Áfuriduni8
1Aba lariñagun Bungiu lun Moisesi, lun lidin arihei urúei Ehiptuna ábame lariñagun lun: «Ígiragüdabaña lumutuniña Bungiu lun houdin áhuduragua lun.2Ánhaña mígiragüdün ban, lasufuriragüdübaña lílana bageira hau húa.3Labuinchuba duna hau húa, ábame háfuridun dúnarugugiñe, ábame hebelurun búbiñoun, tidoun bigabanan, hábiñoun agabutihatiña buma, lidoun le ñein lubéi tásürahoua beigan fein, luma le ñein lubéi tañoundawagua.4Hachubahaba húa buagun luma hawagun bumutuniña».5Lariñaga Bungiu lun Moisesi:
—Ariñagabá lun Aarón lun liñuruni lubadun luagun burí duna churunruti, gürigü burí, luma burí lagunu, lun háfuridun húa ñéingiñe, lun habuinchuni sun Ehiptu.6Aba ladügüni Aarón ítara, aba habuinchuni húa sun Ehiptu.7Gama lumoun aba giñe hadügüni garíaahatiña ha lánigu urúei, aba giñe habuinchagüdüni Ehiptu hau húa.8Ábati lóunahan urúei luagu Moisesi luma Aarón, aba lariñagun houn:
—Hamuriaha luma Bungiu lun lagidaruniña húa ha nuéi hau sun nánigu, ábame nígirun lun houdin bumutuniña adagaragüda lun Aburemei.9Lariñaga Moisesi lun urúei:
—Ídaba habusenra namuriahan luma Bungiu huagu, luma hawagu ha agabutihabaña huma luma hawagu sun humutuniña lun houdin húa huéi luma tídangiñe huban, herederame lídanrügü duna.10—Harugaméme —liña urúei lun.
Aba lóunabun Moisesi:
—Ítara luba, lun hasubudiruni luagu ua lan ni aban bungiu kei Wabungiute.11Háfuriduba húa húbiñegiñe ábame herederun lídanrügü duna. Mañawarihánhañame hun, ni houn hánigu ni houn humutuniña.12Aba háfuridun Moisesi luma Aarón tídangiñe luban urúei. Lárigiñe aba lamuriahan Moisesi luma Bungiu lun lagidaruniña húa ha lóunahabaña luagun urúei.13Aba ladügüni Bungiu le lamuriahabei Moisesi luma, aba hóunwegun húa ha tídanbaña burí muna, lidan bürürü luma lidan ichari.14Aba habudahaniña gürigia húa hilaguaaña aba hóundaraguagüdüniña, ábati língigadun lidan sun Ehiptu.15Gama lumoun dan larihinbei urúei luagu huáliguaali lan hádangiñe húa, aba tedererun lanigi, madügünti gasu lau Moisesi luma Aarón, ítara kei buga lariñaguni Bungiu.
—Ariñagabá lun Aarón lun laguuruni kaliki le múarugubei lau lubadun ábame hasaliragun mebebegi lidan sun Ehiptu.17Aba hadügüni ítara, aba lasaliragun sun kaliki le múarugubei mebebegime, aba hásühaniña gürigia hama animaalugu.18Hóuchatiña yebe giñe garíaahatiña lun hasaliraguagüdün mebebegi, siñá hamuti. Añahati mebebegi ásüha gürigia hama animaalugu.19Ábati hariñagun garíaahatiña lun urúei:
—Lúmagiñeti Bungiu katei le!
Gama lumoun aba tedererun lanigi urúei, madügünti gasu hau, ítara kei buga lariñaguni Bungiu.
