Esekiéli4
Uganu libügürü Herusalén
1—Buguya, liráü wügüri, barüba aban ladiríyu, bíchigeime bigibugiñe ábame badibuhani uburugu Herusalén luagu.2Ábame bíchugun áganiñu geyegu lau, adüga buguyame aban baríeiru geyegu lau, tau aban kianpu-agei luma katei burí lun lagünrinchawaguniwa baríeiru.3Banügame aban singi le gürabu, bíchigeime bamidangua búmagua luma uburugu kamá hamuga aban baríeiru, ábame bararamun ligibugiñe uburugu kamá hamuga bageindaguña luma. Leseriwiduba lira kei seini houn Ísüraelina.4—Ábameti barounrun lau bouba le bubaünan, ábame banügüni lidurun Ísüraeli buouguoun. Gasu berederun roun ítara5ǘrüwa-san-gádürü-wein-diisi weyu, aban weyu luagu kada irumu lánina lidurun Ísüraeli.6Danme gúnfuli baali dan ligía, ábame barounrun lau bouba le bóunwenren, lun banügüni lidurun Hudá buouguoun luagu bián-wein weyu aban weyu luagu kada irumu duru.7Lárigiñeme ábame bagararaagun luagun Herusalén, geyegu hau áganiñu; bárouchagueime tarüna bisimisin, ábame badimurehan kóntüra ligía lidan niri.8Nagüragubadibu lau gúrudu lun siñá lan bagarabaagun darime bagunfuliruni dan le lunbei basufuriruni.9—Lárigiñe ábame banügün murusun türigu, sewada, mihu, awena, ábasi tuma lenteha; ábame bagubuduni súngubei lidan aban ágeidinaü, ábame badügünu beigan fein lau. Tuguyaba beiga lidan ǘrüwa-san-gádürü-wein-diisi weyu le lunbei berederuni roun lau bouba le bubaünan.10Béigibei beigin lidan lidaani, dimí líburu sagü weyu,11bátubei giñe buniñe duna lidan lidaani, lamidan líturu luagu weyu.12Ábanba durudia lautu sewada beigin, to ásürahoutu lau watu le lauti hádiga gürigia ani hagibugiñeba gürigia badügoun.13Lárigiñe aba lariñagun Aburemei:—Éigini wíyeti kei le, ligíaba heiga Ísüraelina lidan fulasu le ñéinhinba lubéi nabugaguaña.14Aba nóunabuni:
—Gama lumoun Nabureme, au maguurunñahagidina katei wíyeti lidan sun nibagari; méiginñahagidina animaalu le hilarügüti o le lan háfarun animaalugu gáñitiña, móuchungidina giñe úi wíyeti.15Ábati lariñagun nun:
—Nígira lun bayusurun tídiga bágasu leweñegua hádiga gürigia lun básürahanu beigan fein.16Lárigiñe aba lariñagun nun:
—Liráü wügüri, nadüga lun lekesidun éigini Herusalén. Afanreinhóuarügübei éigini, ani lauba íruni heigei gürigia hafanran; lamisurahóuba giñe duna ani hátubei gürigia lau anufudei.17Hemegeiruba duna luma éigini, ábameti haríagun hawouguoun buin lau anufudei. Ábame hañaladun wínwanñu ladüga hafigoun.
Bible Society of Honduras