গালাতীয়1
1পৌলআ খ্রীষ্টনি সাছে প্রেরিত, বে প্রেরিত জানায়া মানসিনিফ্রায় অৗঙা এবা মানসিজৗংবৗ জায়াখৈ, নাথায় যীশু খ্রীষ্ট আরৗ বিফা ঈশ্বৗর, জাইয়া খ্রীষ্টখৌ থৈনায়নিফ্রায় ঠাংখাংফিনহৗদৗং, বিজৗংনৗ থৗনহৗৎজাদৗং।2আরৗ আংজৗং লৗগৗছে বয়বৗ বিদা-ফংবায় আরৗ বিনানাওফৗর, গালাতীয়া মন্ডলীফৗরনৗ বে লাইজামখৌ পাঠাইদৗং।3জৗংনি বিফা ঈশ্বৗর আরৗ ফৗরবু যীশু খ্রীষ্টআ নৗংছৗরখৌ অনুগ্রহ আরৗ শান্তি হৗথৗং,4জাইয়া জৗংনি পাপনি থাখৈ গাওখৌনৗ হৗবায়, জাহাথে জৗংনি বিফা ঈশ্বৗরনি গৗসৗ বাদি জৗংখৌ বে গাজ্রি যুগনিফ্রায় উদ্ধার খৗলামনৗ।5ঈশ্বৗরা জেব্লাইবৗ মহিমা গৗনাং জাথৗং। আমেন।6আং নৗংছৗরখৌ বৗথিয়া নাংবায়, খ্রীষ্টনি অনুগ্রহনি গেজেরজৗং জাইয়া নৗংছৗরখৌ লিংহৎদৗং, বিনিফ্রায় এছে গৗখ্রৈনৗ নৗংছৗরৗ গিদিংনানৈ গুবুন মৗজাং খবরখৌছৗ নাজাওবায়,7জেয়া নংথারগৌয়ৈ গুবুন মৗজাং খবর অৗঙা। আং বান বেখৌ বুঙৗ মানৗনা ছৗরবা ছৗরবায়া নৗংছৗরখৌ আনদায়হৗদৗং আরৗ খ্রীষ্টনি মৗজাং খবরখৌ বৗখে বৗখা খৗলামনৗ হাস্থাইয়ৗ।8নাথায় জৗং নৗংছৗরনৗ খৗথানায় মৗজাং খবরখৌ নাগারনানৈ নৗংছৗরৗ গুবুন মৗজাং খবর খৗথায়ৗব্লা জৗং এবা স্বৗর্গৗনি আরফ'য়ানৗ খৗথায়ামানৗ, বিছৗরনি ছায়াও ঈশ্বৗরনি সাওয়া থাথৗং।9সিগাঙাও জৗঙৗ জেরৈ বুংদৗং, দাবৗ আঙৗ বুংবাওয়ৗ; নৗংছৗর নাজাওনায় মৗজাং খবরখৌ নাগারনানৈ ছৗরবায়া গুবুন মৗজাং খবর খৗথায়ৗব্লা, বিছৗরৗ ঈশ্বৗরনি সাওনি সিঙাও থাথৗং।10আং মানসিফৗরনি হামজাজানায়নি গনায়থি মৗন্নৗ না ঈশ্বৗরনি মৗন্নৗ হাস্থাইদৗং? এবা আঙৗ কি মানসিফৗরখৌ খুশি খৗলামনৗ হাস্থায়দৗং? যদি দাবৗনৗ আঙৗ মানসিফৗরখৌ খুশি খৗলামনৗ হাস্থায়দৗংব্লা, অব্লা আঙৗ খ্রীষ্টনি দাস জানায় অৗঙা মৗন।11ও বিদা ফংবায় আরৗ বিবো বিনানাওফৗর, আং নৗংছৗরখৌ মিথিজান লুবৈয়ৗ, যে মৗজাং খবরখৌ আং খৗথাবায় বেয়ৗ মানসিনি অৗঙা।