লূক22
1সোডা হৗয়ি ফাসকা হৗন্নায় সিঠাওনি ফরবমা খাঠিছৈ মৗন। 2বেবাদিনৗ গাহায় যাজকফৗর আরৗ আইন গুরুফ্রা যীশুখৌ সিথাৎনৗ খাইদা নাইগিৎবায়দৗংমৗন। নাথায় বিছৗরৗ মানসিফৗরখৌ গিদৗংমৗন।3আরৗ বেনি উনাও শয়তানা বারোজন ছেলাফৗরনি গেজেরাও ঈষ্করিয়োতীয় যিহুদা মুংখজানায় সাছে ছেলানি গৗসৗয়াও হাববায়4আরৗ বিয়ৗ গাহায় যাজকফৗরনিয়াও আরৗ মন্দির নেগ্রাফৗরনি সান্ত্রিফৗরনেও থাংবায়, আরৗ মাব্রৈহায় বিয়ৗ যীশুখৌ হমনানৈ বিছৗরনি আখাইয়াও গথাইনৗ হানায় বেখৌ বিছৗরজৗং রায়জ্লাইহৈদৗং।5অব্লা বিছৗরৗ খুশি জাদৗং আরৗ বিনৗ টাকা হৗনৗ রাজি জাদৗং।6যিহূদায়া মানিদৗং আরৗ জেব্লাহায় মানসিনি ভিড়য়া থানায় অৗঙা এরইবাদি মৗনছে মৌখা যীশুখৌ বিছৗরনি আখাইয়াও গথাইনানৈ হৗনৗ থাখৈ বিয়ৗ নাগিৎবাইদৗংমৗন।7সোডা হৗয়ি সিঠাওনি ফরবনি দিননা ছৗফৈবায়। জেব্লা বিছৗরৗ ফাসকা ফরবনি মেন্ডা বিসাখৌ বলি হৗয়ৗ।8যীশুআ পিতর আরৗ যোহনখৌ বেবাদি বুংনানৈ থৗনহৎদৗং “থাং, জৗংনি থাখৈ ফাসকা ফরবনি ভোজখৌ জানৗ খৗলামহৈদৗ।”9বিছৗরৗ সৗংদৗং, “নৗংনি থাখৈ ভোজখৌ জৗঙৗ ববেয়াও থাংনানৈ ঠাম ঠিম খৗলামহৈনৗ?”10যীশুআ বুংফিনবায়, “নৗংছৗরৗ নৗগৗরাও হাবহৈব্লা সাছে মানসিখৌ দৈহুয়াও দৈ লানানৈ থাংনায় লৗগৗ মৗনহৈনায়। বিনি উন উন থাংনানৈ যে ন্ব'য়াও বিয়ৗ হাবহৈনায় বি ন্ব'য়াওনৗ হাবহৈ,11আরৗ বি ন্ব'নি বৈগৗমাখৌ বেবাদি বুংহৈদৗ ফৗরৗংগুরুয়া সৗংদৗং, আলাসি খঠ্রায়া ববেহাথৗ জেরৗও আঙৗ আংনি ছেলাফৗরজৗং ফাসকানি ভোজ জানৗ হানায়?12বিয়ৗ নৗংছৗরনৗ গৗজৌ থালায়াও গাছেন সাজাইনান দৗনখানায় মৗনছে গেদেৎ খঠ্রাখৌ দিন্ঠিনায়, বিহানৗ জৗংনি থাখৈ ভোজখৌ ঠাম ঠিম খৗলামদৗ।”13বিছৗরৗ থাংবায় আরৗ থাংনানৈ যীশুনি বুংনায়বাদি গাছেনখৌবৗ মৗনহৈজৗববায়, আরৗ বিছৗরৗ ফাসকা ফরবনি ভোজখৌ বিহানৗ ঠাম ঠিম খৗলামবায়।14জেব্লা সমা ছফৈয়ৗ, অব্লা যীশু আরৗ বিনি প্রেরিতফ্রা লৗগৗছে জানৗ জিরাইদৗং।15আরৗ যীশুআ বিছৗরখৌ হৗন্দৗং, “আং সৈনাংনগৌনি সিগাং, নৗংছৗরজৗং লৗগৗছে ফাসকানি ভোজখৌ জানৗ ইনায়নৗ গৗসৗজাবৗদৗং।