Read 1 Krónikasi 6

1 Krónikasi6

Hiri burí fádirigu lirahüñü Lewí

¹Añahán lirahüñübaña Lewí: Gerüsón, Keatü luma Merarí.

²Lirahüñü Keatü: Amürámü, Isarü, Ebürón luma Usieli.³Lirahüñü Amürámü: Aarón, Moisesi tuma María. Lirahüñü Aarón: Nadabü, Abiú, Eleasárü luma Itamárü.⁴Eleasárü meha lúguchibei Finesi, Finesi lúguchi Awisúa,⁵Awisúa lúguchibei Bukí, Bukí lúguchi Usí.⁶Usí meha lúguchibei Seraíasi, Seraíasi lúguchi Meraiotu,⁷Meraiotu lúguchi Amaríasi, Amaríasi lúguchi Aitubu,⁸Aitubu lúguchi Sadoku, Sadoku lúguchi Aimaasi,⁹Aimaasi lúguchi Asaríasi, Asaríasi lúguchi Hoanán.¹⁰Hoanán lúguchi Asaríasi, le meha fádiri tidan ténpulu to lábunaguboun Salomón uburugu Herusalén.¹¹Asaríasi meha lúguchibei Amaríasi, Amaríasi lúguchi Aitubu.¹²Aitubu lúguchi Sadoku, Sadoku lúguchi Salumu,¹³Salumu lúguchi Ilükíasi, Ilükíasi lúguchi Asaríasi,¹⁴Asaríasi lúguchi Seraíasi, Seraíasi lúguchi Hosadákü.¹⁵Barüwati meha Hosadákü Babilónioun dan le lasagaragüdünbaliña Bungiu Hudaana hama Herusalénna lun Nabukodonosoru hageiragiñe.

Ladügawagun Lewí

¹⁶Añahán meha lirahüñübaña Lewí: Gerüsón, Keatü luma Merarí.

¹⁷Lirahüñü Gerüsón: Libüní luma Simí.

¹⁸Lirahüñü Keatü: Amürámü, Isarü, Ebürón luma Usieli.

¹⁹Lirahüñü Merarí: Malí luma Musí: Hagía meha lirahüñübaña Lewí.

²⁰Ladügawagun Gerüsón: Libüní, Háatü, Simá, Hoá, Idó, Sera luma Heatürái.

²²Ladügawagun Keatü: Aminadábü, Koré, Asirü, Elikaná, Ebiasáfü, Asirü, Táatü, Urieli, Osiasi luma Saulu.

²⁵Lirahüñü Elikaná: Amasái luma Aimotu. Ladügawagun Aimotu: Elikaná, Sofái, Naatü, Eliabü, Heroamü luma Elikaná

²⁸Lirahüñü Samueli: Wasüní le íbugañaü luma Awíasi.

²⁹Ladügawagun Merarí: Malí, Libüní, Simí, Usá, Simá Agiasi luma Asaíasi.

Eremuhatiña ha lanúadirubaña Dawidi tun ténpulu

³¹Añahán eremuhatiña ha líchugubaña Dawidi lun harihin lau uremu litenpulunrugu Bungiu lúmagiñe tichugún lubagüsina daradu ñeinhin.³²Eremuhatiña meha tigibugiñe kianpu lánina óundaruni luma Bungiu darí lábunagunu Salomón ténpulu lun Bungiu uburugu Herusalén, lárigiñe aba hasigirun eseriwida ñein kei súnwandan.

³³Ha meha ñéinbaña hau hasaanigu: Hádangiñe ladügawagun Keatü: Emán, le meha liráü Hoeli, le liráü Samueli,³⁴le liráü Heroamü, le liráü Elieli, le liráü Toa,³⁵le liráü Sufu, le liráü Elikaná, le liráü Maatü, le liráü Amasái,³⁶le liráü Elikaná, le liráü Hoeli, le liráü Asaríasi, le liráü Sofoníasi,³⁷le liráü Táatü, le liráü Asirü, le liráü Ebiasáfü, le liráü Koré,³⁸le liráü Isarü, le liráü Keatü, le liráü Lewí le liráü Hakobu.

³⁹Luéigiñeñein meha lóunwenren Enán Asafü le liduhe, le liráü Berekíasi, le liráü Simá,⁴⁰le liráü Mikaeli, le liráü Baseíasi, le liráü Malükíasi,⁴¹le liráü Etüní, le liráü Sera, le liráü Adaíasi,⁴²le liráü Etán, le liráü Simá, le liráü Simí⁴³le liráü Háatü, le liráü Gerüsón, le liráü Lewí.

⁴⁴Luéigiñe lubaünan Emán, ñeinñein meha liduhe le hádangiñebei ladügawagun Merarí, le Etán, le liráü Kisí, le liráü Abüdí, le liráü Maluku,⁴⁵le liráü Asawíasi, le liráü Amasíasi, le liráü Ilükíasi,⁴⁶le liráü Amüsí, le liráü Baní, le liráü Sémerü,⁴⁷le liráü Malí, le liráü Musí, le liráü Merarí, le liráü Lewí.

⁴⁸Ha híbiri haduheñu, ha ladügawagun Lewí, hagía erederubaña ariha lau sun le lunbei ladügǘn tidan litenpulun Bungiu.⁴⁹Aarón hama ladügawagun hagía meha águdahabalin idewesei ligibuagu latarü le lánina adagaragüdüni gudawarügüti luma le lánina kupali. Hagía giñe arihubaña lau sun eseriwiduni le adügǘbei lidan fulasu le sándutimabei ténpulurugu, luma lun hibihini ferudun luagu burí hafigoun lílana Ísüraeli, kei meha lariñaguni Moisesi le lubúein Bungiu.

Ladügawagun Aarón

⁵⁰Añahán ladügawagun Aarón: Eleasárü, Finesi, Awisúa, Bukí, Usí, Seraíasi, Meraiotu, Amaríasi, Aitubu, Sadoku luma Aimaasi.

Haburugute Lewitagu

⁵⁴Anihán burí fulasu le ñein lubéi haganawa ladügawagun Aarón. Houn Keátüna latokara ubunuruni:⁵⁵Ebürón lóubawagu Hudá lau sun láraabute lun hagüriahóuniwa ibiñanigu.⁵⁶Lun Kalebü le liráü Hefuné lichugúa láraabute uburugu lau sun lirahüñü aüdü le ñeinbei.⁵⁷Houn ladügawagun Aarón lichugúa Ebürón, uburugu aramudaguagülei luma burí lirahüñü aüdü le lani Libüná, Hatirü, Ésütemoa,⁵⁸Ilén, Debirü, Asán, luma Betü-sémesi, súngubei lau fulasu lun hagüriahóuniwa ibiñanigu.⁶⁰Rútiña giñe burí uburugu le hani lani Benhamín türibu houn: Geba, Alemetü luma Anatótu súngubei lau fulasu lun hagüriahóuniwa ibiñanigu. Tareisiñein lubeiti uburugu atokaruti houn liduheñu Aarón.

⁶¹Houn ha híbiri liduheñu Keatü, tokati diisi uburugu le hani hamidan lani Manasési türibu,⁶²houn ladügawagun Gerüsón según hibe haduheñu rúati tareisi uburugu le hani lani Isakárü türibu, Aserü, luma Nefütalí luma lídangiñe lani Manasési türibu ha buga aganóubaña Basán.

⁶³Houn ladügawagun Merarí según hibe haduheñu, tokati duusu uburugu houn lídangiñe türibu ha lani Rubén, Gadü luma Sabulón.

⁶⁴Ru hamuti Ísüraelina uburugu burí le lau burí fulasu lun hagüriahóuniwa ibiñanigu houn ladügawagun Lewí.⁶⁵Hádangiñe türibugu ha lani Hudá, Simeón luma Benhamín, rúati burí uburugu le iridúaalibei.⁶⁶Houn hádangiñe haduheñu Keátüna, rúati burí uburugu houn lídangiñe haburugute lani Éfürain türibu.⁶⁷Rúati giñe Sikemü, uburugu aramudaguagülei le luágubei burí luwübüri Éfürain houn lau sun lufulasuna lun hagüriahóuniwa ibiñanigu, lumagiñe Géserü,⁶⁸Hokumeámü, Betü-orón, Ayalón luma Gatü-rimón súngubei lau lufulasuna lun hagüriahóuniwa ibiñanigu.

⁷⁰Houn ha híbiri Keátüna, rúati uburugu Anerü luma Bileamü, le meha hani hamidan lani Manasési türibu lau lufulasuna lun hagüriahóuniwa ibiñanigu.

⁷¹Houn ladügawagun Gerüsón según hibe haduheñu, rúati uburugu Golán le Basanbei luma luburugute Asütarótu, le meha hani hamidan lani Manasési türibu lau lufulasuna lun hagüriahóuniwa ibiñanigu.⁷²Rúati giñe hádangiñe lani Isakárü türibu, Kedesi, Dawerátü, Ramotu luma Anemü houn, kada aban lau lufulasuna lun hagüriahóuniwa ibiñanigu.⁷⁴Lídangiñe haburugute lani Aserü türibu, rúati Masali houn, Abüdón, Ukoku luma Reobu, kada aban lau lufulasuna lun hagüriahóuniwa ibiñanigu.⁷⁶Lídangiñe lani Nefütalí türibu, rúati Kedesi le lani Galiléa houn, Amón luma Kiriataimü, kada aban lau lufulasuna lun hagüriahóuniwa ibiñanigu.

⁷⁷Houn híbiri ladügawagun Merarí, rúati Houn lídangiñe haburugute lani Sabulón Türibu: Rimón luma Taworu, kada aban lau lufulasuna lun hagüriahóuniwa ibiñanigu;⁷⁸houn lani Rubén türibu, luéigiñe oubaü le ñéingiñe lubéi laboucha weyu libiti Hordán ligibugiñe Herikó, rúati Béserü, le lídanbei fulasu mageirawati, Haasü, Kademótu luma Mefatü, kada aban lau lufulasuna lun hagüriahóuniwa ibiñanigu;⁸⁰lídangiñe lani Gadü türibu, rúati Ramotu le lani Galaadü houn, Manaímü, Esübón, luma Aserü.

Bible Society of Honduras

https://app.library.bible/content/f187d7f7786a7cd1