2 Kɔlɛŋ1
1Ŋwɔʼnə-ɔ̄ŋ nɔ lɔ̀ hə kəghɔ-Bɔɔ ndə Nyii nɔ kə séʼ ɔ ndə ŋkʉʉnə tʉʉ-i, ndə məbɛ lɔntəŋ-Klai Jiso, leʼnə liŋ-yʉʼʉ Timɔti.
Mɔ nɔ tʉʼ nyɔ̀ʼ tʉ chɔshi-Nyii ndə i bɛ Kɔlɛŋ, ghɔŋbə bʉə-Nyii bənchəŋ ndə bɔ̂ŋ bɛ mu Akia inchəŋ.2Tə Nyii Tie-yʉʼʉ ghɔŋbə Tiekətʉ-yʉʼʉ Jiso Klai dʉ̀ʼ buuŋjyu tʉ bii ghɔŋbə fyiighʉ́ənə.3B̈ʉʼʉ lə̀ʼtə Nyii, mbʉ Tie-Tiekətʉ-yʉʼʉ Jiso Klai, T̃ie ndə ɔ dʉ̀ʼ tʉvyiikə bɔŋleʼ yá fyii-bʉə ndə nubə inchəŋ.4Ɔ̃ nɔ yá fyiihə-ʉʼʉ mu ntɛ-ŋgʉəʼ-hə inchəŋ mbɔ bʉʼʉ chʉʼ leʼ yá fyii-bəbɛʼbʉə-hə ndə bɔ̂ŋ bɛ mu ntɛ ŋgʉəʼ təmiyɔŋ, nə ntɛ məyá-fyii ndə Nyii yá fyiihə-ʉʼʉ ghɔ nə yɔŋ.5Haʼ ndə bʉʼʉ tʉʼ tíŋ hə mu ŋgʉəʼ yɔ́ŋyɔ́ŋ ndə Jiso Klai kə tíŋ hə muŋgɔ, nɔ bɛ haʼ nɔ ndə Nyii bu yá fyiihə-ʉʼʉ yɔ́ŋyɔ́ŋ tíŋ hə bɔ̌ŋ Klai ghɔ.6Kaʼ baʼa kə́ nyíɛ ŋgʉəʼ nduɔ, i nɔ bɛ ndə mədùʼ jyujyu-yii bɔŋleʼ bɛ ndə məkwáa bii, bʉʼka ndʉʉ ndə baʼa dùʼ jyujyu, baʼa leʼ chìi bii dùʼ jyujyu ghɔ i bɔŋleʼ kɔ́ ghʉəʼkə tʉ bii ndə məyá fyii lyʉ̀ʉtə́nə ndə mətíŋ hə mu ntɛ ŋgʉəʼ ndə baʼa tʉʼ nyíɛ ghɔ.7Baʼa nɔ kie fyii shʉ́əshʉ́ə ndəŋ bii bʉʼka baʼa nɔ kínə mbɔ ndə bii tʉʼ nyíɛ ntɛ ŋgʉəʼ haʼ ndə baʼa tʉʼ nyíɛ, bə bu yá fyiihə-ii ghɔ haʼ ndə bə nɔʼ yá yaʼ-yə.8Bəliŋ-baʼa, baʼa nɔ tʉʼ kʉ́ʉ shyíi bii nə ntɛ ŋgʉəʼ ndə baʼa kə nyíɛ mu Esia. Bʉʼka bə nɔ kə kóʼhə bɛʼkwɛʼtəŋkə liɛŋ-baʼa ndə i kə dìe daa tə chàa ghʉəʼkə-aʼ tʉ baʼa chɔ́ʼ məchímbi mɛ̀ʼ.9Kɛŋ ndə shʉəŋ, baʼa kə́ kwɔ̀ʼtə mbɔ baʼa nɔʼ kwú. Yɔ̄ŋ-yə nɔ kə bɛ ndə məchìi mbɔ baʼa mə kie fyii ndəŋ ŋwɔŋ-yaʼ fɛ, bɔŋ mbɔ b̈aʼa kie fyii ndəŋ Nyii ndə ɔ̃ bʉ̀nə