16মানৗনা আং নৗংছৗরখৌ বুঙৗ, ঈশ্বৗরনি বে রাইজৗয়াও জাফুংয়াগৌমানি, বে ফাসখানি ভোজখৌ আঙৗ আরবাও জাফিনলে”17বিনি উনাও যীশুআ লৗংগ্রা খুরৈখৌ লানানৈ ঈশ্বৗরখৌ ধন্যবাদ হৗনানৈ হৗনবায়, “বেখৌ নাজাওনানৈ নৗংছৗরনি গেজেরাও রানদৗ।18মানৗনা আঙৗ নৗংছৗরনৗ রাইঠিয়ৗ, জেব্লাসিম ঈশ্বৗরনি রাইজৗয়া ছফৈনায় অৗঙা অব্লাসিম আঙৗ আংগুর ফিথাইনি বিদৈখৌ আরবাও লৗংফিনলে।”19আরৗ বিয়ৗ সিঠাওখৌ লানানৈ ঈশ্বৗরখৌ ধন্যবাদ হৗবায় আরৗ বেখৌ বিছিনান বিছৗরনৗ হৗনানৈ হৗনবায়, “বেনৗ আংনি মৗদৗম, নৗংছৗরনি থাখৈ হৗনায় জাবায়, আংখৌ গৗসৗখাংনৗ থাখৈ বেখৌ খৗলামদৗ।”20আরৗ জাখাংনায়নি উনাও বিয়ৗ বেবাদিনৗ খুরৈখৌ লানানৈ হৗনবায়, “বে খুরৈয়া আংনি থৈনি গৗদান চুক্তি, আংনি বে থৈখৌ নৗংছৗরনি থাখৈ বৗহৈহৗয়া জাবায়।21নাথায় নায়! জাইয়া আংখৌ হমহৗনানৈ হৗনায়, বিনি আখাইয়া আংজৗং লৗগৗছে টেবলনি ছায়াও দং।22ফছংজাখানায়বাদি মানসিনি বিসাহৌয়াহা থৈথারনাংনায়, নাথায় ধিক্কার বে মানসিহা জাইয়া বিখৌ হমহৗনায়!”23অব্লা ছেলাফ্রা গাওজৗং গাও প্রশ্ন খৗছামজেনদৗং গাওছৗরনি গেজেরাও ছৗর বে খামানিখৌ মাওনৗ হাগৌ হৗন্নানৈ সৗংজৗলাইদৗং।24বিছৗরনি গেজেরাও ছৗর দেৎসিন হৗন্নানৈ বিছৗরৗ নিয়াইহৗজ্লায়নৗ হমবায়।25যীশুআ বিছৗরখৌ হৗন্দৗং, “গুবুনহারিফৗরনি রাজাফ্রা গাওছৗরনি রায়তফৗরনি ছায়াও বৈগৗমা জায়ৗ, আরৗ জাইফ্রা বিছৗরনি ছায়াও একথিয়ারখৌ বাহাইয়ৗ, বিছৗরৗ গাওছৗরখৌ হেফাজাব হৗগ্রা বুংখয়ৗ।26নাথায় নৗংছৗরনি গেজেরাও বিবাদি জানৗ নাঙা, নৗংছৗরনি গেজেরাও জাইয়া দেৎসিন, বিয়ৗ বয়নিখুরৈ লৈসিন জাথৗং, আরৗ জাইয়া দৈদেনগ্রা, বিয়ৗ দাও দাও খৗলামগ্রা জাথৗং।27ছৗর দেৎসিন? জাইয়া ভোজয়াও জানৗ জিরাইয়ৗ, না জাইয়া খুঠনানৈ হৗয়ৗ? জাইয়া ভোজয়াও জিরাইয়ৗ, মা কি বি আঙৗ? নাথায় আং নৗংছৗরনি গেজেরাও সাছে খুঠনানৈ হৗগ্রা বাদি জানানৈ দং।28নৗংছৗরৗ; জাইফ্রা আংনি গাছেন সৈনাংনায়ফৗরাও আংজৗং লৗগৗছে থাফাদৗং।