Apurichihati12
1Haritaguabá luagu Bungiu guentó lau nibureingidibu lan, lau machülügili lan lénrengunga; anitebei dan lun bariñagun: «Manügünti nibagari ni murusun ugundani nun».2Adügabéi guentó, lau méñeguchungili lan laruni weyu, hati hama waruguma, guentó luagu aniheingua lan dúeri lárigiñe láhuyun huya.3Lachülürüba weyu lun hadadagarun óunigirutiña luban urúei, hudugua hagíame ganigitiña; halouguaduba amulihatiña darime lun mamulihanhaña lan, ha aríaahabaña lídangiñe funedera, hagumeseruba eferidirei harihin.4Danme lachülürün weyu ligía, ladouruba burí bena le ǘmadarugunbei; eberesereina luba liréin amuligülei; haganbagüdübei dunuru hamalali, gama lumoun maganbúnhalime uremu.5Lanufudedúaba luéi íñuni, ñeinbei denchaü ǘmadarugu.
Láharuduba ídiburi, leferidiruba lisemén iyumulugu. Lugundun lídinñame gürigia lidoun lubara le magumuchadibei, ani haganbúba ha ayahubalin lounwen ǘmadarugu.6Haritaguabá luagu Bubungiute guentó lau mátumuragungili lan güringüri lauti pülata, mabouchagun ligía sóudieru lauti golu; guentó lau mabouchagungili lan ágeidinaü laru duna, magünrinchagun ligía ubalabalaü le arariragüdübalin ágeidinaü lun lasagarun duna lídangiñe fusu.7Lárigiñeme lira ábame lagiribudun kaliki lárigoun múarugun, giribu ligíame sífiri lárigoun lun Bungiu le íchugubalin.8Ariñagayatina au le apurichihati: Málati sun katei, málati sun katei! Sun katei málati!9Kei lachuuruntima lau apurichihati, ítara larufudahantima houn gürigia. Aturiahati giñe saragu ariñawagúni, aransehaléi lidan lubudubu.10Áfaaguati lun ladariruni dimurei burí le richabei lun labürühani inarüni burí le.11Hererun burí chu tau ítara liña kei katei gágiriti, le lárigiñebei oundarúaali lan, ítara liña kei wewe charuguti le láchourun ábanrügü amainiruti mudún.12Luéinamun eweridihani lasagarubei gürigia lídangiñe. Súnwandan tadaawaguba lan garudia, ani buchagüdati saragu aturiahani luagu gürigia.13Gumuha yanu. Ariñawagúaali sun katei. Ruba inebesei lun Bungiu, gúnfulibei lugumadin lugundun ligía lunbei hadügüni gürigia.14Laguseragüdübadiwa Bungiu luagu sun le wadügübei dandu le buídubei kei le wuribabei, íbini aramudaguarügü lan wadügei.
Láharuduba ídiburi, leferidiruba lisemén iyumulugu. Lugundun lídinñame gürigia lidoun lubara le magumuchadibei, ani haganbúba ha ayahubalin lounwen ǘmadarugu.6Haritaguabá luagu Bubungiute guentó lau mátumuragungili lan güringüri lauti pülata, mabouchagun ligía sóudieru lauti golu; guentó lau mabouchagungili lan ágeidinaü laru duna, magünrinchagun ligía ubalabalaü le arariragüdübalin ágeidinaü lun lasagarun duna lídangiñe fusu.7Lárigiñeme lira ábame lagiribudun kaliki lárigoun múarugun, giribu ligíame sífiri lárigoun lun Bungiu le íchugubalin.8Ariñagayatina au le apurichihati: Málati sun katei, málati sun katei! Sun katei málati!9Kei lachuuruntima lau apurichihati, ítara larufudahantima houn gürigia. Aturiahati giñe saragu ariñawagúni, aransehaléi lidan lubudubu.10Áfaaguati lun ladariruni dimurei burí le richabei lun labürühani inarüni burí le.11Hererun burí chu tau ítara liña kei katei gágiriti, le lárigiñebei oundarúaali lan, ítara liña kei wewe charuguti le láchourun ábanrügü amainiruti mudún.12Luéinamun eweridihani lasagarubei gürigia lídangiñe. Súnwandan tadaawaguba lan garudia, ani buchagüdati saragu aturiahani luagu gürigia.13Gumuha yanu. Ariñawagúaali sun katei. Ruba inebesei lun Bungiu, gúnfulibei lugumadin lugundun ligía lunbei hadügüni gürigia.14Laguseragüdübadiwa Bungiu luagu sun le wadügübei dandu le buídubei kei le wuribabei, íbini aramudaguarügü lan wadügei.
Bible Society of Honduras