kóʼhə bʉə ndə bɔ̂ŋ nɔʼ kə kwútə.10Ɔ nɔ kə fí tʉkə-aʼ ndə chu-kwú shʉ́əshʉ́ə maa-ɔ̄ŋ, ɔ bu kə́ bìʼ fí tʉkə-aʼ. Baʼa nɔ yʉ́əʼnə ndəŋ ɔŋ mbɔ ɔ bɔŋ bu bìʼ fí tʉkə-aʼ.11B̈ii tùo kwáa baʼa ndə məgháaNyii tʉ baʼa, kə mbɔ bʉə buŋmbi bu kə́ kɔ́ ndɔ tʉ Nyii yie-baʼa bʉʼka biʼbə ndə Nyii nɔʼ kɔ́ tʉ baʼa ndə bʉə buŋmbi tʉʼ gháaNyii.12Bəkɔ baʼa kwə́ʼ nə ŋaʼtəkə ghɔŋbə ŋkwɔʼtə tʉ́ʉnə mbɔ baʼa nɔ kə́ yúnə baʼabə wotəmiyɔŋ leʼnə mbəŋ-yii, nə shʉəŋ təmə kə́ làhə shʉ fɛ. Baʼa nɔ kə fɔ̀ʼ yɔ̄ŋ-yə bə nə buuŋjyu-Nyii kaa nə yaʼ-yə ndaa-kəwʉʉnəmbi fɛ.13Bʉʼka baʼa tʉʼ nyɔ̀ʼ nu-kədɔŋ-kə tʉ bii tə tíŋ yi-yə ndə bii tʉʼ tíi bɔŋleʼ kínə fɛ. Mɔ nɔ tʉʼ kwɔ̀ʼtə mbɔ bii bu kɛŋ kínə inchəŋ,14haʼ ndə bii nɔʼ kínə baʼa məniʼ mbɔ kʉ̂ʉ yi bɛ ndə Chî-Jiso-Tiekətʉ-yʉʼʉ-kə nɔ, bəkɔ bii ŋàʼtə te nə baʼa haʼ ndə baʼa bu kə́ ŋàʼtə te nə bii.15Bʉʼka fyii-ɔ nɔ kə bɛ shʉ́əshʉ́ə mbɔ bii nɔ kə kínə nubə-ɔ̄ŋ inchəŋ ndə i kə chìi mɔ shʉ̀tə mu fyii-mɔ ndə mə-fəŋ-gwè mətòʼ tʉ bii mbɔ bii chʉʼ kie biʼbə vɛʼ bûu.16Mɔ nɔ kə kə́ kʉ́ʉ ndə məgwè mətòʼ tʉ bii ndʉʉ ndə mɔ tʉʼ gɛ̀ Masɛdonia, bʉnəleʼ bìʼ gwè mətòʼ tʉ bii ndʉʉ ndə mɔ tʉʼ bʉ̀nə hə chɔ, mbɔ bii chʉʼ kwáa mɔ ndə məgɛ̀ Judia.17Bii kə kwɔ̀ʼtə mbɔ mɔ kə kwɔnəkwɔnə shʉ̀tə nubə mɛ? Bii kə kwɔ̀ʼtə mbɔ mɔ kə bɛ nə bʉə-kəwʉʉnəmbi ndə bɔ̂ŋ ghɔ̀ŋ mbɔ, “Əŋ” i bɔŋ kə bɛ mu fyii-bɔŋ mbɔ, “Mbee” mɛ?18Ndə Nyii leʼ bɛ wo-shʉəŋ, ŋgiebə-aʼ tʉ bii mə kə́ gɛ̀ nə shʉbə bʉ̀nə nə bɔ̌ŋ, bɛ “Əŋ” ghɔŋbə “Mbee” fɛ.19Bʉʼka VaaNyii, Jiso Klai ndə baʼa kə́ lɔ̀ʼ te ɔ tʉ bii, mbəŋ-ɔŋ, Sabanu leʼnə Timɔti, kə