Agumesehani28
1Ábati lagúarun Isaakü lun Hakobu, aba labiniruni aba líchugun gumadi lun:
—Mamarieidabá tuma ni aban würi to yaana Kanán.2Beiba Padán-aramü, lúbiñe báruguti Betueli, ábame bamarieidun ñein tuma aban hádangiñe lirahüñü biyaurite Lawán.3Binilabu Bungiu Suntigabafu, ru ligíame saragu adügawaguni bun, lun hayabin saragu néchani bídangiñe.4Rulei giñe abiniruni le uágubei lariñaga lun Abüraámü bun luma houn badügawagun, lun labureme hamá múa le ñein lubéi waganawa guentó kei terencha, ladüga füramase lumuti lun Abüraámü.5Ítara liña lóunahani Isaakü Hakobu Padán-aramü lúbiñoun Lawán, le liráü Betueli le Aramüna tati Rebeka to lúguchu Hakobu luma Esaú.
—Bungiu au, le Lubungiute báruguti Abüraámü, Lubungiute giñe búguchi Isaakü. Níchugubei múa le ñein lubéi barounra bun luma houn badügawagun.14Hachülürüba badügawagun lun gibe hamá kei sagoun, añaheinbaña luagu nórute luma luagu suru; luagu oubaü le ñéingiñe lubéi laboucha weyu luma luagu le ñeinhin lubéi lálüda, ani sun iduheñu ha ubouagubaña habinirúba bídangiñe luma hádangiñe badügawagun.15Anahein buma; nóunigirubadibu ñein lumuti bidin, ani nagiribudagüdübadibu lidoun múa le. Mígirun nubadibu magunfulirunganei le füramase náalibei bun.16Dan le lagagudunbei Hakobu lídangiñe luénedü, aba lasaminarun: «Inarüni anihein Bungiu lidan fulasu le, ani au ibidiñeti yebe nun».17Aba lanufudedagun, aba lasaminarun: «Sagüráuti fulasu le. Anuhán luban Bungiu ya, ligía lubenaribei sielu!»18Larugan aba lásaarun Hakobu binaafingiua, aba lanügüni dübü le buga eseriwidubei lun kei ichügübarari, aba lararamagüdüni úaragua, aba líchugun garaba luagu.19Ñeinñein meha aban uburugu gíriti leiti lidan fulasu ligía, gama lumoun aba lasansiruni Hakobu liri aba líchugun Beteli luagu.20Ñein ladügei Hakobu füramasei le: «Anhein ñüdün Bungiu numa, góunigilaname lidan nuéiyasun; anhein íchiga éigini nun tuma daüguaü,21ani ánhana agiribuda lau magadiñein lúbiñoun núguchi, ligíaba Nubungiute.22Anihán dübü le níchugubei kei pilarü, lúbanbei Bungiu; ani súnwandan níchugubei lan diisi lídangiñe san lídangiñe sun le lunbei bíchuguni nun Bungiu».
—Mamarieidabá tuma ni aban würi to yaana Kanán.2Beiba Padán-aramü, lúbiñe báruguti Betueli, ábame bamarieidun ñein tuma aban hádangiñe lirahüñü biyaurite Lawán.3Binilabu Bungiu Suntigabafu, ru ligíame saragu adügawaguni bun, lun hayabin saragu néchani bídangiñe.4Rulei giñe abiniruni le uágubei lariñaga lun Abüraámü bun luma houn badügawagun, lun labureme hamá múa le ñein lubéi waganawa guentó kei terencha, ladüga füramase lumuti lun Abüraámü.5Ítara liña lóunahani Isaakü Hakobu Padán-aramü lúbiñoun Lawán, le liráü Betueli le Aramüna tati Rebeka to lúguchu Hakobu luma Esaú.
Lamarieidun Esaú
6Ariha lumuti buga Esaú dan le labinirunbalin Isaakü Hakobu aba lan lóunahani Padán-aramün lun lamarieidun ñein. Ariha lumuti giñe luagu dan lan le labinirunbalin lúguchi ariñaga lan lun lun mamarieidun lan tuma ni aban würi to ñeina Kanán,7ani luagu ñüdün lan Hakobu Padán-aramü kei hariñaguni lagübürigu lun.8Ítara liña lasubudiruni Esaú luagu mínsiñe hamá würiña ha ñeina Kanán lun lúguchi;9aba lubeiti lidin arihei Ísümaeli le liráü Abüraámü, aba lamarieidun tuma liráü Ísümaeli to gíriboun Maalatü to litu Nebaiotu, hánwounme buga lúmarigu ha Kananna.Lasaliragun Bungiu lun Hakobu Beteli
10Aba láfuridun Hakobu Bérüsewagiñe lun lárügüdüni üma lun Arán.11Aba lachülürün lidoun aban fulasu, aba lerederun ásügürei áriebu ñein, ladüga dárühali lan. Aba líchugun aban lídangiñe dübü burí le ñeinbei lichügübárarime, aba larounrun arumuga.12Aba gewenedü lan larihin aban esütépu lúmagiñe múarugugiñe darí sielu, añahati, lani Bungiu ánheli amudeiha luma arariha luéigiñe.13Ñeinñein giñe Bungiu rara lubadu esütépu ligía, lariñagati lun:—Bungiu au, le Lubungiute báruguti Abüraámü, Lubungiute giñe búguchi Isaakü. Níchugubei múa le ñein lubéi barounra bun luma houn badügawagun.14Hachülürüba badügawagun lun gibe hamá kei sagoun, añaheinbaña luagu nórute luma luagu suru; luagu oubaü le ñéingiñe lubéi laboucha weyu luma luagu le ñeinhin lubéi lálüda, ani sun iduheñu ha ubouagubaña habinirúba bídangiñe luma hádangiñe badügawagun.15Anahein buma; nóunigirubadibu ñein lumuti bidin, ani nagiribudagüdübadibu lidoun múa le. Mígirun nubadibu magunfulirunganei le füramase náalibei bun.16Dan le lagagudunbei Hakobu lídangiñe luénedü, aba lasaminarun: «Inarüni anihein Bungiu lidan fulasu le, ani au ibidiñeti yebe nun».17Aba lanufudedagun, aba lasaminarun: «Sagüráuti fulasu le. Anuhán luban Bungiu ya, ligía lubenaribei sielu!»18Larugan aba lásaarun Hakobu binaafingiua, aba lanügüni dübü le buga eseriwidubei lun kei ichügübarari, aba lararamagüdüni úaragua, aba líchugun garaba luagu.19Ñeinñein meha aban uburugu gíriti leiti lidan fulasu ligía, gama lumoun aba lasansiruni Hakobu liri aba líchugun Beteli luagu.20Ñein ladügei Hakobu füramasei le: «Anhein ñüdün Bungiu numa, góunigilaname lidan nuéiyasun; anhein íchiga éigini nun tuma daüguaü,21ani ánhana agiribuda lau magadiñein lúbiñoun núguchi, ligíaba Nubungiute.22Anihán dübü le níchugubei kei pilarü, lúbanbei Bungiu; ani súnwandan níchugubei lan diisi lídangiñe san lídangiñe sun le lunbei bíchuguni nun Bungiu».
Bible Society of Honduras