Esekiéli5
1Aba lariñagun Aburemei nun:
—Liráü wügüri, barüba aban gusiñu hamanatu kei rasue, ábame básaruni bídiburi luma bídiuma tau. Banügame aban balansu, ábame badügün ǘrüwa fánreinti lau bídiburi.2Danme lásurun wuribu luma uburugu, ábame bágudun aban lídangiñe ǘrüwa fánreinti ídiburi lamidangua uburugu; lárigiñeme ábame banügün aban gusiñu, ábame bíbugun ábanya fánreinti lídangiñe ǘrüwa fánreinti ídiburi geyegua lau uburugu, leme ígiraguti, ábame bachüürüni garabalirugun. Nídiba hárigi hárigi lílana uburugu tau aban eféin núhaburugu.3Banügame fiu lídangiñe ídiburi ligía, bagüreime luagu tedebugiñe bidunigun.4Banügame fiu lídangiñe, bachüüreime wáturugun lun lágudun. Ñéingiñeba láfurida watu gemeti kóntüra sun Ísüraelina.5—Au le Aburemei ariñagubalin. Anihán Herusalén. Au íchugubalin hamidangua néchanigu.6Gama lumoun aba lagarabaagun luagun nilurudun luma nugumadin, wuribatimahaliti sügǘ lau néchani le geyegubei lau, ladüga mídinti lau nilurudun mafalarunlei nugumadin.7—Ligía nariñagunbei, au, le Aburemei. Mabuchahatün sügǘ hau gürigia ha geyegubaña hau, mafalarun humuti nugumadin; magunfulirungubei humuti halurudun gürigia ha geyegubaña hau.8Ligía nariñagunbei, au le Aburemei: Nagarabaaguba giñe buagun, Herusalén; naguseragüdübadibu hagibugiñe néchanigu,9lidan aban igaburi le madügünñahanágili, ani madügündigia naali. Hanarimeyati buriban.10Ligía ñéinbaña lubéi agübürigu éigitiña hasaanigu Herusalén, hama isaanigu éigitiña hagübürigu. Nadügübei nisiadin kóntüra buguya, hame móunweguntiña, nachagaragubaña lidoun sun oubaü.11Fiñú numuti luagu nibagari, au, le Aburemei: Kei wíyeda humaaru lubéi nitenpulun hau hawiye higuariuan luma lagübüri husan, nagünrinchagubadün giñe magudemehabuga, magudemehabubadina hun.12Aban hádangiñe ǘrüwa gürigia ha bílana, láfaragubaña sandi luma ilamaü lurageirugu uburugu, híbiri háfaragubaña háganiñu bóugudi luéi uburugu, hame erederutiña, nachagarubaña lidoun gádürügubei garabali. Ábame nidin hárigi hárigi tau aban eféin núhaburugu.13Ábameti nábürügüdüni nigañi. Danme lakimuledun nigañi hau, ligíaba nagalumadun. Danme le óunaha naali nigañi hawagun, hasubudirubei luagu au lan le Aburemei ariñagubalin lidan lanarime nemeidin.14Nadügübadibu ábame bugan günringuaü, Herusalén; nǘnabudagüdübadibu haganagua néchanigu ha geyegubaña bau, ariha hamaamugei sun ásügürütiña.15Danme nagunfuliruni nisiadin buagun lau igañi, danme nabeichunibu here, banabúba, anabawagúa buguyame, beseriwiduba habulanme néchanigu ha geyegubaña bau. Au, le Aburemei ariñagubalin.16Nanügüba ilamaü huagun kei gimara to gagünrinchaguaditu. Nanügüba günringuaü huagun, ilamaü luma ümi.17Nanügüba ilamaü huagun, sandi luma óunweni, hama animaalugu gáñitiña lun héiginiña hisaanigu; nadügüba lun hóunwegun saragu hídangiñe wuriburugu. Au, le Aburemei ariñagubalin.
