লূক21
1জেব্লা যীশুআ মন্দিরাও মৗন, অব্লা বিয়ৗ নজরহৗনানৈ ধনীফৗরখৌ মন্দিরনি দান হৗগ্রা বাক্সয়াও দানহৗনায়ফৗরখৌ নুদৗং।2আরৗ সাছে হাওরিয়া রান্ডিহিন্জাওসাখৌবৗ গৎনৈ পয়সা হৗনায় নুদৗং।3অব্লা যীশুআ হৗন্দৗং, “আং নংথারগৌয়ৈ আঙৗ নৗংছৗরখৌ বুঙৗ, বে গরীব রান্ডিআছৗ গুবুন বয়নিখুরৈ বাংসিন দান হৗবায়।4মানৗনা বিছৗরৗ বয়বৗ গাওছৗরনি ধননীফ্রায়ছৗ দান হৗদৗং; নাথায় বে হাওরিয়া রান্ডিয়া গাওনি গাছেন দংনায়মানিখৌনৗ হৗজৗববায়।”5ছেলাফৗরনি খাইছে খাইছেয়া মন্দিরনি বিষয়ৈ বুংদৗংমৗন, বে মন্দিরা মৗজাং অন্ঠাইফৗরজৗং আরৗ দান হৗনায়ফৗরজৗং বেছেবাং সমাইজাদৗং; অব্লা যীশুআ হৗন্দৗং,6“নৗংছৗরৗ দা বেহা বেফৗরখৌ নুদৗং, নাথায় বি সমমা ছফৈগৌ, জেব্লা থাইছে অন্ঠাইয়া থাইছে অন্ঠাইনি ছায়াও থানায় অৗঙা, থৎফ্রৗমবৗ গারখ্লাইজানায়।”7বিছৗরৗ সৗংবায়, “ও গুরু, বেফৗরৗ গাছেন মাব্লাথৗ জানায়? জেব্লা বেফৗর জানায় অব্লা বিনি চিহ্নয়া মা জানায়?”8যীশুআ বুংফিনবায়, “রাওজৗংবৗ ছৗলৈজায়িবাদি সাবধাননৈ থা, মানৗনা আংনি নাম লানানৈ গৗবাঙানৗ ফৈনানৈ হৗন্নায়, ‘আংনৗ বি মসিহয়া,’ ‘আরৗ জৗবনাইনি সমা ছৗফৈবায়,’ নাথায় বিছৗরনি উনাও দাথাং।9জেব্লা নৗংছৗরৗ যুদ্ধনাংনায় আরৗ বিরুদ্ধ জিখাংনায়ফৗরখৌ খৗনাব্লা নৗংছৗরৗ দাগি, মানৗনা বেফৗরৗ সিগাংআওনৗ জাখানাংগৌ দং। নাথায়, বে সমাওনৗ জৗবনায়া ছফৈথৗনায় অৗঙা।”10অব্লা বিয়ৗ বিছৗরখৌ বুংবাওবায়, “জাতিয়া জাতিনি বিরুদ্ধনাও জিখাংনায়, আরৗ রাইজৗয়া রাইজৗনি বিরুদ্ধনাও জিখাংনায়।11বিহা গিদিৎ গিদিৎ গাংগ্রিম, আংখাল আরৗ গৗবাং জায়গাফৗরাও মহামারি জানায়, আরৗ গিথাওথাও ঘটনাফৗর জানায়, আরৗ গেদেৎ গেদেৎ চিহ্নফৗর নখ্রাংয়াও নুজানায়।12নাথায় বেফৗর গাছেন জানায়নি সিগাং মানসিফ্রা নৗংছৗরখৌ হমনায় আরৗ নাছয়জানায়; বিছৗরৗ নৗংছৗরখৌ সিবিগ্রা ন্ব'য়াও গথাইহৈনায় আরৗ জৗবথৈসালিয়াও জৗবমৈনায়, আরৗ আংনি নামনি থাখৈ নৗংছৗরৗ রাজাফৗর আরৗ শাসনখৗলামগ্রাফৗরনি সিগাংয়াও লাংজানায়।