1 Samueli5
Bágüsi lidan hamúan Filistéana
1Lárigiñe hárügüdünu Filistéana lubagüsina lidaradun Wabungiute, aba hanügünu Ebenesérügiñe lun uburugun Asüdódu;2lárigiñe aba hebelaagüdünu tidoun litenpulun bungiu Dagón, aba híchugunu lóubagiñe.3Larugan binaafin, dan le hayabin Asüdóduna, aba hadariruni Dagón múarugu turugabu lubagüsina lidaradun Wabungiute. Ábati habuduni Dagón, ábaya híchuguni lidoun lubara.4Gama lumoun danya le hayabin larugan binaafin, ábaya hadariruni Dagón múarugu turugabu lubagüsina lidaradun Wabungiute. Bóuguaali lábulugu, halagua biángubei larüna, ñeinñein lábulugu luma biángubei larüna bénabu. Lúguburügüñein eredera dayarügü.5Ligía lébubei dan lan le hebelurun lufadirinigu Dagón ténpulurugun Asüdódu hudeguarügütiña lau beenebu, le ñein lubéi buga ladarirúa lábulugu Dagón luma larüna.6Lárigiñe aba labeichaguniña Wabungiute lílana Asüdódu saragu, aba labuinchagüdüniña lau anufudei lau lasandiragüdüniña lau tumoru.7Danti le harihinbalin lílana Asüdódu katei le, aba hariñagun:—Moun lumuti terederun lubagüsin Lubungiute Ísüraeli wama, lugundun labeichuñadiwa Bungiu le héreti, dandu wagía, kei Dagón le wabungiute.8Aba lubeiti hóunahan ariñaga houn ábutigu Filistéana lun hóundaragun hama, aba hariñagun houn:
—Kaba wadüga tau lubagüsin Lubungiute Ísüraeli?
Hariñaga houn:
—Barǘ humóun uburugun Gatü.
Aba hanügünu Filistéana ñeinhin.9Gama lumoun lárigiñe hanügünu ñeinhin, aba ládarun Wabureme anufudei hadoun lílana uburugu ligía, aba lasandiragüdüniña lau tumoru dandu hawagu wéinamuhaña kei hawagu ñǘbürigiña.10Ábati hanügünu Filistéana bágüsi uburugun Ekürón; gama lumoun dan le tachülürünbei ñeinhin, aba hagúaragun lílana Ekürón:
—Barǘ hamá lubagüsin Lubungiute Ísüraeli wamoun lun háfaraguniwa sun wagía!11Keiti labuinchun uburugu ligía lau anufudei gáfarahati, aba hóunahan hawagu sun ábutigu Filistéana aba hariñagun houn:
—Giribugüda humóun lubagüsin Lubungiute Ísüraeli tárigoun áfaragua liñaliwa sun wagía.12Chülüti hagúarahan lílana uburugu dagá sielun, lugundun ha móunwegunbaña hádangiñe, buin haña lau tumoru.
Bible Society of Honduras