Amosu3
Lidasin Profeta
1Ísüraelina, aganba huméi le lariñagubei Wabureme houn gürigia ha lasagarubaña Ehiptugiñe:2«Huguyarügüñein nanúadira hádangiñe sun gürigia ubouagu. Ligía naguseragüdübadün lubéi luagu sun wuribani le adüga humaalibei».3Ánhaña éibuga bián gürigia úara, gagundanrügühaña lun ítara luba lan;4anhein adürürüha liñún áraabu, gáliruhalirügü liña; anhein adürüha liraüraü liñún lagadábugiñe dübü, ragühalirügü liña somu katei;5anhein ábürüha aban dunuru múarugun, ñéinñounrügü liña aban sádara, anhoun achubara sádara múarugugiñe, ragüharurügü liña somu katei;6dan le tínwinrun fidu uburugu, hüchütiña gürigia; dan le lasuseredun somu katei wuribati uburugu, Bungiu ígirubei lun lasusereduba lan.7Madügünti Wabureme ni kata masubudiragüdüngalei houn lani profetagu.8Ka madadagarunbei lau anufudei dan le ladürürühan liñún? Ka madimurehanbei lidan liri Wabureme anhein ariñaga lun, lun ladügüni?Lagünrinchawagun uburugu Samaria
9Ariñaga humá tidan burí lani Asüdódu luma tidan burí lani Ehiptu palasiu: «Higougu luagun burí luwübüri Samaria; ariha huméi chagaguaü luma anarimeni le ñeinbei».10Lariñahare Bungiu: «Madügüntiña ni kata lau úaraguni; le katei le híweruhabei lau anarimeni; areida hamuti tidan hani palasiu».11Lariñahare lubeiti Bungiu: «Legeyedagubei aban ágani fulasu lagünrinchagubei buburugute le derebugutimabei ábame lasagarahanu burí bani palasiu».12Lariñahare Wabureme: «Ítara kei lesefurun hóuniri mudún bián ugudi o aban lan lígiri arigei liyumulugugiñe liñún, ítara luba giñe fiúrügübaña lan Ísüraelina ha aganóubaña Samaria esefura, ha abalachubaña luagu burí haláü wéndeburiti le Damasükuna».13Lariñahare Bungiu Suntigabafu: «Aganba humá, ru humá hadurun lumutuniña Hakobu,14ladüga wéyume naguseragüdüni Ísüraeli luagu lifigoun, nagünrinchagubei lani burí Beteli latarü, ladürühóuba liganchun latarü ábame lábürühan múarugun.15Nagünrinchaguboun burí haban to áraabuboun tuma to áüdübuboun nagumuchaguagüdübóun burí muna to wéndeburitu, günringuanóunme tuéinamun palasiu». Aburemei ariñagubalin.Bible Society of Honduras