13আরৗ নৗংছৗরনি থাখৈ আংখৌ সাক্ষী হৗনৗ বে মৗনছে মৌখা জানায়।14বিনিখাইনৗ নৗংছৗরৗ গাওখৌ বাছাইনৗ থাখৈ মা উত্তর হৗনায়, বিনি থাখৈ সিগাংয়াওনৗ গৗসৗয়াও চিন্তা দাখৗলাম।15মানৗনা আং নৗংছৗরনৗ এরইবাদি খৗথা আরৗ বু্দ্ধি হৗনায় যে নৗংছৗরনি বিরুদ্ধনাও সাছেয়াবৗ বুংফিনৗ এবা প্রতিরোধ খৗলামনৗ হানায় অৗঙা।16এমন কি নৗংছৗরৗনি বিমা বিফা, বিদা ফংবায়, ভাগী গুষ্ঠি আরৗ লৗগৗফ্রাবৗনৗ নৗংছৗরখৌ হমনানৈ হৗনায়, আরৗ বিছৗরৗ নৗংছৗরনি খাইছে খাইছেখৌ সিথাৎহৗনায়।17আংনি নামনি থাখৈ নৗংছৗরৗ বয়জৗংবৗ মুগৈজানায়।18নাথায় নৗংছৗরনি খর'নি খানায় দৗংছৈবৗ নষ্ট জানায় অৗঙা।19নৗংছৗরৗ সৈছৗনায় গৗমগৗমৈ গছংফৗথা, অব্লা নৗংছৗরৗ জিউখৌ দেহানায়।20“জেব্লা নৗংছৗরৗ যিরূশালেমখৌ যুদ্ধ নাংগ্রাফৗরজৗং বেংদিংজানায় নুনায়, অব্লা নৗঙৗ মিথিনায়ছৈ যে বেনি ধ্বংস জানাইনি সময়া খাঠিয়াওছৈ।21বি সমাও জাইফ্রা যিহূদিয়া হাদৎনাও দং, বিছৗরৗ হাজৗফৗরাও খাৎখৗথৗং; আরৗ জাইফ্রা নৗগৗরাও দং, বিছৗরৗ বাইরাও থাংথৗং; আরৗ জাইফ্রা গামিফৗরাও দং বিছৗরৗ নৗগৗরাও দাহাবহৈথৗং।22মানৗনা বে দিনফ্রা জানায় শাস্তিনি দিন, আরৗ নবিফৗরনি শাস্ত্রয়াও লিৎনায় গাছেনবৗ জাফুংনায়।23হাবাব, বি দিনফ্রাও মৗদৗমাও থানায় হিন্জাওফৗরনে আরৗ বিসাফৗরনৗ আহার দৌওগ্রা বিমাফৗরনি অবস্থায়া মা জানায়। মানৗনা গৗব্রাবথার নিদানা বে বুহুমাও ছফৈনায়, আরৗ ঈশ্বৗরনি গিলু বালু সাজায়া বেহানি মানসিফৗরনি ছায়াও গৗগ্লায়নায়।24বিছৗরৗ থুংগ্রীজৗং দানথাৎজানায় এবা বন্দি খৗলামনানৈ সংসারনি গাছেন জাতিনেও লাংজানায়া, আরৗ গুবুনহারিফৗরনি সময়া জাফুংয়াগৌমানি বিছৗরৗ যিরূশালেমখৌ গাগ্লিনানৈ আঠেং সিঙাও দৗন্নায়।