29আংনি আফায়া জেরৈ আংনৗ শাসন খৗলামনৗ রাইজৗ হৗদৗং, আংবৗ বেবাদিনৗ নৗংছৗরনৗ বে রাইজৗখৌ হৗছৈ।30আংনি রাইজৗয়াও যেন নৗংছৗরৗ আংজৗং লৗগৗছে জানৗ আরৗ লৗংনৗ, আরৗ সিংহাসনাও জিরাইনানৈ নৗংছৗরৗ ইস্রায়েলনি বারো ফৗলেরখৌ বিচার খৗলামনায়।31“শিমোন, শিমোন, খৗনাছং! শয়তানা ঈশ্বৗরনিফ্রায় অনুমতি বিবায়, গৗগৗ গমখৌ জেরই গুসুলানিফ্রায় চালিয়ৗ বিবাদিনৗ নৗংছৗর বয়খৌবৗ আনজাত লানৗ।32নাথায় আং নৗংনি থাখৈ প্রার্থনা খৗলামবায় যেন নৗঙৗ ফৗথাইনায়নিফ্রায় উনস্লৎনিবাদি, আরৗ নৗঙৗ জেব্লা গৗসৗ গাবনানৈ আংনেও ফৈফিননায়, অব্লা নৗঙৗ গাওনি ফংবায়ফৗরখৌ ফৗগৗমদৗ।”33নাথায় পিতরা বুংফিনবায়, “ও ফৗরবু, আং নৗংজৗং জৗবফাজানৗ আরৗ নৗংজৗং লৗগৗছে থৈনৗবৗ আঙৗ ঠাম ঠিমখা!”34যীশুআ হৗনবায়, “পিতর, আং নৗংখৌ হৗন্নৗ, দিনৈ হরাও দাওজ্লা গিসিৎনাসাওনৗ নৗঙৗ আংখৌ খনথাম অস্বীকার খৗলামনায়।”35অব্লা যীশুআ বিছৗরখৌ সৗংদৗং, “জেব্লা আং নৗংছৗরখৌ সিফি, জলংগা এবা সেনডেলফৗর লায়ামাৎনিন থৗনহৎদৗংমৗন, মাবা ঠৗয়ি নৗংছৗরনেও জাদৗংমৗন নামা?” “জেবৗ অৗঙা,” বিছৗরৗ উত্তর হৗবায়।36বিয়ৗ বিছৗরখৌ হৗন্দৗং, “নাথায় দা জাইহা সিফি এবা জলংগা দং, বিছৗরৗ লাথৗং; আরৗ জাইহা থুংগ্রী গৈয়া, বিছৗরৗ গাওনি সি'খৌ ফান্নানৈ গংছে বায়থৗং।37মানৗনা লিৎনায় দং, ‘বিয়ৗ পাপীজৗং সানফাজাবায়।’ আরৗ আং নৗংছৗরখৌ হৗন্নৗ বে আংনেও জাফুংনৗ নাংগৌ, আরৗ আংনি থাখৈ লিৎনাইয়া জাফুংলাংগাছেন দং।”38ছেলাফ্রা হৗনবায়, “ও ফৗরবু, নৈ, নাই! বেয়াও গংনৈ থুংগ্রীফৗর দং!” যীশুআ বুংফিনবায়, “বেনৗ ঠৗবায়”39যীশুআ নৗগৗরনিফ্রায় বাইরাও থাংনানৈ জেরই বাদি থাংফ্লাইয়ৗমৗন অলিব হাজৗয়াও থাংবায়, আরৗ বিনি ছেলাফ্রাবৗ বিনি উন উন থাংফাদৗং।40জেব্লা বি জায়গাও ছহৈয়ৗ, বিয়ৗ বিছৗরখৌ হৗন্দৗং, “নৗংছৗরৗ আনজাৎনাও গৗগ্লায়িবাদি, প্রার্থনা খৗলামদৗ।”41যীশুআ গাওনি ছেলাফৗরনিফ্রায় এছে গৗজানাও থাংনানৈ হান্ঠুখরাইনান প্রার্থনা খৗলামদৗং।