12আঙৗ বেখৌ রাওবৗ মানসিনিফ্রায় মৗনাখৈ এবা রাওবৗ আংনৗ ফৗরৗঙাখৈ, বরং যীশু খ্রীষ্টনিফ্রায় নুজাহৗজানাইয়াও আঙৗ বেখৌ মৗনদৗং।13জেব্লা আঙৗ যিহূদীয়ারি ধৗরৗমখৌ ফালিয়ৗ মৗন, বে সমাও আঙৗ ঈশ্বৗরনি মন্ডলীখৌ মাব্রৈ নাছয়দৗংমৗন আরৗ সংহার খৗলামনৗ হাস্থায়দৗং মৗন, বেফৗরখৌ নৗংছৗর খৗনাখাবায়।14আং গাওনি বয়স বাদি গৗবাং মানসিফৗরনি গেজেরাও যিহূদী ধৗরৗমখৌ ফালিনায়াও আঙৗ বয়নিখুরৈ রাসিন মৗন, আরৗ জৗংনি আজৌ আজৈফৗরনি ফালিবৗনায় নিয়মফৗরখৌ মানিনায়াও বিরাঠ গৗসৗগুদুংথার মৗন।15নাথায় জেব্লা ঈশ্বৗরা, আংখৌ বিমানি গৗর্বৗনিফ্রায় আলাদা খৗলামদৗং আরৗ গাওনি অনুগ্রহজৗং লিংহৎদৗং, অব্লা বেয়ৗ বিখৌ খুশি খৗলামদৗং16আং গুবুনহারিফৗরনৗ খ্রীষ্টনি মৗজাং খবরখৌ খৗথানৗ হানায় বাদি, ঈশ্বৗরা জেব্লা আংনৗ গাওনি বিসাজ্লাখৌ নুজাহৗয়ৗ, আংনি গৗখ্রৈ জবাবমা রাওবৗ মানসিনি সমন্দৈ পরামর্শ জায়াখৈ মৗন।17এবা আংনি সিগাং যিরূশালেমাও জাই প্রেরিতফৗর দংমৗন বিছৗরখৌ নাইনৗ আং থাঙাখৈ মৗন, নাথায় আঙৗ আরবমাও থাদৗংমৗন, উননাও দম্মেশকয়াও থাংফিন্দৗং।18বিনি বৗছৗরথামনি উনাও আঙৗ কৈফাসজৗং ছিনায়জ্লাইনৗ যিরূশালেমাও থাংনানৈ বিজৗং পনেরো দিন থাহৈদৗং।19আঙৗ গুবুন রাওবৗ প্রেরিতফৗরখৌ নুয়াখৈ, ফৗরবুনি ফংবায় যাকোবখৌ বান।20আঙৗ নৗংছৗরখৌ ঈশ্বৗরনি সিগাঙাও হৗন্নৗ যে আঙৗ জেখৌ লিৎনৗ বিয়ৗ নংখায় অৗঙা।21বিনি উনাও আঙৗ সিরিয়া আরৗ কিলিকিয়াও থাদৗংমৗন।22খ্রীষ্টনিয়াও দংনায় যিহূদিয়া হাদৎনি মন্ডলীফৗরাও ব্যক্তিগতয়ৈ আঙৗ ছিনাইজায়া মৗন।23আংনি খৗথা গুবুনফৗরনি বেবাদি বুংনায়খৌ বিছৗর বান খৗনাদৗং মৗন। “জাইয়া জৗংখৌ নাছয়দৗং মৗন, বিয়ৗ দা খ্রীষ্টখৌ ফৗথাইনায়নি মৗজাং খবর খৗথাবাইদৗং, নাথায় সানছে সমাও বিয়ৗ সংহার খৗলামনৗ হাস্থায়দৗং মৗন।”24আরৗ বিছৗরৗ আংনি থাখৈ ঈশ্বৗরখৌ বাখ্নাইদৗং।
The Seed Company