25“বি সমাও সান, অৗখাফৗর আরৗ হাথৎখিফৗরাও বৗথিয়া গৗনাং চিহ্নফৗর নুনৗ মৗননায়। বুহুমাও জাতিমানিয়ানৗ সৈনাংনায়, আরৗ স্বৗর্গৗনি ছৗগৗননায় আরৗ সমুদ্রনি ঢেউজৗং মানসিফ্রা উসাও বাদাও জানায়।26সংসারাও জাবৗগৌফৗরখৌ গিনানৈ, আরৗ মানসিফৗরা অজ্ঞান জানায়; মানৗনা নখ্রাংনি বৗলৗ মানিয়ানৗ ছৗমাওগ্লুবজানায়।27বি সমাও বিছৗরৗ মানসিনি বিসাহৌয়াখৌ, বৗলৗ আরৗ গেদেৎ মহিমাজৗং জৗমৈয়াও ফৈনায় নুনায়।28জেব্লা বেফৗর গাছেনবৗ শুরু জাজেনৗ, অব্লা নৗংছৗরৗ জিখাং আরৗ খর'ফৗরখৌ দিখাংনানৈ নাইগদাও, মানৗনা নৗংছৗরনি বাইখজানায়া খাঠিছৈ।”29যীশুআ বিছৗরনৗ বে দৃষ্টান্তখৌ খৗথাবায়ঃ “ডুমরি বিংফাংখৌ নাইদৗ আরৗ গুবুন গাছেন বিফাংফৗরখৌ নাইদৗ।30জেব্লা বিলাইফৗর রৗদৗমখাঙৗ অব্লা নৗংছৗরৗ গাওছৗরনৗ নুনৗ হায়ৗ আরৗ মিথিয়ৗ, গৗলৗমনায় বৗথৗরা ছফৈবায় হৗন্নানৈ।31বেবাদিনৗ জেব্লা, নৗংছৗরৗ বেফৗরখৌ জাফুংনায় নুয়ৗ, অব্লা নৗংছৗরৗ মিথিদৗ যে ঈশ্বৗরনি রাইজৗয়া খাঠিয়াওছৈ।32নংথারগৌয়ৈ আঙৗ নৗংছৗরখৌ বুঙৗ, জেব্লাসিম বেফৗরৗ জানায় অৗঙা, অব্লাসিম বে ফিরিনি মানসিফ্রা জৗবনায় অৗঙা।33নখ্রাং আরৗ বুহুমা জৗবনায়, নাথায় আংনি খৗথাফ্রা মাব্লাবাবৗ জৗবথারনায় অৗঙা।34“নৗংছৗরৗ সাবধান জা, এবা নৗংনি গৗসৗয়া জাগ্লুংনায় লৗংগ্লুংনায় আরৗ মৗদৗমনি লুবৈনায়ফৗরাও চিন্তাজৗং গৗডৗনায়; আরৗ বি দিননা ঠাবনৗ ফান্দৗ ফাংথেনায়বাদি নৗংছৗরনেও ছৗফৈনায়।35ফান্দৗ বাদি, বে বুহুমমাও থানায় গাছেন মানসিফৗরনি ছায়াও ছফৈনায়।36জেব্লাইবৗ সিরি মৗন্নানৈ থাদৗ, আরৗ প্রার্থনা খৗলামদৗ জাথে বেফৗর জানায় ঘটনাফৗরনিফ্রায় নৗংছৗরৗ বাছিনানৈ মানসিনি বিসাহৌয়ানি সিগাঙাও গছংনৗ হানায় বাদি।”37যীশুআ সানফ্রৗমবৗ মন্দিরাও ফৗরৗংয়ৗমৗন, আরৗ বেলাছিফ্রৗমবৗ বিনিফ্রায় অৗংখাৎলাংনানৈ অলিব হাজৗয়াও হর থাহৈয়ৗমৗন।38আরৗ গাছেন মানসিফ্রা সানফ্রৗমবৗ ফুংজামাঠনিন বিনি খৗথাখৌ খৗনাছংনৗ মন্দিরাও ফৈয়ৗমৗন।
The Seed Company