1 Samueli7
1Ábati houdin lílana Kiriatü-hearimü, aba hanügünu lubagüsina lidaradun Wabureme, aba hebelaagüdünu lúbiñoun Abinadábü, to luáguboun aban wübü; aba hanúadiruni Eleasárü le liráü lun lóunigirunu.
—Anhaün agiribuda lun Wabureme lau sun taruman hanigi, gasu háguruniña búngiugu terencha tuma burí liyawa Asütárüte, huáriua, ábame hederegeragun hungua le gumuti lun Wabureme, lun lúnrügü lan háhuduragua. Ábameti lesefurunün lábugiñegiñe habafu Filistéana.4Aba hachagarunu Ísüraelina liyawa burí Baali tuma liyawa burí Asütárüte hawariua, aba lúnrügü lan Wabureme háhuduragua.5Lárigiñe aba lariñagun Samueli houn:
—Óundara humaña sun Ísüraelina Misüpá, ábame nayumuragun lun Wabureme huagu.6Aba hóundaragun Ísüraelina Misüpá, aba hadaburun duna ñein, aba háturuni kei idewesei lun Wabureme. Aba hayunarun weyu ligía, aba hariñagun ligibugiñe guririguaü luagu afigouhaaña lan ligibugiñe Wabureme. Ñein Misüpá aba liabin Samueli lun ligíaba lan hábuti Ísüraelina.7Danti le hasubudirunbalin Filistéana luagu añahein lan Ísüraelina óundaragu Misüpá, aba houdin hábutigu Filistéana habügürü. Dan le hasubudirunbalin Ísüraelina, aba hanufudedagun saragu,8aba hariñagun lun Samueli:
—Merederalá bayumuragun lun Wabureme le Wabungiute wawagu, lun lesefuruniwa lábugiñegiñe habafu Filistéana.9Aba lanügün Samueli aban mudún dayarügü, aba ladagaragüdüni gudawarügü lun Wabureme; lárigiñe aba layumuragun lun Wabureme luagu lufulesein Ísüraeli, aba lóunabuni Wabureme.10Lídanbei buga aniha lan Samueli eseriwidei adagaragüdüni le gudawarügüti, ligía hawanserun Filistéana lun hábürühan hawagun Ísüraelina; ábati lóunahan Wabureme aban lanarime wayuhuru hawagun, aba hanufudedagun, ítara liña hagañeiruni Ísüraelina wuribu.11Aba háfuridun Ísüraelina furese Misüpágiñe aba houdin hárigi Filistéana, aba hábürühan hawagun chülǘ ǘnabumeme luéi Betü-karü.12Lárigiñe aba lanügün Samueli aban dübü, aba ladagaragüdüni labadinagua Misüpá luma Sen, aba líchuguni Ebenesérü lírime, lariñaga:
—Íderagua láadiwa Bungiu darí guentó.13Aba heferidiruni Filistéana wuribu, aba mebeludigiaaña lan hamúanrugun Ísüraelina; ani sun lawinwandun Samueli, kóntürañein Filistéana Bungiu.14Uburugu burí le buga hanügübei Filistéana hawéi Ísüraelina lúmagiñe Ekürón darí Gatü, aba lagiribudun lárigoun houn Ísüraelina. Ítara liña hesefuruni Ísüraelina hamúan lábugiñegiñe habafu Filistéana, aba ñein lan darangilaü hadan Ísüraelina hama Amoruna.15Rédeiti Samueli hábutime Ísüraelina sun libagari,16ságüha irumu lidin Beteli, Gilügáli luma Misüpá lun letenirun lun hawaguti Ísüraelina lidan sun burí fulasu le.17Lárigiñe ábaha lagiribudun lun Ramáun le ñein lubéi laganawa, ábaha lalidihaniña Ísüraelina lúmagiñe ñéingiñe. Adügati giñe aban latarü lun Wabureme ñein.