—Liráü wügüri, barüba aban gusiñu hamanatu kei rasue, ábame básaruni bídiburi luma bídiuma tau. Banügame aban balansu, ábame badügün ǘrüwa fánreinti lau bídiburi.2Danme lásurun wuribu luma uburugu, ábame bágudun aban lídangiñe ǘrüwa fánreinti ídiburi lamidangua uburugu; lárigiñeme ábame banügün aban gusiñu, ábame bíbugun ábanya fánreinti lídangiñe ǘrüwa fánreinti ídiburi geyegua lau uburugu, leme ígiraguti, ábame bachüürüni garabalirugun. Nídiba hárigi hárigi lílana uburugu tau aban eféin núhaburugu.3Banügame fiu lídangiñe ídiburi ligía, bagüreime luagu tedebugiñe bidunigun.4Banügame fiu lídangiñe, bachüüreime wáturugun lun lágudun. Ñéingiñeba láfurida watu gemeti kóntüra sun Ísüraelina.5—Au le Aburemei ariñagubalin. Anihán Herusalén. Au íchugubalin hamidangua néchanigu.6Gama lumoun aba lagarabaagun luagun nilurudun luma nugumadin, wuribatimahaliti sügǘ lau néchani le geyegubei lau, ladüga mídinti lau nilurudun mafalarunlei nugumadin.7—Ligía nariñagunbei, au, le Aburemei. Mabuchahatün sügǘ hau gürigia ha geyegubaña hau, mafalarun humuti nugumadin; magunfulirungubei humuti halurudun gürigia ha geyegubaña hau.8Ligía nariñagunbei, au le Aburemei: Nagarabaaguba giñe buagun, Herusalén; naguseragüdübadibu hagibugiñe néchanigu,9lidan aban igaburi le madügünñahanágili, ani madügündigia naali. Hanarimeyati buriban.10Ligía ñéinbaña lubéi agübürigu éigitiña hasaanigu Herusalén, hama isaanigu éigitiña hagübürigu. Nadügübei nisiadin kóntüra buguya, hame móunweguntiña, nachagaragubaña lidoun sun oubaü.11Fiñú numuti luagu nibagari, au, le Aburemei: Kei wíyeda humaaru lubéi nitenpulun hau hawiye higuariuan luma lagübüri husan, nagünrinchagubadün giñe magudemehabuga, magudemehabubadina hun.12Aban hádangiñe ǘrüwa gürigia ha bílana, láfaragubaña sandi luma ilamaü lurageirugu uburugu, híbiri háfaragubaña háganiñu bóugudi luéi uburugu, hame erederutiña, nachagarubaña lidoun gádürügubei garabali. Ábame nidin hárigi hárigi tau aban eféin núhaburugu.13Ábameti nábürügüdüni nigañi. Danme lakimuledun nigañi hau, ligíaba nagalumadun. Danme le óunaha naali nigañi hawagun, hasubudirubei luagu au lan le Aburemei ariñagubalin lidan lanarime nemeidin.14Nadügübadibu ábame bugan günringuaü, Herusalén; nǘnabudagüdübadibu haganagua néchanigu ha geyegubaña bau, ariha hamaamugei sun ásügürütiña.15Danme nagunfuliruni nisiadin buagun lau igañi, danme nabeichunibu here, banabúba, anabawagúa buguyame, beseriwiduba habulanme néchanigu ha geyegubaña bau. Au, le Aburemei ariñagubalin.16Nanügüba ilamaü huagun kei gimara to gagünrinchaguaditu. Nanügüba günringuaü huagun, ilamaü luma ümi.17Nanügüba ilamaü huagun, sandi luma óunweni, hama animaalugu gáñitiña lun héiginiña hisaanigu; nadügüba lun hóunwegun saragu hídangiñe wuriburugu. Au, le Aburemei ariñagubalin.
Bible Society of Honduras