—Lídiba urúei dúnaha haruga binaafin, básaarame lubeiti lubá larugan, bídinme ariñaga lun: “Lariñahare Wabureme: Ígiragüdabaña numutuniña lun houdin áhuduragua nun.21Ánhaña mígiragüdün ban, nóunahaba gunga buagun hau sun bánigu hama bumutuniña luma tidoun burí buban. Tabuinchuba haban Ehiptuna hau gunga, ñéinbaña gunga íbini múarugu.22Gama lumoun danme lasuseredun katei le, úaboun ni aban gunga Gosén, le ñein lubéi haganawa numutuniña. Ítara luba basubudiruni luagu anahein lan lidan fulasu le, au le Aburemei.23Hasubudirúaba numutuniña hádangiñe bumutuniña. Harugaba lasusereda milaguru le”.24Aba ladügüni Bungiu ítara, aba hayabin gúlunu gunga, aba habuinchun tidan luban urúei, tidan haban lánigu, luma lidan sun Ehiptu. Aba hagadeiruni gunga sun Ehiptu.25Ábati lóunahan urúei luagu Moisesi luma Aarón, lariñaga houn:
—Heiba adagaragüda lun hubungiute, gama lumoun máfuridunga Ehiptugiñe.26Lariñaga Moisesi lun:
—Mabuidunbei lun wadügüni ítara, ladüga animaalugu ha lúnbaña wadagaragüdüniña lun Wabungiute sagüráutiña houn Ehiptuna. Ánhawa hariha Ehiptuna adagaragüdaña animaalugu ha sagüráubaña houn, chouru numuti luagu hachamuraguba lan dübü wawagu lun háfaraguniwa hilagubei.27Gasu woudin lidan fulasu mageirawati ǘrüwa weyu éibuguni, lun wadagaragüdün lun Wabungiute ñein, keisi lariñaguni woun.28Ábati lariñagun urúei:
—Nígiraadün lun hidin lidan fulasu mageirawati lun hadagaragüdün lun Hubungiute, gama lumoun madisedalá hidin. Hamuriahame giñe nuagu luma.29Lariñaga Moisesi lun:
—Náfuridun yáagiñe, namuriahan luma Bungiu lun lagidaruniña gunga buéi, hawéi bánigu luma hawéi bumutuniña haruga, gama lumoun merederunrügaadibu ligía eyeehawa, amahada bígiragüdüniña Ísüraelina lun houdin adagaragüda lun Bungiu.30Dan láfuridunbei Moisesi lúbiñegiñe urúei, aba lafurieidun lun Bungiu,31aba ladügüni Bungiu le lamuriahabei Moisesi: Aba houdin gunga luéi urúei, hau lánigu, hama lumutuniña.32Gama lumoun ábaya tedererun lanigi urúei, ani mígiragüdün lumutiña Ísüraelina.
—Ariñagabá lun Aarón lun liñuruni lubadun luagun burí duna churunruti, gürigü burí, luma burí lagunu, lun háfuridun húa ñéingiñe, lun habuinchuni sun Ehiptu.6Aba ladügüni Aarón ítara, aba habuinchuni húa sun Ehiptu.7Gama lumoun aba giñe hadügüni garíaahatiña ha lánigu urúei, aba giñe habuinchagüdüni Ehiptu hau húa.8Ábati lóunahan urúei luagu Moisesi luma Aarón, aba lariñagun houn:
—Hamuriaha luma Bungiu lun lagidaruniña húa ha nuéi hau sun nánigu, ábame nígirun lun houdin bumutuniña adagaragüda lun Aburemei.9Lariñaga Moisesi lun urúei:
—Ídaba habusenra namuriahan luma Bungiu huagu, luma hawagu ha agabutihabaña huma luma hawagu sun humutuniña lun houdin húa huéi luma tídangiñe huban, herederame lídanrügü duna.10—Harugaméme —liña urúei lun.
Aba lóunabun Moisesi:
—Ítara luba, lun hasubudiruni luagu ua lan ni aban bungiu kei Wabungiute.11Háfuriduba húa húbiñegiñe ábame herederun lídanrügü duna. Mañawarihánhañame hun, ni houn hánigu ni houn humutuniña.12Aba háfuridun Moisesi luma Aarón tídangiñe luban urúei. Lárigiñe aba lamuriahan Moisesi luma Bungiu lun lagidaruniña húa ha lóunahabaña luagun urúei.13Aba ladügüni Bungiu le lamuriahabei Moisesi luma, aba hóunwegun húa ha tídanbaña burí muna, lidan bürürü luma lidan ichari.14Aba habudahaniña gürigia húa hilaguaaña aba hóundaraguagüdüniña, ábati língigadun lidan sun Ehiptu.15Gama lumoun dan larihinbei urúei luagu huáliguaali lan hádangiñe húa, aba tedererun lanigi, madügünti gasu lau Moisesi luma Aarón, ítara kei buga lariñaguni Bungiu.