Lagabutihan Samueli Ísüraeli
2Sügüti wein irumu lúmagiñe tichugún bágüsi Kiriatü-hearimü, añahati sun Ísüraelina áluahei Wabureme tau sun hanigi.3Ligíati lariñagunbei Samueli houn Ísüraelina:—Anhaün agiribuda lun Wabureme lau sun taruman hanigi, gasu háguruniña búngiugu terencha tuma burí liyawa Asütárüte, huáriua, ábame hederegeragun hungua le gumuti lun Wabureme, lun lúnrügü lan háhuduragua. Ábameti lesefurunün lábugiñegiñe habafu Filistéana.4Aba hachagarunu Ísüraelina liyawa burí Baali tuma liyawa burí Asütárüte hawariua, aba lúnrügü lan Wabureme háhuduragua.5Lárigiñe aba lariñagun Samueli houn:
—Óundara humaña sun Ísüraelina Misüpá, ábame nayumuragun lun Wabureme huagu.6Aba hóundaragun Ísüraelina Misüpá, aba hadaburun duna ñein, aba háturuni kei idewesei lun Wabureme. Aba hayunarun weyu ligía, aba hariñagun ligibugiñe guririguaü luagu afigouhaaña lan ligibugiñe Wabureme. Ñein Misüpá aba liabin Samueli lun ligíaba lan hábuti Ísüraelina.7Danti le hasubudirunbalin Filistéana luagu añahein lan Ísüraelina óundaragu Misüpá, aba houdin hábutigu Filistéana habügürü. Dan le hasubudirunbalin Ísüraelina, aba hanufudedagun saragu,8aba hariñagun lun Samueli:
—Merederalá bayumuragun lun Wabureme le Wabungiute wawagu, lun lesefuruniwa lábugiñegiñe habafu Filistéana.9Aba lanügün Samueli aban mudún dayarügü, aba ladagaragüdüni gudawarügü lun Wabureme; lárigiñe aba layumuragun lun Wabureme luagu lufulesein Ísüraeli, aba lóunabuni Wabureme.10Lídanbei buga aniha lan Samueli eseriwidei adagaragüdüni le gudawarügüti, ligía hawanserun Filistéana lun hábürühan hawagun Ísüraelina; ábati lóunahan Wabureme aban lanarime wayuhuru hawagun, aba hanufudedagun, ítara liña hagañeiruni Ísüraelina wuribu.11Aba háfuridun Ísüraelina furese Misüpágiñe aba houdin hárigi Filistéana, aba hábürühan hawagun chülǘ ǘnabumeme luéi Betü-karü.12Lárigiñe aba lanügün Samueli aban dübü, aba ladagaragüdüni labadinagua Misüpá luma Sen, aba líchuguni Ebenesérü lírime, lariñaga:
—Íderagua láadiwa Bungiu darí guentó.13Aba heferidiruni Filistéana wuribu, aba mebeludigiaaña lan hamúanrugun Ísüraelina; ani sun lawinwandun Samueli, kóntürañein Filistéana Bungiu.14Uburugu burí le buga hanügübei Filistéana hawéi Ísüraelina lúmagiñe Ekürón darí Gatü, aba lagiribudun lárigoun houn Ísüraelina. Ítara liña hesefuruni Ísüraelina hamúan lábugiñegiñe habafu Filistéana, aba ñein lan darangilaü hadan Ísüraelina hama Amoruna.15Rédeiti Samueli hábutime Ísüraelina sun libagari,16ságüha irumu lidin Beteli, Gilügáli luma Misüpá lun letenirun lun hawaguti Ísüraelina lidan sun burí fulasu le.17Lárigiñe ábaha lagiribudun lun Ramáun le ñein lubéi laganawa, ábaha lalidihaniña Ísüraelina lúmagiñe ñéingiñe. Adügati giñe aban latarü lun Wabureme ñein.
Bible Society of Honduras