Amosu6
Lagünrinchawagun Ísüraeli
1Fugiabugu ha ménrengubaña ibagari uburugu Sión! Fugiabugu ha chóuruguabaña houngua uburugu Samaria, hábutigu néchanigu ha wéirigutimabaña ha úmounbaña houdin Ísüraelina!2Heiba Kalüné, harihame; ñéingiñeme hídinme Amatü le wéiribei, hararirame uburugun Gatü le hani Filistéana, buídutimatün funagia luéi burí ageiraü ligía? Buídutimati funagia hageira sügǘ lau hageira gürigia hagía?3Máhatün lun hasaminarun luagu dan le wuribabei, gama lumoun hachawahañein larúeihan anarimeni.4Luagu burí haláü le lauti marüfíli habalacha lidan hufedun; hau mudún ñǘbürigiña hama bágasu dibunetiña hadinera;5Win humutu fidu, lagübüri íñaahani; áyeiha humuti Dawidi adaagua uremu ani hínsiñeti hun heremuhani áfareina árüpa,6lidan burí weru wéinamuti hata diwéin, yusu humuti lifinun-agei ibiñein, mebereseguntün lau günringuaü le gádanbalin ageiraü!7Huguyaba furumiñetiña anügǘtiña keisi adaürütiña, ábame lagumuchagun lachagaragun hadinerun.8Fiñuhali Wabureme luougua guánarügü; Wabungiute le Suntigabafu ariñagubalin:«Iyereeguti hapantan lumutuniña Hakobu nun; mínsiñetu burí hani palasiu nun; nederegerubei uburugu houn áganiñu lau sun le lídanbei».9Ánhañati eredera diisi wügüriña tidan aban muna, hóunweguba díisigubei.10Wéiribei lanarimenouga, darime lun danme lan lálugun aban gürigia labuduni aban liduhe le hilaali; lariñaguba lun ábanya liduhe le ñeinti múnada: «Anihein amu gürigia buma ya?» Lariñagame lun, «úati». Lariñagame le furumiñeti: «Maniba, íridadügübiñalin liri Wabureme!»11Ladüga labeichuboun Wabureme muna burí wéinamutu tuma ñǘbüritu, tagünrinchawaguba sunsuinagubei.12Gayaraati funagia hawarirun gabayu luéigiñe dübü? Gayaraati funagia lawouhóun baranaha? Huguya adüga humaali irichaü péisinime, gífigüda humaali lin irichaü!13Huguya, gúndaaguatün le málati hariñaga: «Ragühadiwa ubafu lau were guánarügü».14Ariha humá san buidu, Ísüraelina, lariñahare Wabureme Suntigabafu: «Nóunahaba aban néchani huagun le lunbei líchugun lidere dan hun le gumuti, lúmagiñe luéigiñe nórute darí luagun suru».
Bible Society of Honduras