Áfuriduni32
1Dan harihinbei Ísüraelina luagu lǘhali lan Moisesi luagu wübü, mararirunti, aba hóundaragun geyegua lau Aarón, aba hariñagun lun:
—Adügabá búngiugu woun lun hadundehaniwa, lugundun ibidiñeti woun ka lan suserebei lun Moisesi le asagarubaliwa Ehiptugiñe.2Lariñaga Aarón houn:
—Gidá humóun arigeilaü golu to hawaguboun húmarigu tuma to burí hawaguboun hirahüñü, hanügounme nun ñahoun.3Aba haragachunu súngubei hagía sun harigeila to golu, aba hanügünu lun Aarón,4aba larürüdaguagüdünu; dan le dereguaali, aba lawadigimariduni tau aban chíchili darí lasalirun aban liyawa liraüraü bágasu lau golu ligía. Ábati hariñagun súngubei:
—Ísüraeli, anihán bubungiutebei le asagarubalibu Ehiptugiñe!5Dan larihinbalin Aarón katei le, aba ladügün aban latarü ligibugiñe liyawa liraüraü bágasu ligía, aba lagúaragun:
—Haruga wefeduhan lidan liri Wabureme!6Larugan, aba hásaarun, aba hadagaragüdün le gudawarügüti luma le lánina arandaruni. Lárigiñe, aba hañuurun eiga luma ata, lárigiñe aba hagumeserun adaagua maricharaguni.7Ábati lariñagun Bungiu lun Moisesi:
—Rariba, ladüga gürigia ha basagarubaña Ehiptugiñe, rúguaaña houngua lidoun féridi.8Ma loufun hígiruni üma le uágubei nariñaga houn lun hafalaruni. Adügaaña aban bágasu lau golu, ani háhuduraguña lun, ru hagía idewesei lun, hariñagati: Ísüraeli, anihán bubungiutebei le asagarubalibu Ehiptugiñe!9Ariñagati giñe Bungiu lun Moisesi:
—Ariha naaña gürigia ha buidu, ani ariha naali luagu deré lan haganbun.10Guentó, ígirabana nungua, lugundun gáñihadina ani nagumucha hau! Gama lumoun bídangiñe nadügüba aban óunwenbu néchani.11Lau sun lira áfaaguagili Moisesi lagalumaruni Bungiu lau burí dimurei le:
—Nabureme, kaba san uagu bagañida houn bánigu ítara, ha basagarubaña Ehiptugiñe lau óunwenbu bubafu?12Ida luba bígirun lun hariñagun Ehiptuna: Sagá lumutiña Bungiu lau luriban aritaguni lun láfaraguniña áraabu, lun lagumuchaguagüdüniña ligibuagugiñe ubóu? Hebé bagañidun, ígirabei aritaguni le lánina badügün wuribani houn bánigu.13Haritaguabá luagu Abüraámü, Isaakü luma Ísüraeli ha únbaña báfiñura buougua, bariñaga houn: Nadügüba lun gibe hamá hílawagu kei waruguma ha siélubaña, ábame níchuguni sun fulasu le houn le uágubei nariñaga hun lun halaganteme lun sun dan.14Aba lasansiragun laritagun Bungiu luéi ladügün damichi houn lánigu.15Ábati laranserun Moisesi lun lararirun luéigiñe wübü barüina dübü le ñein lubéi bürüwañu lan lúrudu luagu biángubei louba.16Bungiu guánarügü adügübalin dübü ligía, ani ligía giñe abürühabalin le bürüwañubei luagu.17Dan laganbunbalin Hosué hagúarahan gürigia, aba lariñagun lun Moisesi:
—Aganbúati agúarahani lánina wuribu tídangiñe kianpu-agei.18Lariñaga Moisesi:
—Mama uremu lauti ugundani le lánina agañeiruni le naganbubei, mama giñe uremu híruti le lánina féridi; amu uremu le naganbubei.19Dan le layarafadunbei Moisesi tun kianpu-agei, aba larihinu liyawa bágasu luma abinahani, aba lagañidun, aba láhuchuruni dübü le laubei lúrudu lúhaburugugiñe, aba lañaünrüdaguni ǘnabu libiti wübü,20lárigiñe aba lárügüdüni bágasu lauti golu, aba láhuchuruni wáturugun, lárigiñe aba lamuligiduni darí lun ladügüni kalikime, aba lafuruhani kaliki ligibuagu duna, aba látagüdüniña Ísüraelina lídangiñe duna ligía.21Aba lariñagun lun Aarón:
—Ka hadügübei gürigia ha bun bígirunbei lun hadügün óunwenbu figóu?22Lariñaga Aarón lun:
—Magañidabá numa. Subudi bumuti luagu hínsiñe lan houn gürigia ha lun hadügüni le wuribabei.23Hariñahare nun: Adügabá aban bungiu woun lun ladundehaniwa, ladüga ibidiñeti woun ka lan suserebei lun Moisesi le asagarubaliwa Ehiptugiñe.24Aba nariñagun houn: Ha gámatiña golu ru haméi nun. Aba híchugun lídangiñe golu le hámabei nun, aba níchuguni wáturugun, aba lasaliragun bágasu le!25Aba larihin Moisesi luagu lídanñanu lan wuribani Ísüraelina, furanguñu lun héherahan háganiñu hau, ladüga siñaguati Aarón lungua hama,26aba lubeiti lararamun tigibugiñe kianpu-agei aba lariñagun:
—Ha lúmagiñebaña Bungiu ñübuin hama numoun. Aba hayabin sun Lewitagu lumoun.27Ábati lariñagun Moisesi houn:
—Lariñahare Wabureme le Habungiute Ísüraelina: «Ragüloun kada aban hídangiñe lefeinte, giribu humá tidoun kianpu-agei, ábame háfaraguniña híbirigu, humadagu hama hubesinanigu».28Aba hadügüni Lewitagu le lubeibei Moisesi, aba hóunwegun hawara ǘrüwa-milu wügüriña weyu ligía.29Ábati lariñagun Moisesi:
—Ibihatün ubafu uguñe ligibugiñe Bungiu lau háfaraguniña hisaanigu hama híbirigu. Biní lumutün lubeiti Bungiu uguñe.30Larugan aba lariñagun Moisesi houn Ísüraelina:
—Adügaadün aban óunwenbu figóu. Guentó gasu namudeirun le ñeinhin lubéi Bungiu lun narihin anhaün feruduna lan.31Ítara liña lídinya Moisesi le ñeinhin lubéi Bungiu aba lariñagun lun:
—Adügaaña Ísüraelina aban óunwenbu figóu lau hadügün aban bungiu lauti golu.32Ayumuraguatina bun lun feruduna bániña, gama lumoun ánhaña úa feruduna bániña, gidabei niri tídangiñe líburu to babürühaboun!33Lariñaga Bungiu lun:
—Lírirügüba le afigouhati nigibugiñe nagidara tídangiñe niliburun.34Beiba lubeiti, barübaña gürigia ha lidoun fulasu le uágubei nariñaga bun. Ladundehabadibu nani ánheli. Danme lachülürün luéyuri abeichúni, nabeichubaña luagu hafigoun.35Aba lóunahan Bungiu aban igei hawagun Ísüraelina luéigiñe háhuduragun lun bágasu le ladügübei Aarón.
—Adügabá búngiugu woun lun hadundehaniwa, lugundun ibidiñeti woun ka lan suserebei lun Moisesi le asagarubaliwa Ehiptugiñe.2Lariñaga Aarón houn:
—Gidá humóun arigeilaü golu to hawaguboun húmarigu tuma to burí hawaguboun hirahüñü, hanügounme nun ñahoun.3Aba haragachunu súngubei hagía sun harigeila to golu, aba hanügünu lun Aarón,4aba larürüdaguagüdünu; dan le dereguaali, aba lawadigimariduni tau aban chíchili darí lasalirun aban liyawa liraüraü bágasu lau golu ligía. Ábati hariñagun súngubei:
—Ísüraeli, anihán bubungiutebei le asagarubalibu Ehiptugiñe!5Dan larihinbalin Aarón katei le, aba ladügün aban latarü ligibugiñe liyawa liraüraü bágasu ligía, aba lagúaragun:
—Haruga wefeduhan lidan liri Wabureme!6Larugan, aba hásaarun, aba hadagaragüdün le gudawarügüti luma le lánina arandaruni. Lárigiñe, aba hañuurun eiga luma ata, lárigiñe aba hagumeserun adaagua maricharaguni.7Ábati lariñagun Bungiu lun Moisesi:
—Rariba, ladüga gürigia ha basagarubaña Ehiptugiñe, rúguaaña houngua lidoun féridi.8Ma loufun hígiruni üma le uágubei nariñaga houn lun hafalaruni. Adügaaña aban bágasu lau golu, ani háhuduraguña lun, ru hagía idewesei lun, hariñagati: Ísüraeli, anihán bubungiutebei le asagarubalibu Ehiptugiñe!9Ariñagati giñe Bungiu lun Moisesi:
—Ariha naaña gürigia ha buidu, ani ariha naali luagu deré lan haganbun.10Guentó, ígirabana nungua, lugundun gáñihadina ani nagumucha hau! Gama lumoun bídangiñe nadügüba aban óunwenbu néchani.11Lau sun lira áfaaguagili Moisesi lagalumaruni Bungiu lau burí dimurei le:
—Nabureme, kaba san uagu bagañida houn bánigu ítara, ha basagarubaña Ehiptugiñe lau óunwenbu bubafu?12Ida luba bígirun lun hariñagun Ehiptuna: Sagá lumutiña Bungiu lau luriban aritaguni lun láfaraguniña áraabu, lun lagumuchaguagüdüniña ligibuagugiñe ubóu? Hebé bagañidun, ígirabei aritaguni le lánina badügün wuribani houn bánigu.13Haritaguabá luagu Abüraámü, Isaakü luma Ísüraeli ha únbaña báfiñura buougua, bariñaga houn: Nadügüba lun gibe hamá hílawagu kei waruguma ha siélubaña, ábame níchuguni sun fulasu le houn le uágubei nariñaga hun lun halaganteme lun sun dan.14Aba lasansiragun laritagun Bungiu luéi ladügün damichi houn lánigu.15Ábati laranserun Moisesi lun lararirun luéigiñe wübü barüina dübü le ñein lubéi bürüwañu lan lúrudu luagu biángubei louba.16Bungiu guánarügü adügübalin dübü ligía, ani ligía giñe abürühabalin le bürüwañubei luagu.17Dan laganbunbalin Hosué hagúarahan gürigia, aba lariñagun lun Moisesi:
—Aganbúati agúarahani lánina wuribu tídangiñe kianpu-agei.18Lariñaga Moisesi:
—Mama uremu lauti ugundani le lánina agañeiruni le naganbubei, mama giñe uremu híruti le lánina féridi; amu uremu le naganbubei.19Dan le layarafadunbei Moisesi tun kianpu-agei, aba larihinu liyawa bágasu luma abinahani, aba lagañidun, aba láhuchuruni dübü le laubei lúrudu lúhaburugugiñe, aba lañaünrüdaguni ǘnabu libiti wübü,20lárigiñe aba lárügüdüni bágasu lauti golu, aba láhuchuruni wáturugun, lárigiñe aba lamuligiduni darí lun ladügüni kalikime, aba lafuruhani kaliki ligibuagu duna, aba látagüdüniña Ísüraelina lídangiñe duna ligía.21Aba lariñagun lun Aarón:
—Ka hadügübei gürigia ha bun bígirunbei lun hadügün óunwenbu figóu?22Lariñaga Aarón lun:
—Magañidabá numa. Subudi bumuti luagu hínsiñe lan houn gürigia ha lun hadügüni le wuribabei.23Hariñahare nun: Adügabá aban bungiu woun lun ladundehaniwa, ladüga ibidiñeti woun ka lan suserebei lun Moisesi le asagarubaliwa Ehiptugiñe.24Aba nariñagun houn: Ha gámatiña golu ru haméi nun. Aba híchugun lídangiñe golu le hámabei nun, aba níchuguni wáturugun, aba lasaliragun bágasu le!25Aba larihin Moisesi luagu lídanñanu lan wuribani Ísüraelina, furanguñu lun héherahan háganiñu hau, ladüga siñaguati Aarón lungua hama,26aba lubeiti lararamun tigibugiñe kianpu-agei aba lariñagun:
—Ha lúmagiñebaña Bungiu ñübuin hama numoun. Aba hayabin sun Lewitagu lumoun.27Ábati lariñagun Moisesi houn:
—Lariñahare Wabureme le Habungiute Ísüraelina: «Ragüloun kada aban hídangiñe lefeinte, giribu humá tidoun kianpu-agei, ábame háfaraguniña híbirigu, humadagu hama hubesinanigu».28Aba hadügüni Lewitagu le lubeibei Moisesi, aba hóunwegun hawara ǘrüwa-milu wügüriña weyu ligía.29Ábati lariñagun Moisesi:
—Ibihatün ubafu uguñe ligibugiñe Bungiu lau háfaraguniña hisaanigu hama híbirigu. Biní lumutün lubeiti Bungiu uguñe.30Larugan aba lariñagun Moisesi houn Ísüraelina:
—Adügaadün aban óunwenbu figóu. Guentó gasu namudeirun le ñeinhin lubéi Bungiu lun narihin anhaün feruduna lan.31Ítara liña lídinya Moisesi le ñeinhin lubéi Bungiu aba lariñagun lun:
—Adügaaña Ísüraelina aban óunwenbu figóu lau hadügün aban bungiu lauti golu.32Ayumuraguatina bun lun feruduna bániña, gama lumoun ánhaña úa feruduna bániña, gidabei niri tídangiñe líburu to babürühaboun!33Lariñaga Bungiu lun:
—Lírirügüba le afigouhati nigibugiñe nagidara tídangiñe niliburun.34Beiba lubeiti, barübaña gürigia ha lidoun fulasu le uágubei nariñaga bun. Ladundehabadibu nani ánheli. Danme lachülürün luéyuri abeichúni, nabeichubaña luagu hafigoun.35Aba lóunahan Bungiu aban igei hawagun Ísüraelina luéigiñe háhuduragun lun bágasu le ladügübei Aarón.
Bible Society of Honduras