42“ও আফা, নৗঙৗ গৗসৗ জায়ৗব্লা, সৈনাংনায়নি খুরৈখৌ আংনিফ্রায় বৗখাৎদৗ। অব্লাবৗ বে আংনি গৗসৗ বাদি অৗঙা, নাথায় নৗংনি গৗসৗ বাদি জাথৗং।”43আরৗ বে সমাও সাছে আরফ'আ স্বৗর্গৗনিফ্রায় বিজৗং নুজানানৈ বৗলৗ হৗদৗং।44গেদেৎ দুঃখু আরৗ দাহাজৗং যীশুআ গৗসৗ হৗসিন্নানৈ প্রার্থনা খৗলামদৗং; আরৗ বিনি গৗলৗমদৈয়া থৈ গসরনায় বাদি ফোঁটা ফোঁটা হ্বায়াও গৗগ্লৈদৗং ।45প্রার্থনা খৗলামখাংনায়নি উনাও বিয়ৗ জিখাংনানৈ গাওনি ছেলাফৗরনেও থাংদৗং, বিয়ৗ বিছৗরখৌ দুঃখয়াওনৗ মেংনানৈ উন্ডুলাংনায় মৗনহৈদৗং,46আরৗ যীশুআ বিছৗরখৌ সৗংন্দৗং, “নৗংছৗর মানৗ উন্ডুলাংখৗ? নৗংছৗরৗ আনজাৎনাও গৗগ্লায়িবাদি জিখাংনানৈ প্রার্থনা খৗলামদৗ।”47যীশু বুফুংনায়াও মৗনছে হানজায়া ছফৈদৗং, আরৗ বিনি বারোজন ছেলাফৗরনি সাছে, যিহুদা মুংখৌজানায়া বে দলখৌ দৈদেনবৗদৗং। আরৗ যিহুদাআ যীশুখৌ খুদুমনৗ বিনি খাঠিয়াও ফৈদৗং,48নাথায় যীশুআ বিখৌ সৗংদৗং, “ও যিহুদা, মা কি নৗঙৗ খুদুমনায়জৗং মানসিনি বিসাহৌয়াখৌ ধৗখাহৗদৗং?”49জেব্লা যীশুনি ছেলাফ্রা নুবায় মা জানৗ থাংছৈমৗন, অব্লা বেখৌ নুনানৈ হৗনবায়, ও ফৗরবু, মা কি জৗঙৗ থুংগ্রীজৗং দান্নায়ছৈ না?50আরৗ বিছৗরনি সাছেয়া গাহায় যাজকনি দাসনি আগ্ডানি খৗমাখৌ টপস্রৗ দানছোদৗং।51নাথায় যীশুআ বুংবায়, “হামবায়, বেখৌ জেবৗ দাখৗলামছৈ!” আরৗ যীশুআ বি মানসিনি খৗমাখৌ দৈনানৈ ছৗখাদৗং।52অব্লা যীশুআ গাওখৌ হমনৗ ফৈনায় গাহায় যাজকফৗরখৌ, সান্ত্রিফৗরখৌ, মন্দিরনি চুকিদার আরৗ প্রাচীনফৗরখৌ হৗনবায়, আং মা কি সাছে ডাকু, যে নৗংছৗরৗ থুংগ্রী আরৗ লাওঠি লানানৈ আংখৌ হমনৗ ফৈদৗং?53মন্দিরাও সানফ্রৗমবৗ আং নৗংছৗরজৗং লৗগৗছে দংমৗন, আরৗ নৗংছৗরৗ আংনি ছায়াও আখাই দৈখাংয়াখৈমৗন। নাথায় বে নৗংছৗরিনি সময় মানৗনা খৗমসিনি ক্ষমতা দা শাসন খৗলামনৗ নুজাবায়।54অব্লা বিছৗরৗ বিখৌ হমনানৈ গাহায় যাজকনি ন্ব'য়াও লাংদৗং; আরৗ পিতরবৗ গৗজাননিফ্রায় উন উন থাংফাদৗং।55আরৗ জেব্লা খাইছে মানসিফ্রা সিথ্লা গেজেরাও অয়াৎ ছুনানৈ জিরাইদৗং মৗন, পিতরবৗ বিছৗরজৗং জিরাইফাহৈদৗং।