bɛ “Əŋ” ghɔŋ “Mbee” fɛ, ɔ nɔ bɛ haʼ “Əŋ” gɛ̀gɛ̀.20Bʉʼka nubə inchəŋ ndə Nyii kɔ̀ʼnə, nɔ bɛ “Əŋ” bʉʼka ɔ. Nɔ chìi yɔŋ, tíŋ hə bɔ̌ŋ ɔŋ, bʉʼʉ kə́ gìe tʉ Nyii mbɔ, “Ï bɛ haʼ nɔ” ndə məkɔ́ məgʉ́ə tʉ Nyii.21Nɔ bɛ Nyii ndə ɔ chìi bʉʼʉ mɔʼɔ tə́nə shʉ́əshʉ́ə mu Klai, bɔŋleʼ bɛ ɔ ndə ɔ kə kùŋ bʉʼʉ.22Ɔ bɔŋleʼ kə mɔ̀ʼ cheʼkə-i ghɔ ndəŋ bʉʼʉ, kɔ́ Lyʉʉhəkə-i mu fyii bʉʼʉ ndə mədʉ̀ʼ mbɔ nubə inchəŋ ndə ɔ kə kɔ̀ʼnə tʉ bʉʼʉ, ɔ bu fɔ̀ʼ.23Mɔ nɔ lʉ̀ Nyii ndə wo ndə ɔ bu nú gwù ɔ mbɔ mɔ nɔ tʉʼ gìe shʉəŋ tʉ bii. Luu ndə mɔ kə gòʼ təmə bʉ̀nə gwè Kɔlɛŋ fɛ, nɔ bɛ bʉʼka mɔ kə kʉ̀ʉ ndə məgwè kɔ́ ŋgʉəʼ tʉ bii fɛ.24Bɔŋ yɔ̄ŋ-yə kaa mbɔ baʼa kie ndə məgwè kə́ bʉ́bʉ́ tʉ bii te ntɛ ndə bii kie ndə məmɔʼfyiihə-ii ndəŋ Nyii fɛ. Baʼa nɔ kə gwè mbɔ bʉʼʉ chʉʼ fɔ̀ʼ mɔʼɔ ndə tʉʉjyu-yii, bʉʼka mɔ̀ʼfyiihə-ii ndəŋ Nyii nɔ shʉ́ə.
Mɔ nɔ tʉʼ nyɔ̀ʼ tʉ chɔshi-Nyii ndə i bɛ Kɔlɛŋ, ghɔŋbə bʉə-Nyii bənchəŋ ndə bɔ̂ŋ bɛ mu Akia inchəŋ.2Tə Nyii Tie-yʉʼʉ ghɔŋbə Tiekətʉ-yʉʼʉ Jiso Klai dʉ̀ʼ buuŋjyu tʉ bii ghɔŋbə fyiighʉ́ənə.3B̈ʉʼʉ lə̀ʼtə Nyii, mbʉ Tie-Tiekətʉ-yʉʼʉ Jiso Klai, T̃ie ndə ɔ dʉ̀ʼ tʉvyiikə bɔŋleʼ yá fyii-bʉə ndə nubə inchəŋ.4Ɔ̃ nɔ yá fyiihə-ʉʼʉ mu ntɛ-ŋgʉəʼ-hə inchəŋ mbɔ bʉʼʉ chʉʼ leʼ yá fyii-bəbɛʼbʉə-hə ndə bɔ̂ŋ bɛ mu ntɛ ŋgʉəʼ təmiyɔŋ, nə ntɛ məyá-fyii ndə Nyii yá fyiihə-ʉʼʉ ghɔ nə yɔŋ.5Haʼ ndə bʉʼʉ tʉʼ tíŋ hə mu ŋgʉəʼ yɔ́ŋyɔ́ŋ ndə Jiso Klai kə tíŋ hə muŋgɔ, nɔ bɛ haʼ nɔ ndə Nyii bu yá fyiihə-ʉʼʉ yɔ́ŋyɔ́ŋ tíŋ hə bɔ̌ŋ Klai ghɔ.6Kaʼ baʼa kə́ nyíɛ ŋgʉəʼ nduɔ, i nɔ bɛ ndə mədùʼ jyujyu-yii bɔŋleʼ bɛ ndə məkwáa bii, bʉʼka