Esterü5
Tiabin Esütérü lumoun Urúei
1Ǘrüwa weyu lárigiñe, aba tadaürünu Esütérü tadaüragun to lánina tarúeihan, aba tebelurun tibürürünrugun palasiu, aba tararamagun tigibugiñe rumu to ñein lubéi ñun liña lan urúei luagu lala le lánina larúeihan le ligibugiñebei bena.2Dan larihinbarun urúei Asueru, urúei Esütérü lidan tibürürün palasiu aba lasandirun ínsiñeni tuagu, aba liñuruni lubadun lánina agumadihani le láutibei golu le lúhaburugubei tuagun, aba tayarafadun Esütérü, aba taguurun luagu badun lauti golu ligía,3aba lálügüdünu urúei:—Ka suserebei bun urúei Esütérü? Ka babusenrubei? Íbini anhein bamuriaha lamidan le númati, níchugubei bun!
Aba tóunabun Esütérü:4—Anhein buidu lubéi larihín hun urúei, amuriahatina huma lun hidin lidan adineruni le naranserubei uguñe lidan hiri, hanügeime giñe Amán húmagua.
Ábati lóunabun urúei:5—Áluaha huméi Amán furese, gúnfuliwala tugundan urúei Esütérü.
Ítara liña lidin urúei luma Amán lidan tadineragüdün urúei Esütérü.6Lidan adineruni, aba lariñagun urúei Asueru tun Esütérü:
—Amuriahabéi le babusenrun numa, níchugubei bun, íbini anhein bamuriaha lamidan le númati!7Aba tóunabun Esütérü:
—Ábanrügüñein katei nabusenra, ligía namuriahabei:8Anhein hínsiñe nubéi lun urúei, ani busén ligía líchuguni nugundan nun, lun líchuguni le namuriahabei luma nun, lunya liabin haruga luma Amán lidoun ábaya adineruni le lunbei nadügüni lun, ábameti nadügüni le lamuriahabei urúei numa.
Laranseruni Amán átigiragülei lun Marüdokéu
9Ma lugundan Amán dan le láfuridunbei lídangiñe adineruni; gama lumoun aba lagañidun dan le larihinbalin Marüdokéu tubenari palasiu, másaarunti, mánhingichungubeiti lau larihin lásügürün.10Lau sun lira, marufudun lumuti liyereehabu lidan oura ligía, gama lumoun dan lachülürünbei lúbiñoun, aba lóunahan hawagu lumadagu luma tuagu Seresi to lúmari11aba ladimurehan hama luagu burí luéinamun lirisin, hawagu saragu lirahüñü, luma luagu liñun lanügüni urúei hádangiñe sun lánigu, lau líchugun aban ubaraü íñutimati lun hawéi.12Ábaya lariñagun:—Áurügüñein giñe tamisuraha urúei Esütérü lidoun tadineragüdün le tadügübei lun urúei Asueru; ani amisuraha táadina giñe lubá adineruni le lúnbeiya tadügüni haruga.13Lau sun lira, lun anahalu lan arihei huríu Marüdokéu ñurulu tubenari lani urúei palasiu ni kátabei lira nun.14Ábati tariñagun lúmari hau sun lumadagu lun:
—Adügagüdabá aba átigiragülei le wein-bián méturu liñun, harugame binaafin, ábame bamuriahan luma urúei lun látigirun Marüdokéu luagu. Ítara luba gayara lan bidin luma urúei lidan adineruni sin luriban saminaü.
Gúndaati Amán lau saminaü le, aba ladügagüdüni átigiragülei.
Bible Society of Honduras