56সাছে দাসিয়া পিতরখৌ অয়াৎ জৗংনায়জৗং বিহা জিরাইনায়নি নুনানৈ, দাসিয়া মৗজাঙৈ নজরহৗনানৈ হৗন্দৗং; “বে মানসিআবৗ যীশুজৗং মৗন।”57নাথায় পিতরা অস্বীকার খৗলামনানৈ হৗন্দৗং, “ও হিন্জাওসা, আং বে মানসিখৌনৗ মিথিয়া।”58দান্দিছেনি উনাও সাছে মানসিআ পিতরখৌ নুনানৈ হৗনবায়, “নৗংবৗনৗ বিছৗরনি সাছেতার!” পিতরা বুংফিনবায়, “ও, আং অৗংথারা!”59ঘন্টাখানেকনি উনাও গুবুন সাছেয়া গৗরায়ৈনৗ হৗনবাওবায়, “নৗংথারগৌয়ৈ বি মানসিআ যীশুজৗং লৗগৗছেমৗন, মানৗনা বিবৗ সাছে গালীলীয়!”60নাথায় পিতরা বুংফিনদৗং, “ও মানসি, নৗং মা বুংদৗং, আং বেখৌনৗ মিথিয়া!” পিতরা বুংফুনায়ওনৗ দাওজ্লায়া গিসিৎদৗং।61ফৗরবুআ গিদিংনানৈ পিতরনি ঠিঙৈ নাইহৎদৗং, অব্লা পিতরা গাওখৌ ফৗরবু বুংনায় খৗথাখৌ গৗসৗখাংদৗং, “দিনৈ হরাও দাওজ্লায়া গিসিৎনাসাওনৗ নৗঙৗ আংখৌ খনথাম অস্বীকার খৗলামনায়।”62আরৗ পিতরা বাইরাও অৗংখাৎলাংনানৈ গৗগৗম গাবহৈবায়।63যীশুখৌ নেনায়ফৗরা বিখৌ দিন্ঠিদৗং আরৗ বুনৗ হমজেনদৗং।64বিছৗরৗ যীশুনি মগনখৌ খাথেনানৈ বিখৌ বুনান সৗংদৗং, “বুংছায় ছৗর নৗংখৌ বুদৗং!”65আরৗ বিছৗরৗ গৗবাংথার নিন্দিনায় খৗথাফৗর বিখৌ বুংদৗং।66জেব্লা ফুং জায়ৗ, অব্লা দৈদেনগ্রাফ্রা, গাহায় যাজকফ্রা আরৗ আইন গুরুফ্রা জ'জানানৈ, আরৗ যীশুখৌ যিহূদীয়াফৗরনি গৗজৌসিন আফাৎগিরিফৗরনি সিগাঙাও লাংনানৈ,67বিনেও সৗংদৗং, “নৗঙৗ মসিহব্লা জৗংনৗ খৗথা?” যীশুআ বুংফিন্দৗং, “আং নৗংছৗরনৗ খৗথাব্লাবৗ নৗংছৗরৗ ফৗথাইনায় অৗঙা।68আরৗ আং নৗংছৗরনেও সৗঙৗব্লা নৗংছৗরৗ উওর হৗফিন্নায় অৗঙা।69নাথায় দানিফ্রায় মানসিনি বিসাহৌয়াহা বৗলৗগ্রাসিনথার ঈশ্বৗরনি আগ্ডা ঠিঙৈ জিরাইনায়।”70বিছৗরৗ বয়বৗ সৗংবায়, “অব্লা মা কি, নৗঙৗ ঈশ্বৗরনি বিসাজ্লা?” বিয়ৗ বুংফিনবায়, “নৗংছৗরৗ বিখৌনৗ বুংবায়, আং বিনৗ।” 71অব্লা বিছৗরৗ হৗন্দৗং, “অব্লা জৗংনৗ মানৗ সাক্ষী নাংবাওগৌ! বিনি বুংনায়খৌ জৗং গাওনৗ খৗনাবায়!”
The Seed Company