ndʉʉ ndə baʼa dùʼ jyujyu, baʼa leʼ chìi bii dùʼ jyujyu ghɔ i bɔŋleʼ kɔ́ ghʉəʼkə tʉ bii ndə məyá fyii lyʉ̀ʉtə́nə ndə mətíŋ hə mu ntɛ ŋgʉəʼ ndə baʼa tʉʼ nyíɛ ghɔ.7Baʼa nɔ kie fyii shʉ́əshʉ́ə ndəŋ bii bʉʼka baʼa nɔ kínə mbɔ ndə bii tʉʼ nyíɛ ntɛ ŋgʉəʼ haʼ ndə baʼa tʉʼ nyíɛ, bə bu yá fyiihə-ii ghɔ haʼ ndə bə nɔʼ yá yaʼ-yə.8Bəliŋ-baʼa, baʼa nɔ tʉʼ kʉ́ʉ shyíi bii nə ntɛ ŋgʉəʼ ndə baʼa kə nyíɛ mu Esia. Bʉʼka bə nɔ kə kóʼhə bɛʼkwɛʼtəŋkə liɛŋ-baʼa ndə i kə dìe daa tə chàa ghʉəʼkə-aʼ tʉ baʼa chɔ́ʼ məchímbi mɛ̀ʼ.9Kɛŋ ndə shʉəŋ, baʼa kə́ kwɔ̀ʼtə mbɔ baʼa nɔʼ kwú. Yɔ̄ŋ-yə nɔ kə bɛ ndə məchìi mbɔ baʼa mə kie fyii ndəŋ ŋwɔŋ-yaʼ fɛ, bɔŋ mbɔ b̈aʼa kie fyii ndəŋ Nyii ndə ɔ̃ bʉ̀nə kóʼhə bʉə ndə bɔ̂ŋ nɔʼ kə kwútə.10Ɔ nɔ kə fí tʉkə-aʼ ndə chu-kwú shʉ́əshʉ́ə maa-ɔ̄ŋ, ɔ bu kə́ bìʼ fí tʉkə-aʼ. Baʼa nɔ yʉ́əʼnə ndəŋ ɔŋ mbɔ ɔ bɔŋ bu bìʼ fí tʉkə-aʼ.11B̈ii tùo kwáa baʼa ndə məgháaNyii tʉ baʼa, kə mbɔ bʉə buŋmbi bu kə́ kɔ́ ndɔ tʉ Nyii yie-baʼa bʉʼka biʼbə ndə Nyii nɔʼ kɔ́ tʉ baʼa ndə bʉə buŋmbi tʉʼ gháaNyii.12Bəkɔ baʼa kwə́ʼ nə ŋaʼtəkə ghɔŋbə ŋkwɔʼtə tʉ́ʉnə mbɔ baʼa nɔ kə́ yúnə baʼabə wotəmiyɔŋ leʼnə mbəŋ-yii, nə shʉəŋ təmə kə́ làhə shʉ fɛ. Baʼa nɔ kə fɔ̀ʼ yɔ̄ŋ-yə bə nə buuŋjyu-Nyii kaa nə yaʼ-yə ndaa-kəwʉʉnəmbi fɛ.13Bʉʼka baʼa tʉʼ nyɔ̀ʼ nu-kədɔŋ-kə tʉ bii tə tíŋ yi-yə ndə bii tʉʼ tíi bɔŋleʼ kínə fɛ. Mɔ nɔ tʉʼ kwɔ̀ʼtə mbɔ bii bu kɛŋ kínə inchəŋ,14haʼ ndə bii nɔʼ kínə baʼa məniʼ mbɔ kʉ̂ʉ yi bɛ ndə Chî-Jiso-Tiekətʉ-yʉʼʉ-kə nɔ, bəkɔ bii ŋàʼtə te nə baʼa haʼ ndə baʼa bu kə́ ŋàʼtə te nə bii.15Bʉʼka fyii-ɔ nɔ kə bɛ shʉ́əshʉ́ə mbɔ bii nɔ kə kínə nubə-ɔ̄ŋ inchəŋ ndə i kə chìi mɔ shʉ̀tə mu fyii-mɔ ndə mə-fəŋ-gwè mətòʼ tʉ bii mbɔ bii chʉʼ kie biʼbə vɛʼ bûu.16Mɔ nɔ kə kə́ kʉ́ʉ ndə məgwè mətòʼ tʉ bii ndʉʉ ndə mɔ tʉʼ gɛ̀ Masɛdonia, bʉnəleʼ bìʼ gwè mətòʼ tʉ bii ndʉʉ ndə mɔ tʉʼ bʉ̀nə hə chɔ, mbɔ bii chʉʼ kwáa mɔ ndə məgɛ̀ Judia.17Bii kə kwɔ̀ʼtə mbɔ mɔ kə kwɔnəkwɔnə shʉ̀tə nubə mɛ? Bii kə kwɔ̀ʼtə mbɔ mɔ kə bɛ nə bʉə-kəwʉʉnəmbi ndə bɔ̂ŋ ghɔ̀ŋ mbɔ, “Əŋ” i bɔŋ kə bɛ mu fyii-bɔŋ mbɔ, “Mbee” mɛ?18Ndə Nyii leʼ bɛ wo-shʉəŋ, ŋgiebə-aʼ tʉ bii mə kə́ gɛ̀ nə shʉbə bʉ̀nə nə bɔ̌ŋ, bɛ “Əŋ” ghɔŋbə “Mbee” fɛ.19Bʉʼka VaaNyii, Jiso Klai ndə baʼa kə́ lɔ̀ʼ te ɔ tʉ bii, mbəŋ-ɔŋ, Sabanu leʼnə Timɔti, kə bɛ “Əŋ” ghɔŋ “Mbee” fɛ, ɔ nɔ bɛ haʼ “Əŋ” gɛ̀gɛ̀.20Bʉʼka nubə inchəŋ ndə Nyii kɔ̀ʼnə, nɔ bɛ “Əŋ” bʉʼka ɔ. Nɔ chìi yɔŋ, tíŋ hə bɔ̌ŋ ɔŋ, bʉʼʉ kə́ gìe tʉ Nyii mbɔ, “Ï bɛ haʼ nɔ” ndə məkɔ́ məgʉ́ə tʉ Nyii.21Nɔ bɛ Nyii ndə ɔ chìi bʉʼʉ mɔʼɔ tə́nə shʉ́əshʉ́ə mu Klai, bɔŋleʼ bɛ ɔ ndə ɔ kə kùŋ bʉʼʉ.22Ɔ bɔŋleʼ kə mɔ̀ʼ cheʼkə-i ghɔ ndəŋ bʉʼʉ, kɔ́ Lyʉʉhəkə-i mu fyii bʉʼʉ ndə mədʉ̀ʼ mbɔ nubə inchəŋ ndə ɔ kə kɔ̀ʼnə tʉ bʉʼʉ, ɔ bu fɔ̀ʼ.23Mɔ nɔ lʉ̀ Nyii ndə wo ndə ɔ bu nú gwù ɔ mbɔ mɔ nɔ tʉʼ gìe shʉəŋ tʉ bii. Luu ndə mɔ kə gòʼ təmə bʉ̀nə gwè Kɔlɛŋ fɛ, nɔ bɛ bʉʼka mɔ kə kʉ̀ʉ ndə məgwè kɔ́ ŋgʉəʼ tʉ bii fɛ.24Bɔŋ yɔ̄ŋ-yə kaa mbɔ baʼa kie ndə məgwè kə́ bʉ́bʉ́ tʉ bii te ntɛ ndə bii kie ndə məmɔʼfyiihə-ii ndəŋ Nyii fɛ. Baʼa nɔ kə gwè mbɔ bʉʼʉ chʉʼ fɔ̀ʼ mɔʼɔ ndə tʉʉjyu-yii, bʉʼka mɔ̀ʼfyiihə-ii ndəŋ Nyii nɔ shʉ́ə.
Wycliffe Bible Translators, Inc.