Lasaliragun kaliki mebebegime
16Aba lariñagun Bungiu lun Moisesi:—Ariñagabá lun Aarón lun laguuruni kaliki le múarugubei lau lubadun ábame hasaliragun mebebegi lidan sun Ehiptu.17Aba hadügüni ítara, aba lasaliragun sun kaliki le múarugubei mebebegime, aba hásühaniña gürigia hama animaalugu.18Hóuchatiña yebe giñe garíaahatiña lun hasaliraguagüdün mebebegi, siñá hamuti. Añahati mebebegi ásüha gürigia hama animaalugu.19Ábati hariñagun garíaahatiña lun urúei:
—Lúmagiñeti Bungiu katei le!
Gama lumoun aba tedererun lanigi urúei, madügünti gasu hau, ítara kei buga lariñaguni Bungiu.
Lóunahan Bungiu gunga Ehiptun
20Aba lariñagun Bungiu lun Moisesi:—Lídiba urúei dúnaha haruga binaafin, básaarame lubeiti lubá larugan, bídinme ariñaga lun: “Lariñahare Wabureme: Ígiragüdabaña numutuniña lun houdin áhuduragua nun.21Ánhaña mígiragüdün ban, nóunahaba gunga buagun hau sun bánigu hama bumutuniña luma tidoun burí buban. Tabuinchuba haban Ehiptuna hau gunga, ñéinbaña gunga íbini múarugu.22Gama lumoun danme lasuseredun katei le, úaboun ni aban gunga Gosén, le ñein lubéi haganawa numutuniña. Ítara luba basubudiruni luagu anahein lan lidan fulasu le, au le Aburemei.23Hasubudirúaba numutuniña hádangiñe bumutuniña. Harugaba lasusereda milaguru le”.24Aba ladügüni Bungiu ítara, aba hayabin gúlunu gunga, aba habuinchun tidan luban urúei, tidan haban lánigu, luma lidan sun Ehiptu. Aba hagadeiruni gunga sun Ehiptu.25Ábati lóunahan urúei luagu Moisesi luma Aarón, lariñaga houn:
—Heiba adagaragüda lun hubungiute, gama lumoun máfuridunga Ehiptugiñe.26Lariñaga Moisesi lun:
—Mabuidunbei lun wadügüni ítara, ladüga animaalugu ha lúnbaña wadagaragüdüniña lun Wabungiute sagüráutiña houn Ehiptuna. Ánhawa hariha Ehiptuna adagaragüdaña animaalugu ha sagüráubaña houn, chouru numuti luagu hachamuraguba lan dübü wawagu lun háfaraguniwa hilagubei.27Gasu woudin lidan fulasu mageirawati ǘrüwa weyu éibuguni, lun wadagaragüdün lun Wabungiute ñein, keisi lariñaguni woun.28Ábati lariñagun urúei:
—Nígiraadün lun hidin lidan fulasu mageirawati lun hadagaragüdün lun Hubungiute, gama lumoun madisedalá hidin. Hamuriahame giñe nuagu luma.29Lariñaga Moisesi lun:
—Náfuridun yáagiñe, namuriahan luma Bungiu lun lagidaruniña gunga buéi, hawéi bánigu luma hawéi bumutuniña haruga, gama lumoun merederunrügaadibu ligía eyeehawa, amahada bígiragüdüniña Ísüraelina lun houdin adagaragüda lun Bungiu.30Dan láfuridunbei Moisesi lúbiñegiñe urúei, aba lafurieidun lun Bungiu,31aba ladügüni Bungiu le lamuriahabei Moisesi: Aba houdin gunga luéi urúei, hau lánigu, hama lumutuniña.32Gama lumoun ábaya tedererun lanigi urúei, ani mígiragüdün lumutiña Ísüraelina.
Bible Society of Honduras