aburemei nun: «Beiba adariha aban würi to hínsiñetu lun tubúali, to agabaraha tumuti túmari. Ítara liña hínsiñe Ísüraelina nun, au le Aburemei, íbini houdin hárigi búngiugu terencha, hou hagía lídangiñe le hadagaragüdübei houn».2Ábati nagañeihan aban würi númarime luagu keinsi murusun pülata luma ǘrüwa-san-darandi líburu sebada.3Aba nariñagun tun: «Númaribadibu luagu saragu dan; mahoruhabá, míchaagun buguyame bungua lun amu wügüri, ábame giñe nagunfulirun buma».4Herederuba Ísüraelina saragu dan marúeitega, mábutiga, úouga adagaragüdüni ni dübü sagüráuti ni hadaüragun fádirigu ni haguariuan iduheñu.5Lárigiñeme le, ábame hagararaagun Ísüraelina ábame háluahani Aburemei le Habungiute luma Dawidi le harúeite. Lídounme burí lagumuhóun dan, háluahabei Aburemei lau inebesei luma burí buiti le líchugubei.Bible Society of Honduras