Agumesehani36
Ladügawagun Esaú
1Añahán ladügawagun Esaú, lememe Edomu.2Aba lamarieidun Esaú hama würiña Kananna: Tuma Adá, to liráü Elón le Étüna; tuma Aulibáma tiráü Ana libari Sibón le Eweuna;3tuma giñe Basemátü, liráü Ísümaeli, litu Nebaiotu.4Elifási, ligía tiraübei Adá lau Esaú; aba tagaraüdüni Basemátü Reueli,5aba tagaraüdüniña Aulibáma Heusu, Haalamü luma Koré. Añahán lirahüñübaña Esaú ha águrahoubaña dan le laganóunbei lóubawagu Kanán.6Aba lanügüniña Esaú lúmarigu, lirahüñü, hama sun ha aganóubaña luma, aba lidin lidoun amu fulasu lun ladisedun luéi Hakobu le lamulen. Aba lanügüniña sun libiñanigu luma sun lumegen le ladügübei ñein Kanán,7ladüga gíbeyati hámati biángubei hagía darí lun siñá lan herederun lidan aban; fulasuti le ñein lubéi haganawa lóuguati lun heigin habiñanigu ñein.8Ligía lídinbei Esaú lememe Edomu aganawa lidan dabíara le lóubawagubei Seirü.9Añahán ladügawagun Esaú, le hagücha Edomuna ha meha aganóubaña lidan dabíara le lóubawagubei Seirü.10Anihán hiri lirahüñü Esaú: Elifási tiráü Adá lau Esaú, luma Reueli, tiráü Basemátü lau Esaú.11Lirahüñü Elifási: Temán, Omarü, Sefó, Gatamü luma Kenasi.12Anurein meha aban lúmari Elifási gíritu Timüná; garaütu aban irahü lau gíriti Amalékü. Añahán meha tadügawagun Adá, aban hádangiñe lúmarigu Esaú.13Lirahüñü Reueli: Naatü, Sera, Samá, Misá; añahán tadügawagunbaña Basemátü, aban hádangiñe lúmarigu Esaú.14Aulibáma tuguya giñe aban lúmari Esaú añahán tirahüñü lau: Heusu, Haalamü, Koré. Liráü meha Aná tuguya, libari Sibón.15Añahán ábutigu hadan ladügawagun Esaú: Ábutigu hadan ladügawagun Elifási le íbugañaü hadan lirahüñü Esaú: Temán, Omarü, Sefó, Kenasi,16Koré, Gatamü luma Amalékü. Hagía ábutigubaña hadan ladügawagun Elifási lidan lumúan Edomu, sun hagía tadügawagunbaña Adá.17Ábutigu hadan lirahüñü Reueli le liráü Esaú: Naatü, Sera, Samá Misá. Hagía ábutigubaña hadan ladügawagun Reueli lidan lumúan Edomu, tadügawagun Basemátü hagía to lúmari Esaú.18Ábutigu hadan tirahüñü Aulibáma to tiráü Ana, lúmari Esaú: Heusu, Haalamü, luma Koré.19Ladügawagun Esaú lememe Edomu sun hagía, hábutigu giñe hani türibu.20Lirahüñü Seirü le Óruna, ha meha aganóubaña lidan oubaü ligía: Lotán, Sobali, Sibón, Aná,21Disón, Éserü, Disán. Hagía meha hábutigubaña Óruna, ha ladügawagun Seirü, lidan lumúan Edomu.22Lirahüñü Lotán: Orí luma Emamü. Timüná litu Lotán.23Lirahüñü Sobali: Alübán, Manaatü, Ebali, Sefó luma Onamü.24Lirahüñü Sibón: Ayá luma Aná. Aná, ligía adarirubei lísensen duna lidan fulasu mageirawati dan le lóunigiruniña burigü ha lilügüniña Sibón le lúguchi.25Garaüti Aná aban wügüri irahü gíriti Disón, tuma aban würi irahü gíritu Aulibáma.26Lirahüñü Disón: Emüdán, Esübán, Itürán luma Kerán.27Lirahüñü Éserü: Bilán, Saawán luma Akán.28Lirahüñü Disán: Usu luma Arán.29Hábutigu Óruna: Lotán, Sobali, Sibón, Aná,30Disón, Éserü, Disán. Hagía hábutigubaña Óruna lidan lumúan Seirü, iduheñu hawagu iduheñu.Lurúeitegu Edomu
31Añahán meha urúeigu ha agumadihabaña Edomu, lubaragiñe meha garúeite hamá Ísüraelina.32Bela, le meha liráü Beoru, urúei meha Edomu, Dinaba líribei luburugute.33Danbei lounwen Bela, aba larúeihan Hobabü le liráü Sera le lídangiñebei fulasu le gíribei Bosurá.34Danbei lounwen Hobabü, leweñegua aba lagumadihan Usamü, lóubawaguna Temán.35Danbei lounwen Usamü, leweñegua, aba lagumadihan Adadü le liráü Bedadü, le áfarahabalin Madián lidan láraabute Moabü; Awitü líribei luburugute.36Danbei lounwen Adadü, leweñegua, aba lagumadihan Samülá le Masürekána.37Danbei lounwen Samülá, leweñegua, aba lagumadihan Saulu, le lídangiñebei Reobotu, fulasu le lárubei duna.38Danbei lounwen Saulu, aba lagumadihan Baali-anán le liráü Akübóru leweñegua.39Danbei lounwen Baali-anán, aba lagumadihan Adadü leweñegua; Pau líribei luburugute. Meetawéli tíribei lúmari, liráü Matürédi, libari Mesaabü.40Anihán híribei ábutigu hadan lánigu Esaú, hawagu iduheñu, luagu fulasu luma luagu iri: Timüná, Aliwá, Hetetü,41Aulibáma, Elá, Pinón,42Kenasi, Temán, Mibüsárü,43Magüdiéli luma Iramü. Edomu giñe meha líribei Esaú, añahán ábutigubaña lun Edomu, según burí fulasu le ñein lubéi haganawa lememe hafulasun.Bible Society of Honduras